Skógræktarritið - 15.05.2012, Síða 58

SKÓGRÆKTARRITIÐ 201256
Trjáplöntun í skógræktarlandið hófst þann 14.
júní 1987 á 25 ára afmælisdegi BYKO. Sigurður
Blöndal skógræktarstjóri tók þá skóflustungu að
nýjum skógi og gróðursetti fyrstu grenitrén. Þá
færði hreppsnefnd Biskupstungna afmælisbarninu
25 aspir að gjöf og gróðursettu þeir Gísli Einarsson
oddviti og Guðmundur H. Jónsson, stjórnarformað-
ur BYKO, fyrsta tréð. Þessar aspir mynda nú stór-
vaxinn lund skammt austur af Drumboddsstaða-
bænum. Síðan tók fjölmennt lið starfsmanna við og
gróðursetti rúmlega 4000 berrótarplötur frá Tuma-
stöðum, stafafuru og sitkagreni, í holt og túnjaðra
í heimalandinu. Það varð svo að árlegum viðburði
að starfsmenn og fjölskyldur þeirra gerðu sér ferð
austur í Tungur snemma í júnímánuði og settu nið-
ur nokkur þúsund plöntur áður en þau gæddu sér
á grillmat úti í vorfagurri náttúrunni. Eiga marg-
ir góðar minningar frá þessum skógræktardögum.
Hélst þessi siður framyfir aldamót, en hefur nú lagst
af, a.m.k. í bili.
Land og aðstæður
Landnámsjörðin Drumboddsstaðir tilheyrir upp-
sveitum Árnessýslu, í austanverðum Biskupstungum
og á land að Hvítá. Samkvæmt viðteknum mælitöl-
um eru skilyrði til skógræktar góð á svæðinu, enda
nokkra skógræktarperlur innan seilingar. Má þar
nefna Haukadalsskóg, eina af vöggum skógrækt-
ar í landinu, og nafntogaðan reit í landi Vatnsleysu
þar sem mælst hefur hvað mestur vöxtur sitkagrenis
hérlendis. Tölur frá veðurstöðinni á Hjarðarlandi,
sem er steinsnar frá Drumboddsstöðum, vitna um
þessi skilyrði. Á árunum 1990-2011 var meðalhiti
Fyrsti skógræktardagur BYKO á Drumboddsstöðum 14. júní 1987. Hópur glaðbeittra starfsmanna tilbúinn til
gróðursetningarstarfa.
Ástæða til að gleðjast; Jón H. Guðmundsson, Sigurður
Blöndal skógræktarstjóri og Guðmundur H. Jónsson
í Leyninum fyrir neðan Drumboddsstaðabæinn fyrir
aldarfjórðungi. Skógræktarstjóri hefur nýlokið við að
planta fyrstu grenitrjánum.