Morgunblaðið - 17.06.1994, Síða 1

144 SÍÐURB/C
135. TBL. 82.ÁRG.
FGSTUDAGUR 17. JÚNÍ1994 PRENTSMIÐJA MORGUNBLAÐSINS

Þjóðhöfðingjar á Bessastöðum
Morgunblaðið/RAX
ÞJÓÐHÖFÐINGJAR Norðurlanda komu til landsins í gær í tilefni af hátíðarhöldum vegna hálfrar aldar afmælis Lýðveldisins íslands. Þjóðhöfðingjarnir fimm hittust um kl.
21 í gærkvöldi á Bessastöðum í boði forseta íslands; f.v. Haraldur V Noregskonungur og Sonja Noregsdrottning, Henrik Danaprins og Margrét Þórhildur II Danadrottn-
ing, Vigdís Finnbogadóttir, forseti íslands, Karl XVI Gústaf Svíakonungur og Silvía Svíadrottning, Martti Ahtisaari, forseti Finnlands, og frú Eeva Ahtisaari.
HÁTÍÐARHÖLD vegna 50 ára afmælis
Lýðveldisins íslands hefjast formlega
klukkan 8.25 í dag þegar öllum kirkju-
klukkum landsins verður hringt og íslenski
fáninn og þjóðhátíðarfáninn verða dregnir
að húni. Reiknað er með að allt að 50 þús-
und manns leggi leið sína á Þingvelli í dag
til að fagna afmæli lýðveldisins og er víð-
tækri skipulagningu umferðar og fram-
kvæmdum á Þingvöllum nú lokið.
Utn fimm þúsund manns hafa unnið að
undirbúningi hátíðarhaldanna, sem ein-
skorðast ekki við Þingvelli því haldið verður
upp á stofnun lýðveldisins árið 1944 í hveiju
sveitarfélagi landsins. í Reykjavík verður
fjölbreytt dagskrá í dag og næstu tvo daga.
Þjóðhöfðingjar hinna ríkja Norðurland-
anna komu fljúgandi til landsins í gær til
að vera viðstaddir lýðveldisafmælið. Erlend-
ir gestir Alþingis af þessu tilefni eru á
annað hundrað talsins, þar á nteðal átta
forsetar þjóðþinga nágrannalanda og tugir
fulltrúa frá ríkisstjórnum Færeyja, Græn-
lands, Álandseyja, Stóra-Bretlands, Frakk-
lands, Bandaríkjanna, Kanada, Þýskalands,
Rússlands og Kína. Einnig eru staddir hér-
lendis um 110 erlendir fréttamenn. Þessir
útlendu fulltrúar verða viðstaddir sérstakan
hátíðarfund Alþingis við Lögberg þar sem
afgreiddar verða þingsályktunartillögur um
endurskoðun á mannréttindaákvæðum
stjórnarskrárinnar og stofnun hátíðarsjóðs
sem ætlað er að styrkja rannsóknir á lífríki
sjávar og efla íslenska tungu. Alls verða
um 340 boðsgestir viðstaddir þingfundinn,
þ. á m. makar ráðherra og þingmanna, fyrr-
verandi forsetar sameinaðs Alþingis, fyrr-
verandi forsætisráðherrar, fulltrúar Norð-
urlandaráðs og tveir eftirlifandi þingmenn
sem sátu þingfund Alþingis á Þingvöllum
við lýðveldisstofnunina, þeir Lúðvík Jóseps-
son og Sigurður Bjarnason.
■ Lýðveldisafmælið 6/8/10/11/12/36/37