Sjómannadagsblað Snæfellsbæjar - 01.06.2016, Síða 6

Bjart framundan
í lífi þjóðar skiptast vissulega á skin og skúrir -
og oftar en ekki hefur það oltið á því hvernig áraði
í sjávarútveginum hvort framtíðarhorfurnar væru
málaðar björtum eða dökkum litum.
I dag leyfi ég mér að fullyrða að við höfum ærna
ástæðu til að horfa vonglöð til framtíðar hvað
varðar íslenskan sjávarútveg. Mig langar hér að
tiltaka sex atriði sem renna stoðum undir þessa
fullvissu mína.
í fyrsta lagi þá eru vísitölur síðustu tveggja ára
fyrir þorsk þær hæstu frá upphafi rannsókna árið
1985 samkvæmt Hafrannsóknarstofnun. Þessi
niðurstaða er mikið gleðiefni og sýnir umfram allt
árangurinn af ábyrgri og sjálfbærri fiskveiðinýtingu.
Nú erum við að uppskera árangur sem aðrar
þjóðir taka eftir og leita til íslands í æ ríkari mæli
eftir sérþekkingu okkar. Verðum við að standa vel
að því enda er vendarstefna æ oftar meðalið gegn ofveiði fremur en
sjálfbær nýting auðlinda.
í öðru lagi þá eru íslendingar að fá hærra verð fyrir hvern þorsk
sem kemur að landi en flestar aðrar þjóðir. Mikil gæði og öflugt
markaðsstarf eru hér lykilþættir en segja þó ekki nema hálfa söguna.
Við erum nefnilega farin að nýta miklu betur allan fiskinn; bein og roð
og slóg og hvaðeina. Nú er svo komið að fiskúrgangur heyrir nánast
sögunni til þökk sé frumkvöðlastarfi - þetta eru allt verðmæti sem
nýtast í hvort heldur sem er í tískuvörum eða háþróuðum vörum til
lækninga.
í þriðja lagi þá fékk ég það rækilega staðfest þegar ég sótti
sjávarútvegssýninguna í Brussel nýverið hve framarlega á heimsvísu
mörg íslensk tæknifyrirtæki eru við framleiðslu á tækjum og
tæknilausnum við veiðar og vinnslu. Þessar
tæknilausnir snúa m.a. að meiri og betri kælingu,
betri nýtingu og auknum gæðum. Það er hreint út
sagt magnað að sjá framfarirnar sem orðið hafa á
síðustu árum á þessu sviði.
í fjórða lagi þá er sá munur á íslenskum
sjávarútvegi og erlendum að víðast hvar
nýtur hann styrkja frá hinu opinbera. Á íslandi
aftur á móti er þessu þveröfugt farið. Hér
stendur sjávarútvegurinn á eigin fótum og
leggur til samfélagsins í formi skatta, atvinnu
og framþróunar innan geirans í samstarfi við
stjórnvöld.
í fimmta lagi þá bind ég miklar vonir við að
samvinnuverkefni fyrirtækja og stofnana sem
unnið er undir gunnfána íslenska sjávarklasans
og kallast „Fish and Ships" muni koma frábærum
hlutum til leiðar. Verkefnið byggir á því að kynna íslenskar lausnir
erlendis við öllum þeim áskorunum sem upp kunna að koma í
sjávarútvegi.
í sjötta lagi eru það svo íslensku sjómennirnir sem hafa í gegnum
tíðina sótt þjóðinni björg í bú. Um fjögur þúsund einstaklingar
sem hafa staðið vaktina og sótt afurðina sem hefur verið okkur svo
mikilvæg. Það er engin tilviljun að íslenska þjóðin hylli þá á fyrsta
sunnudegi júnímánaðar ár hvert og fánar blakti hvarvetna um borg og
bæ íslenskum sjómönnum til heiðurs.
Sjómönnum öllum og fjölskyldum þeirra óska ég til hamingju með
daginn.
Gunnar Bragi Sveinsson
sjávarútvegs- og landbúnaðarráðherra
RÍR VANdlÁTA

Skútuvogi 6 - Sími 568 6755
4