Føroya kunngerðasavn A og B - 29.12.1980, Blaðsíða 28

44
Nr. 15.
4. februar.
REGLUGERÐ
um
skatting av persónum, sum eru her á landi stytri tið enn 3 mánaðar.
Við heimild í § 19a í løgtingslóg nr. 50 frá 2. juli 1963, sum broytt við løgtingslógnr. 71 frá 24.
oktober 1978 hevur landsstýrið fyrisett:
§ 1. Persónar, sum eru í Føroyum stytri enn 3 mánaðar og her hava inntøku av arbeiði ella
vinnu, svara skatt av inntøku teirra við 30%.
§ 2. Persónar umborð á føroyskum fiski- ella farmaskipi, sum ikki hava fastan bústað her,
svara skatt við 30% av inntøku teirra, um teir ikki sambært sýndum skjølum eru settir í
inntøkuskatt uttanlands eftir teimum reglum, ið galda fyri fólk búsett har. Líkningarráðið skal í
hvørjum einstøkum føri vátta yvir fyri reiðarínum, at fortreytirnar fyri at frítaka ein persón fyri
at gjalda 30% skatt eftir hesi reglu eru tilstaðar.
§ 3. Har talan er um løntakara, hevur arbeiðsgevarin skyldu til at halda eftir í lønini 30% fyri
skattin. Ger hann ikki hetta, skal hann sjálvur tilsvara tann skatt, sum annars skuldi verið
goldin. Tann afturhildna peningin skal hann rinda Føroya Gjaldstovu seinast 14 dagar aftaná at
hesin annars skuldi verið goldin løntakaranum og samstunđis siga frá navni skattgjaldarans,
bústaði, lønarhæddini, skatturin er roknaður av, og tíðarskeiðið hetta er fyri. Eisini eigur at
verða boðað Líkningarráðnum frá hesum.
§ 4. Persónar, sum við framsýningum, leiki ella øðrum eru her stytri tíð enn 3 mánaðar og her
fyri egna rokning forvinna sær inntøku, skulu á sama hátt svara 30% av nettoinntøkuni. Hesir
skulu, áðrenn teir fara avstað aftur, lata Líkningarráðnum yvirlit yvir inntøkur sínar og tær
útreiðslur, teir halda seg eiga rætt at draga frá. Líkningarráðið skal so kanna hetta og gera av,
hvørjar útreiðslur góðtiknar verða, og síðan rokna út skattin, sum avvarðandi skal rinda til
Føroya gjaldstovu.
§ 5. Hevur persónur, stovnur, felag ella annar staðið fyri tílíkari framsýning, leiki ella øðrum
og avroknað við tey luttakandi (herundir koma ikki fastbúgvandi) stendur hann ella tað til svars
fyri, at frammanfyri nevnda uppgerð verður latin inn, og at skatturin verður goldin.
2. stk. Heldur skattgjaldari seg eiga rætt til frádrátt fyri útreiðslur í samband við inntøkuna,
skal hann senda líkningarráðnum yvirlit yvir hesar, og skal líkningarráðið so skipa fyri
møguligari afturgjalding i mun til útreiðslurnar, ið goldnar verða.
§ 6. Lesandi, lærlingar ella onnur, sum eru undir útbúgving uttanlands, og sum bert eru her í
stytri tíð (frítíðum) og her hava inntøku, fáa sum serstakan frádrátt 1.500 kr. um mánaðin og
verður skatturin roknaður við 30% av inntøkuni eftir nevnda frádrátt. Tey, sum halda seg hava
rætt til henda frádrátt, kunnu við at venda sær til líkningarráðið fáa skattin endaliga
avroknaðan. I hesum sambandi má váttan frá t.d. lærustovni ella lærumeistara fyrivísast
ráðnum, eins og váttan frá føroyska arbeiðsgevaranum skal fyrivísast ráðnum, sum vísir
arbeiðstíðina í Føroyum, útgoldna bruttoløn og eftirhildnan skatt.