Morgunblaðið - 04.04.2002, Blaðsíða 2
FRÉTTIR
2 FIMMTUDAGUR 4. APRÍL 2002 MORGUNBLAÐIÐ
Fylgstu
með
nýjustu
fréttum
www.mbl.isRakel með landsliðinu til
Svíþjóðar / B1
Fer Snorri með Atla til
Friesenheim? / B1
4 SÍÐUR12 SÍÐUR
Sérblöð í dag
VIÐSKIPTABLAÐ MORGUNBLAÐSINS
S É R B L A Ð Á F I M M T U D Ö G U M U M V I Ð S K I P T I , S J Á V A R Ú T V E G & A T H A F N A L Í
Frá rannsóknum yfir í þróun lyfja / C4
Boð og bönn í bandarískum greiningum / C6
Mokfiskirí við Eyjar / C9
Fjallaloftið gerir best / C11
RÍKISSJÓÐUR hefur á grundvelli
heimildar í fjárlögum gengið frá
samningi um kaup á Valhöll, Þing-
völlum, ásamt lóðarréttindum og
öðrum tilheyrandi réttindum. Selj-
andi er Hótel Valhöll ehf.
Í tilkynningu fjármálaráðuneytis-
ins kemur fram að kaupverðið er 200
milljónir og er samið um að andvirð-
ið gangi til greiðslu á áhvílandi veð-
skuldum. Í tengslum við kaupin var
samið um að fella niður málarekstur
vegna ágreinings aðila um eignar-
réttindi á staðnum.
Lengi verið heimild í fjár-
lögum fyrir kaupunum
Geir H. Haarde, fjármálaráð-
herra, segist vera mjög ánægður
með það að loks skuli hafa náðst að
gera samning um að ríkið kaupi
þessa eign. „Það hefur verið heimild
í fjárlögum í mjög mörg ár til þess að
gera þetta. Og þetta gerist núna í
tengslum við ákveðið fjárhagslegt
uppgjör sem á sér stað milli ríkisins
og aðaleigandans, þ.e. varðandi upp-
gjör skulda sem hafa hvílt á Valhöll
og að hluta til einnig á Hótel Örk.
Niðurstaðan er sú að ríkið eignast
þessa gömlu og glæstu eign með öll-
um réttindum sem henni fylgja. Og
þar með falla einnig niður allar deil-
ur og ágreiningsmál sem uppi hafi
verið um lóðar- og eignarréttindi,
viðbyggingu og annað.“
Aðspurður um hvernig stefnt sé
að því að hagnýta þessa eign segir
Geir að það hafi ekki enn verið
ákveðið en: „ég geri ráð fyrir því að
forsætisráðuneytið og Þingvalla-
nefnd muni hafa forystu um að
marka þarna stefnu um skynsam-
lega nýtingu á húsinu.“
Geir segist telja kaupverðið vera
mjög sanngjarnt. Verðið sé auðvitað
alltaf umdeilanlegt enda liggi ekki
fyrir nokkurt markaðsverð. „En ég
tel engu að síður að við getum vel við
unað.“
Mun lægra verð
en Kruger bauð
Jón Ragnarsson, einn af eigendum
Hótel Valhallar, sagðist ekki vilja tjá
sig um söluna umfram það sem kom-
ið hafi fram í tilkynningu fjármála-
ráðuneytisins. Ekki sé um það að
ræða að segja þurfi upp starfsfólki
þar sem hótelið hafi ekki verið í
rekstri.
Aðspurður segir Jón að verðið
sem Verino Investment bauð fyrir
hönd Howard Kruger í Valhöll
haustið 2000 hafi verið mun hærra.
„En það voru óljós atriði í sambandi
við lóðarréttindi og sú sala gekk því
ekki en ég er mjög sáttur við það
verð sem ég hef nú fengið fyrir Val-
höll.“
Jón segir að fyrirhugað uppboð á
Hótel Örk hafi gengið til baka, þ.e.
það hafi þegar verið afturkallað í
kjölfar kaupsamningsins á Valhöll.
Morgunblaðið/Brynjar Gauti
Ríkið kaupir Hótel Valhöll með
öllum réttindum á 200 milljónir
SENDINEFND Alþjóða-
gjaldeyrissjóðsins fagnar
ákvörðun íslenskra stjórn-
valda um veiðileyfagjald. Hún
segir einnig að umfangsmikl-
ar skipulagsumbætur stjórn-
valda í því skyni að auka skil-
virkni og vaxtarmöguleika
hagkerfisins séu lofsverðar.
Þetta kemur fram í skýrslu
nefndarinnar, en hún kynnti
sér íslensk efnahagsmál í síð-
ari hluta marsmánaðar.
Skattaumhverfið orðið
alþjóðlegra
Í skýrslunni segir að
skattabreytingar sem tóku
gildi á þessu ári endurbæti
skattheimtu af tekjum ríkis-
ins, einkum vegna sparnaðar
og fjárfestingar, og færi ís-
lenska skattaumhverfið nær
því sem gerist á alþjóðavett-
vangi.
