Føroya kunngerðasavn A og B - 29.12.1980, Blaðsíða 234

250
makaskjal av læraralis lista og læraranum eitt makaskjal av próvdómarans lista. Um so er, at
partarnir ikki eru samdir um metingina, so eiga samráðingar at fara fram — skrivliga ella
munnliga — partanna millum, um annar parturin krevur tað.
3. stk. Tá ið metingin er liðug, skrivar skúlaleiðarin, sambært § 34, 2. stk., tey endaligu
próvtølini inn í ta góðkendu royndarprotokollina.
4. stk. Skúlin skal varðveita uppgávusvarini í minsta lagi eitt ár.
IV. Tær munnligu og tær verkligu royndirnar.
§ 14. Skúlaleiðarin skal senda Landsskúlafyrisitingini upplýsingar um, hvat ið verður
uppgivið til tær munnligu royndirnar og um tær arbeiðsgongdir, sum eru nýttar í hvørji av
teimum lærugreinum, har ið verkligar royndir verða havdar, eins og sagt eigur at vera, hvørjir
lærarar hava undirvíst í lærugreinunum. Upplýsingarnar skulu verða sendar inn innan 1. apríl.
Tær verða skrivaðar á útfyllingarbløð, sum Landsskúlafyrisitingin hevur góðkent.
§ 15. Próvdómarar, ið Landsskúlafyrisitingin hevur tilnevnt, ella skúlaleiðarin hevur sett,
hjálpa til við royndunum. Ein lærari kann ikki vera próvdómari við sama skúla, har hann
starvast sum lærari.
2. stk. I seinasta lagi 14 dagar, áðrenn tær munnligu royndirnar byrja, boðar
Landsskúlafyrisitingin skúlunum frá, I hvørjum lærugreinum og hvønn dag tað koma tilnevndir
próvdómarar. Skúlaleiðarin skal síðan senda Landsskúlafyrisitingini eina samlaða ætlan fyri
royndarhaldið í teimum munnligu og verkligu royndunum við upplýsingum um, hvør ið er
settur sum próvdómari í teimum lærugreinum, har Landsskúlafyrisitingin ikki hevur tilnevnt
próvdómarar. Til tess verða brúkt útfyllingarbløð, sum Landsskúlafyrisitingin hevur góðkent.
§ 16. Lærarin í lærugreinini ger spurningarnar til tær munnligu royndirnar og uppgávurnar til
tær verkligu royndirnar.
2. stk. Spurningarnir til tær munnligu royndirnar, ið bæði eiga at vera fjølbroyttir og
hóskandi í vavi, skulu fevna um allan tann uppgivna setningin. Talið á spurningum skal vera
25% meira enn próvtakaratalið, tó í minsta lagi 20 spurningar. Tann einstaki spurningurin skal
verða orðaður á slíkan hátt, at fleiri umráði innan lærugreinina kunnu takast við upp í
yvirhoyringina. Spurningarnir og tann uppgivni setningurin í lærugreinini verða gjøgnum
skúlaleiðaran sendir próvdómaranum í seinasta lagi 10 dagar, áðrenn royndin í avvarðandi
lærugrein verður hildin. Beint áðrenn royndin byrjar, samráðast próvdómarin og lærarin um
spurningarnar, og próvdómaranum er loyvt at strúka einstakar av teimum spurningum, sum
lærarin hevur gjørt.
3. stk. I handarbeiði og smíði verður próvdómarin í seinasta lagi 10 dagar, áðrenn
próvdømingin byrjar, gjøgnum skúlaleiðaran skrivliga gjørdur kunnugur um teir royndarlutir,
sum verða lagdir fram og umrøddir.
4. stk. I heimkunnleika verður próvdómarin í seinasta lagi 10 dagar, áðrenn royndin byrjar,
gjøgnum skúlaleiðaran skrivliga gjørdur kunnugur um tær uppgávur, sum royndin fevnir um.
§ 17. Skúlin skipar fyri, at neyðugt tilfar er til taks undir teimum munnligu og verkligu
royndunum.
§ 18. Spurningarnir til tær munnligu royndirnar og uppgávurnar til royndina í
heimkunnleika verða býttar sundur millum próvtakararnar við lutakasti, soleiðis at hvør
próvtakari tekur ein spurning. Samanber tó viðvíkjandi heimkunnleika harumframt § 29,2. stk.
2. stk. Tær munnligu royndirnar eru almennar.
3. stk. Har, ið fyrireikingartíð verður givin undir teimum munnligu royndunum, skulu
próvtakararnir vera undir umsjón í fyrireikingartíðini, um so er, at fleiri enn ein næmingur
fyrireika seg i sama høli.
4. stk. Undir teimum munnligu royndunum er tað bert lærarin (yvirhoyrarin), ið yvirhoyrir