Morgunblaðið - 18.11.1993, Blaðsíða 23

MORGUNBLAÐIÐ FIMMTUDAGUR 18. NÓVEMBER 1993
23
Nýr formaður
JON Gunnar Baldvinsson nýkjör-
inn formaður LS.
Samtök fámennra skóla
Jafurétti til náms tryg-gt
SAMTÖK fámennra skóla hafa sent frá sér fréttatilkynningu þar
sem áhyggjum er lýst vegna þess skamma tíma sem til stefnu er
þar til rekstrarkostnaður grunnskólanna verður færður til sveitar-
félaganna. Það á að gerast hinn 1. ágúst 1995 og er óttast að
hagræðingarsjónarmið muni bitna á nemendum framtíðarinnar.
Samkvæmt fréttatilkynningunni
eru mörg umfangsmikil mál er
snerta sameininguna ófrágengin
og er talið brýnt að sem mest jafn-
rétti til náms verði tryggt svo börn
geti sótt nám í sinni heimabyggð
og samræmis gætt í grunnnámi
um allt land. Ekki megi láta sparn-
aðar- eða hagræðingarsjónarmið
skerða rétt bama. Einnig verði
tryggt að lítil sveitarfélög hafi fjár-
hagslegt bolmagn til þess að kaupa
þjónustu fræðsluskrifstofa og
Námsgagnastofnunar með fram-
lögum úr Jöfnunarsjóði. Ekki megi
líta á rekstrartilfærsluna sem
sparnaðaraðgerð. Fámennum
sveitarfélögum verði að vera kleift
að reka sinn skóla á sómasamlegan
hátt. Loks er bent á að nauðsyn-
legt sé að óháður aðili fylgist með
því að sveitarfélögin sinni skyldu
sinni og fari að lögum í rekstri
grunnskólans.
Doktor í bygg-
mgarverkfræði
SIGURÐUR Erlingsson varði
doktorsritgerð í byggingarverk-
fræði við Konunglega tæknihá-
skólann (KTH) í Stokkhóhni 8.
júní sl.
Ritgerðin er á
ensku og nefnist í
lauslegri þýðingu
Hreyfingarfræði-
leg jarðvegsgrein-
ing og beiting
hennar á sveiflur
af völdum rokktón-
leika á Ullevi leik-
vanginum. Dr.
Sigurður Erlings-
son er fæddur í Reykjavík 1960.
Hann lauk stúdentsprófi frá Mennta-
skólanum við Hamrahlíð 1980 og
BS-prófi í jarðeðlisfræði frá Háskóla
íslands 1984. Árið 1985 hóf Sigurð-
ur nám við Konunglega tækniháskól-
ann í Stokkhólmi og lauk þaðan
MS-prófi í byggingarverkfræði 1988.
Sama ár hóf hann störf við jarðtæk-
nideild skólans sem lauk með áður-
nefiidu doktorsprófí. Foreldrar Sigurð-
ar eru Erlingur Sigurðsson og Vilborg
Magnúsdóttir. Eiginkona Sigurðar er
Anna Kristín Stefánsdóttir lyfjatækn-
ir, og eiga þau tvo syni.
Dr. Sigurður Erlingsson gegnir
nú starfí dósents við vérkfræðideild
Háskóla íslands, þar sem hann sinnir
rannsóknum og kennslu á sviði jarð-
tækni og grundunar.
Aðalfundur Landssambands stangaveiðifélaga
Rætt um fiskikort
og rétt almennings
AÐALFUNDUR Landssambands stangaveiðifélaga, sá 43. í röðinni,
var haldinn í Munaðarnesi í Norðurárdal fyrir skömmu. Jón G. Bald-
vinsson fyrrum formaður Stangaveiðifélags Reykjavíkur var kjörinn
formaður, en fráfarandi formaður, Grettir Gunnlaugsson, gaf ekki
kost á sér til endurkjörs. Aðalerindi fundarins fluttu þeir Árni ísaks-
son veiðimálastjóri og Össur Skarphéðinsson umhverfisráðherra og
fjölluðu þeir einkum um eldismálin og umhverfismál eins og þau snúa
að stangaveiðimönnum.
Fundurinn samþykkti samhljóða
nokkrar ályktanir. Ein var á þá leið
að fundurinn fagnaði að lög um lax-
og silungsveiði hafi verið tekin til
endurskoðunar og Halldóri Blönda!
landbúnaðarráðherra þakkaður
stuðningurinn vegna kaupa á lax-
veiðikvótum Færeyinga og Græn-
lendinga. I ályktuninni ítrekar fund-
urinn fyrri óskir LS að fulltrúi þess
verði hafður með í ráðum er lax- og
silungsveiðilögin fara undir smásjá.
Þá mótmælti fundurinn „síaukn-
um tilhneigingum „landeigenda" til
að takmarka umferð um landið og
því að beitarrétthafar slái eign sinni
á afrétti og veiðivötn á hálendi ís-
lands“, eins og þar stendur. Einnig
beinir fundurinn þeim tilmælum til
yfirvalda að gerð verði nákvæm út-
tekt á eignarrétti á landi. Afréttir
og almenningar verði skilgreindir og
umgengnis- og afnotaréttur almenn-
ings þar ákveðinn og tryggður.
Fundurinn lýsti og ánægju sinni
með störf sem samstarfsnefnd LV,
LS og LFH innti af hendi í þágu
baráttunnar gegn ólöglegum laxveið-
um í sjó og óánægju með tregðu
stjórnvalda til að láta meira fé af
hendi rakna til Veiðimálastofnunar
og eftirlits með sjávarveiðum á laxi.
Dómsmálaráðherra var hvattur til
að beita sér fyrir harðari viðurlögum
og virkara eftirliti.
Loks var borin fram ályktunartil-
laga sem var samþykkt, en ekki sam-
hljóma. Enginn var þó á móti, en
39 fulltrúar veittu brautargengi.
Fundurinn samþykkti að veita stjórn
LS umboð til að kanna möguleika á
útgáfu og sölu svokallaðra „físki-
korta“ svo fljótt sem auðið er“, eins
og þar stendur. Hugmyndin er að til
að geta keypt veiðileyfí þurfi fyrst
að hafa undir höndum fískikort sem
munu fást keypt. Stjóm LS mun
kanna möguleika á nýtingu arðs af
slíkri sölu. Hafa menn haft á orði
að með tilkomu fískikorta verði LS
í stakk búið til að leggja sitt af
mörkum í hvers konar rannsóknar-
verkefnum sem koma stangaveiði-
mönnum til góða.
Sem fyrr segir var Jón G. Bald-
vinsson kjörinn formaður, en með-
stjómendur við hlið hans voru kjörn-
ir Hjörleifur Gunnarsson SVFH og
Svend Richter Ármönnum. Vara-
menn vora kjörnir þeir Jón Bjarnason
SVFK, Rafn Hafnfjörð SVFR og Jón
Sigurðsson Straumum Akureyri.