Føroya kunngerðasavn A og B - 29.12.1980, Blaðsíða 90

106
g. I tíðarskeiðinum 15. oktober til 31. december millum 12 og 17 fjórðingar frá grundlinjunum
millum 315° rættvísandi úr Mykineshólmi (vitanum) (62°05’50” N 07°40’25” V) og 0°
rættvísandi úr Eiðiskolli (62°19’17” N 07°05’28" V).
I øllum dagfestingum í punktunum a-g eru báðir dagar íroknaðir.
§ 2. EEC-skipum er loyvt at veiða hesar nøgdir (ósløgdur fiskur):
1.750 tons av toski
1.750 tons av hýsu
5.500 tons av upsa
5.000 tons av kongafiski
4.400 tons av blálongu
500 tons av longu
300 tons av brosmu
500 tons av flatfiski
500 tons av ymiskum fiskasløgum
§ 3. Treyt fyri at inna fiskiskapin eftir reglunum í § 1 er, at
1) skipið hevur fingið fiskiloyvi,
2) landsstýrið (Fiskivinnustovan), áðrenn fiskiskapurin verður byrjaður, fær boð um navn
skiparans, skipanavn, skrásetingar- og radiofrámerki, havnaskrásetingarbókstav og
-nummar, skipastødd, longd, brutto- og nettotonnagu, maskinhestakreftir og veiðuhátt.
3) skipi yvir Tórshavnar Radio sigur Fiskivinnustovuni frá, tá tað kemur inn á landleiðina, og
um hvat ætlanin er at veiða,
4) talið á trolum við loyvdari meskavídd, talið á heilum trolum og trollutum so sum bellum,
trolposum og netastykkjum við smærri meskum enn teimum loyvdu,
5) veiðuna, sum er veidd, áðrenn skipið kemur á landleiðina, flokkað eftir fiskasløgum og nøgd,
6) skipið dagliga fyrrapartin sigur Fiskivinnustovuni frá, hvar tað er statt kl. 07.00 GMT, og at
7) skipið sigur Fiskivinnustovuni frá, tá tað fer av landleiðini og samstundis uppgevur met yvir
veiðunøgd, hvørt fiskaslagið sær.
§ 4. Einki skip má nýta skovlváð, trol, snurriváð ella liknandi net, ið verður drigið gjøgnum
sjógvin, sum í nøkrum parti hevur smærri meskar enn 135 mm, tá ið talan er um bummull,
hamp, polyamid ella polyester fibur; er talan um annað tilfar, ikki smærri meskar enn 145 mm.
Tað er ikki loyvt at snøra posan, tó er loyvt at knýta til undirsíðuna á trolposanum (cod-
endanum) fyri at minka um slit tilfar, ið bert verður fest framman og á síðurnar á posanum.
2. stk. Frá regluni í 1. stk. verður til 31. đec. 1980 gjørt tað undantakið, at loyvt er at nýta
skovlváð, trol ella líknandi net við meskum niður i 120 mm, tó skulu aftastu 8 m av trolinum v.m.
ikki hava smærri meskar enn 135 mm.
3. stk. Fiskireiðskapur, ið ikki stendur hesi mát sambært 1. og 2. stk., skal vera fyri seg sjálvan
í serligum rúmi, ætlað til goymslu av hesum reiðskapi.
4. stk. Meskaviddin skal vera soleiðis, at tá ið meskurin verður strektur á vátum neti diagonalt
eftir longdini, skal flatt mátitól 2 mm tjúkt við ti ásetta mátinum lættliga ganga gjøgnum
meskarnar í netinum, jbr. starvsreglugerð um meskamáting.
§ 5. Tá skip koma inn á øki, har tey ikki hava loyvi at fiska, skal allur fiskireiðskapur vera
burturstúgvaður á sínum natúrliga staði og trolwirar útsjeklaðir.
§ 6. Fiskur, ið ikki stendur niðan fyri nevndu mát, máldur fremst úr høvdinum til aftast á
stertinum, er undirmátsfiskur. Loyvt er ikki at hava tílikan fisk um borð á nøkrum skipi, men
skal hann verða sleptur út aftur beinanvegin.