Jólapósturinn - 01.12.1948, Qupperneq 29

JÓLAPÓSTURINN
k k k
Tjörninni. Stóðu skólapiltar oftast að
honum. Sjaldan stóð svo á að Tjörnin
væri auð um jólin svo að ekki væri
hægt að halda álfadans þar. En ef það
kom fyrir, þá var farið út á mela í sam-
bandi við hann. En stundum var brenn-
an sjálfstætt fyrirtæki. Var hún oftast
haldin á litlum grasbletti, rétt austan
við Iþróttavöllinn.
Brennan var oftast haldin á Þrettánd-
anum eða rétt e?cir hann, ef veðrið var
vont á sjálfan Þrettándadaginn. Eins
og ég sagði áður var miklu minna bor-
ið í allt á jólunum, þegar ég var barn
en nú á síðari árum. En öllum ætti að
vera það ljóst, að það eru ekki ytri að-
stæður sem skapa hamingjuna, heldur
það hugarfar, sem gleðst yfir því, sem
fyrir það er fórnað. En í því liggur í
rauninni listin að lifa, að geta notið þess
góða og gleðilega og að geta borið erf-
iðleikana með sæmilegu þreki.
Það er því orða sannast, að þó að
allt væri af skornum skamti þá, sem
við höfum nú nægtir af, og ekkert væri
í ríkara mæli þá en nú, nema snjór og
ís. Byrjuðu jólin engu síður þá en nú
að setja svipinn á lífið löngu fyrir fram
og tunglið fór að skína svo hátíðlega,
þegar það fann að jólin nálguðust og
það er þessi hátíð hugans, sem bæði fyrr
og síðar hefur gefið okkur gleðileg jól.
Úr öllum áttum
Fáir menn munu vera eins snarráðir
og biðill sá, sem nú skal sagt frá. Hann
var staddur langt úti á stöðuvatni á
róðrarbáti með unnustu sinni og vænt-
anlegri tengdamóður.
„Hvorri okkar mundir þú bjarga,“
sagði móðirin, ,,ef bátnum hvolfdi?"
Pilturinn svaraði umhugsunarlaust:
„Ég mundi bjarga yður og deyja með
henni.“
★
I Egiptalandi þykir það hin mesta
kurteisi að sötra kaffið og því hressi-
legar sem sötrað er, því meiri nautn
sýnir sá, sem drekkur.
★
I Norður-Afríku þykir sá maður
dóni, sem fer, áður en húsráðandinn
hellir í þriðja sinn í kaffibolla hans og
hann þykir líka dóni, ef hann fer ekki,
þegar hann er búinn úr þriðja bollan-
um.
★
Þekktur leikari, sem kunnur var fyrir
hnyttileg tilsvör, deildi við konu sína,
sem var leikkona. Hún segir að lokum:
„Hvernig getur þú talað þannig við
mig, þegar ég hefi gefið þér sjö beztu
ár lífs míns.“
„Guð sé oss næstur,“ svaraði leikar-
inn, „voru þetta beztu árin þín?“
Gleðileg jól! Gleðileg jól!
Eggert Kristjánsson og Co. h.f. Pétursbrú, Njádsgötu 106.