Skógræktarritið - 15.05.2012, Page 5

Skógræktarfélag Íslands er landssamband 60 skógræktar félaga sem starfa
í flestum byggðarlögum landsins. Skóg ræktar félögin mynda breiðfylkingu
nærri 8.000 áhuga- og stuð ningsmanna skógræktar. Skógræktarfélag Íslands
er málsvari félaganna og hefur það m.a. að markmiði að stuðla að trjá- og
skógrækt, gróð ur vernd og landgræðslu og að fræða og leiðbeina um skóg-
rækt. Skógræktarfélögin eru að sjálfsögðu öllum opin og eru allir sem skóg-
rækt unna hvattir til þátttöku.
Skógræktarritið (áður Ársrit) hefur komið út samfellt frá árinu 1932 og er
eina fagritið sem fjallar sérstaklega um efni er varða skógrækt. Ritið kemur
út tvisvar á ári og er hægt að fá það í áskrift (skog.is). Þeir sem hafa áhuga
á að skrifa greinar í ritið eru hvattir til þess að hafa samband við ritstjóra
(bj@skog.is).
Hægt er að fá helstu upplýsingar um fjölþætt starf Skógræktar félags Íslands
og aðildarfélaganna á heimasíðunni skog.is.
Leiðbeiningar til höfunda greina í Skógræktarritinu
Til að tryggja betra samræmi milli greina í ritinu og til hagræðingar við próf-
arkalestur og umbrot var ákveðið að búa til einfaldan staðal fyrir Skógræktar-
ritið um meðferð heimilda og aðra uppsetningu, sem tekur á helstu atriðum
sem upp hafa komið þar sem frágangur höfunda hefur verið misjafn. Staðall-
inn er aðgengilegur á heimasíðu Skógræktarfélags Íslands (Útgáfa – Skóg-
ræktarritið):
www.skog.is/images/stories/utgafa/skogrit-gatlisti.pdf
Endanlegur frágangur sniðmáts er gerður af prófarkalesara hjá Skógræktar-
félagi Íslands
Skógræktarfélag Íslands
og Skógræktarritið
Um mynd á kápu
Ágúst Bjarnason er fæddur í Reykjavík árið 1956. Hann
nam við Myndlista- og handíðaskóla Íslands á árunum
1988-1990 og stundaði nám í listasögu við Stockholms
Universitet á árunum 1991-93. Þá stundaði Ágúst nám
í bókmenntum og heimspeki við Háskóla Íslands á ár-
unum 2000-2003. Ágúst hefur haldið fjölmargar sýn-
ingar hér á landi á undanförnum árum, m.a. í Reykjavík,
á Akureyri og í Vestmannaeyjum og fengist við fjölbreytt
verkefni er snúa að listsköpun.
Í verki Ágústs, sem prýðir Skógræktarritið að þessu
sinni, er það andblær vorsins sem ræður ríkjum. Kirsu-
berjatrén sem nú vaxa sem aldrei fyrr á Íslandi eru
víða erlendis tákn vorkomunnar og sumarsins sem fer
í hönd. Með hlýnandi veðurfari og auknu skjóli fjölgar
vafalaust slíkum yndistrjám sem jafnframt gleðja augað
og vekja sumaryl í hjarta.
Ritstjórnargrein
Útgáfa Skógræktarritsins markar tímamót að þessu sinni.
Eitt er að nefna að nú fylgir ritinu fræðslubæklingur-
inn Frækornið, er áður var fylgifiskur Laufblaðsins, sem
nú er gefið út á vegum félagsins á rafrænu formi. Fræ-
kornið hafði strax frá fyrstu tíð ákveðna sérstöðu. Í því
er afmarkað viðfangsefni útskýrt á hnitmiðaðan hátt með
góðum skýringarmyndum og hefur það sýnt sig að vera
afar vinsælt meðal almennings. Það var því nauðsynlegt
að finna því framhaldslíf og verður það vonandi gagnlegt
og gjöfult lesendum Skógræktarritsins auk annarra rækt-
unaráhugamanna.
Annað sem rétt er að nefna er að undanfarin fjögur ár
hefur verið unnið kappsamlega að því að skanna öll eldri
rit félagsins allt frá fyrsta útgáfudegi árið 1932. Prent-
smiðjan Viðey ásamt H. Pálsson annaðist skönnun allra
gagna en Ragnhildur Freysteinsdóttir hefur haft veg og
vanda af prófarkalestri og lagfæringum, þar sem texti í
ritunum gat brenglast við vinnsluna og því nauðsynlegt
að leiðrétta skrárnar. Fyrirhugað er að eldri árgangar rits-
ins verði aðgengilegir öllum þeim fróðleiksfúsu lesendum
sem hafa áhuga á ræktunarstarfi. Í tengslum við þessar
miklu vinnu mun félagið nú í sumarbyrjun kynna og koma
upp vefverslun á heimasíðu sinni, www.skog.is. Þar verð-
ur hægt gerast áskrifandi að nýjum ritum á rafrænu formi
auk þess sem hægt verður að kaupa eldri rit á vefnum
með prenthæfri upplausn.
Að vanda er í þessu riti áhugaverðar greinar sem lesendur
eiga áreiðanlega eftir að hafa gaman af að lesa í gróand-
anum.