Þá fagnar nefndin ákvörð-
uninni um veiðigjald sem sé
ætlað að ná til þeirrar rentu
sem lykilauðlind þjóðarinnar
gefi af sér.
Sendinefndin lítur einnig til
þeirrar ætlunar að halda
áfram að lækka skuldir hins
opinbera með einkavæðingu
margra ríkisfyrirtækja sem
var frestað árið 2001 vegna
markaðsaðstæðna. Í þessu
samhengi hvetur sendinefnd-
in stjórnvöld til þess að huga
að því að auka hlutverk
einkarekstrar í þjónustu-
greinum sem nú eru reknar
af hinu opinbera svo sem á
sviði heilsugæslu og mennt-
unar. Er það álit nefndarinn-
ar að skref í þessa átt gætu
bætt þjónustuna og jafnframt
létt á útgjaldabyrði hins op-
inbera.
Alþjóðagjald-
eyrissjóðurinn
Veiði-
leyfa-
gjaldi
fagnað
TALSMAÐUR bandaríska álfyrir-
tækisins Alcoa, sem er meðal þeirra
fyrirtækja sem íslensk stjórnvöld
vonast eftir samstarfi við um stór-
iðju á Austurlandi, segir í samtali
við Morgunblaðið að fyrirtækið sé
ætíð að leita að nýjum tækifærum í
álframleiðslu í heiminum en spurt
var hvort Alcoa hefði áhuga á að
taka þátt í uppbyggingu álvers á Ís-
landi.
Jake Siewert, aðstoðarforstjóri
upplýsingamála hjá Alcoa, staðfesti
einnig í samtali við blaðið að fulltrúi
íslenskra stjórnvalda hefði nýlega
sett sig í samband við fyrirtækið og
lýst yfir áhuga á að fá Alcoa til við-
ræðna um þátttöku í stóriðjuverk-
efni á Íslandi.
Siewert vildi ekkert segja til um
viðbrögð Alcoa við þessu erindi
stjórnvalda. Fyrirtækið myndi
væntanlega fá frekari upplýsingar
og fylgjast með framvindu mála hér
á landi. Hann sagði, aðspurður, að
talsmenn Norsk Hydro hefðu ekki
verið í viðræðum við Alcoa um þátt-
töku í Reyðarálsverkefninu.
Með starfsemi í 38 löndum
Alcoa er stærsta álfyrirtæki í
heimi með árlega framleiðslugetu
upp á 3,2 milljónir tonna af áli. Fyr-
irtækið var stofnað í Pittsburgh í
Bandaríkjunum um miðjan níunda
áratug 19. aldar og hefur vaxið jafnt
og þétt síðan. Höfuðstöðvarnar eru í
Pittsburgh í Pennsylvaníu-ríki. Al-
coa er með 350 verksmiðjur í 38
löndum, m.a. á nokkrum stöðum í
Evrópu, og hjá fyrirtækinu starfa
um 129 þúsund manns. Tekjur Al-
coa á síðasta ári námu 23 millj-
örðum Bandaríkjadala eða um 2.300
milljörðum íslenskra króna.
Að sögn Jake Siewerts er Alcoa
stöðugt að vinna að nýjum verk-
efnum í áliðnaði. Sem dæmi um það
nefndi hann nýlegan áhuga stjórn-
valda í Kanada og Finnlandi á sam-
starfi við fyrirtækið um byggingu
álverksmiðja í þeim löndum.
Talsmaður Alcoa segir íslensk stjórnvöld hafa sett sig í samband við fyrirtækið
Leitum ætíð að nýjum tækifærum
EINNI bestu loðnuvertíð frá upphafi
er nú lokið, þar sem saman fór gott
verð fyrir afurðir og mikil veiði. Alls
barst rúm 1 milljón tonna af loðnu á
land á vertíðinni, þar af tæp 900 þús-
und tonn eftir áramótin og hefur afli
á vetrarvertíð aldrei verið meiri.
Verð fyrir mjöl og lýsi hefur verið
framleiðendum hagstætt að und-
anförnu en ætla má að útflutnings-
verðmæti loðnuafurða eftir vertíð-
ina nemi um 16,3 milljörðum króna.
Þó að fiskmjölsverksmiðjurnar séu
að mestu þagnaðar í bili er nú víða
unnið að því að selja framleiðsluna
úr landi. Í vikunni var verið að skipa
út mjölfarmi í Grindavík en þaðan
verður siglt með hinn dýrmæta farm
til Noregs þar sem mjölið er nýtt til
fóðurgerðar fyrir fiskeldi.
Morgunblaðið/RAX
Góðri
loðnuvertíð
lokið
Verðmæti/C1
MIÐSTJÓRN Alþýðusambands Ís-
lands hefur lýst yfir áhyggjum vegna
þess ástands sem skapast hafi með
þeirri ákvörðun heilsugæslulækna
að hætta útgáfu vottorða um óvinnu-
færni launafólks vegna veikinda og
slysa.
„ASÍ mótmælir því að þessum
réttindum sé teflt í tvísýnu vegna
deilu heilsugæslulækna við stjórn-
völd um gjaldtöku af sjúklingum og
launamál lækna.“
Áhyggjur
vegna
vottorða