Skógræktarritið - 15.05.2012, Qupperneq 72

SKÓGRÆKTARRITIÐ 201270
um þar sem hún er fallegust, í rúmlega 1.800 m hæð
og efst í skarðinu í rúmlega 2.100 m hæð. Athygli
vakti útlit bergfurunnar sem þarna er beinvaxin og
einstofna, gjörólík því vaxtarlagi sem við þekkjum
gjarna af kvæmum sem mikið eru notuð á Íslandi
(Hanstholm). Kemur þetta heim og saman við frá-
sögn Jóhanns Pálssonar2 af vaxtarlagi bergfurunn-
ar í vestanverðum Alpafjöllum og áttum við eftir að
sannreyna það Frakklands megin. Efsti hluti dalsins
og skarðið sjálft er þjóðgarður sem sagður er sá elsti
í Alpafjöllum og markmið að mannshöndin snerti
þar sem allra minnst. Ekkert fræ var á lerki ofan við
1.800 m hæð. Uppi í skarði hafði regn og slydda náð
til okkar og gekk á með þungum skúrum með hagl-
éljum og skruggum stórum.
Aftur var horfið niður í Engadin dalinn og eft-
ir honum til suðvesturs gegnum bæinn St. Moritz
að fjallvegi sem liggur til vesturs upp úr þorpinu
Silvaplana. Dalbotninn þarna er í um 1.800 m hæð
og má vænta að Silvaplana-kvæmi evrópulerkis sé
vænlegt. Það er einmitt evrópulerkið sem vestfirskir
skógarbændur hafa notað undanfarin ár.
Yfir skarðið Julierpass liggur vegur hæst í rúm-
lega 2.300 metrum. Þarna var komið hið versta slag-
veður og máttum við hafa okkur alla við að brjótast
að nokkrum föngulegum lerkitrjám í 2.050 m hæð
en náðum þar allnokkrum könglum sem reyndust
kökk-fullir af trjákvoðu (harpix) og hið versta mál
að þreskja. Vestan við skarðið komum við auga á
tvo íslenskulega skógreiti (frímerki) en þegar betur
var að gáð voru þetta afgirtar skógræktar-tilraunir
með ungum trjám sembrafuru, bergfuru, rauðgrenis
og lerkis. Vöxtur virtist ágætur þótt reitirnir stæðu
í tæplega 2.100 m. hæð. Skóglaust var umhverfis og
má ætla að beit ráði því fremur en vaxtarskilyrði.
Myrkur var að skella á og haustveður válynt svo
héðan var stefnan tekin heim í kofa Tómasar og set-
ið við fræverkun fram undir morgun.
A.m.k. 20 m há bergfura í 1.800 m hæð í Ova Spin vestan
við Ofenpass. Mynd: Sighvatur Jón Þórarinsson.
Glæsilegir sembrafuru öldungar ásamt stöku rauðgreni í
1.850 m hæð í Genthal. Mynd: SKÞ.