Morgunblaðið - 17.06.1994, Síða 68

68 FÖSTUDAGUR 17. JÚNÍ 1994
ÍÞRÓTTIR
MORGUNBLAÐIÐ
KNATTSPYRNA / HEIMSMEISTARAKEPPNIN
Þjódveijar ætla sér sigur
KRÖFUR, væntingar og sagan verður heimsmeisturum Þýska-
lands erfiðari mótherji en Bólivíumenn, þegar landsliðin mætast
í opnunarleik heimsmeistarakeppninnar í 30 stiga hita á Soldier
Field-leikvellinum í Chicago í dag. Berti Vogts, þjálfari Þjóðverja,
og leikmenn hans vita að handhafar heimsmeistarastyttunnar
hafa ekki unnið í opnunarleik síðan 1974, en þá var byrjað á því
að láta heimsmeistarana leika fyrsta leikinn í HM.
Reuter
Kælir sig niður
LEIKMENN sem taka þátt í heimsmeistarakeppninni í Bandaríkjunum hafa
kvartað yfir hita, en hitinn hefur farið allt upp í 30 stig á þeim tíma sem
margir leikir fara fram, eða upp úr hádegi. Hér á myndinni sést írski landsliðs-
maðurinn Alan Kernaghan kæla sig á æfingu. írar leika gegn ítölum á morgun
í New York.
Margir muna eftir hvernig Arg-
entínumenn máttu þola tap,
0:1, fyrir Kamerún á Ítalíu 1990,
ítalirgerðu jafntefli,
oieu iciissui i , ,
skrifar entinumenn topuðu
fyrir Belgíumönn-
um, 0:1, á Spáni 1982, Þjóðverjar
urðu að sætta sig við jafntefli, 0:0,
gegn Pólvetjum 1978 og Brasilíu-
menn jafntefli, 0:0, gegn Júgóslavíu
1974. Vogts vill gera þarna breyt-
ingar á. „Það er kominn tími til
þess. Ég mun tefla fram mínu sterk-
asta liði til að leggja Bólivíumenn
að velli. Við viljum bytja eins vel
_ '}>g á Ítalíu, með sigri,“ sagði Vogts,
en Þjóðvetjar unnu stórsigur, 4:1,
á Júgóslövum í fyrsta leik sínum á
Ítalíu.
Andrúmsloftið í opnunarleik er
oft rafmagnað og hafa leikirnir oft-
ast verið á rólegu nótunum — leik-
menn hafa ekki tekið miklar áhætt-
ur. Fá mörk hafa verið skoruð í
leikjunum. „Við ætlum að bijóta
upp tölulegar staðreyndir opnunar-
leikja," sagði Lothar Mattháus, fyr-
irliði Þjóðvetja, sem skoraði tvö
^nörk gegn Júgóslövum 1990. Þjóð-
vetjar tefla fram í HM níu leik-
mönnum sem léku úrslitaleikinn
gegn Argentínu í Róm, en þeir eru
fjórum árum eldri. „Þó að aldurinn
sé farinn að færast yfir leikmenn
Þjóðvetja, hafa þeir yfir geysilegri
reynslu að ráða — sú reynsla verð-
ur þeim dýrmæt hér,“ sagði knatt-
spymukappinn Pele, sem spáir
Þjóðvetjum góðu gengi.
Þjóðvetjar eiga titil að vetja og
þess má geta að Evrópuþjóð hefur
aldrei orðið heimsmeistari utan
Evrópu, en alltaf nema einu sinni
þegar keppnin hefur farið fram í
Evrópu. Brasilíumenn urðu meistar-
ar í Svíþjóð 1958. Þjóðvetjar hafa
leikið þtjá síðustu úrslitaleiki HM —
1982 á Spáni, 1986 í Mexíkó og
1990 á Italíu, þar sem þeir fögnuðu
sigri.
Flestir reikna með auðveldum
sigri Þjóðvetja gegn Bólivíu. Það
munar mikið fyrir Bolivíumenn að
leikstjórnandi þeirra Marco Etche-
verry hefur verið nteiddur á hné.
Bólivíumenn koma til með að leika
varnarleik, eins og þeir gerðu gegn
írum í Dublin á dögunum — leik
sem Vogst sá — og gegn Svisslend-
ingum, 0:0, í Montreal sl. laugar-
dag.
„Við munum gera allt til að bijóta
vörn Bólivíumanna á bak aftur. Við
munum leika knattspyrnu með
breytilegum hraða — við þurfum
að auka hraðann í sóknarlotum
okkar, þar sem Bólivíumenn eru
snöggir,“ sagði Vogts.
Líklegt er að Vogts láti Andy
Möller leika í sóknarhlutverki við
hlið Klinsmanns, en bytjunarlið
Þýskalands er væntanlega þannig:
l-Bodo Illgner - 10-Lothar Mattháus,
14-Thomas Berthold, 4-Júrgen Kohler,
3-Andreas Brehme - 21-Mario Basler,
16-Matthias Sammer, 20-Stefan Effen-
berg, 8-Thomas Hássler - 7-Andy Möll-
er, 18-Júrgen Klinsmann.
Bólivía: 1-Carlos Trucco, 3-Marco
Sandy, 4-Miguei Rimba, 5-Gustavo
Quinteros, 6-Carlos Botja, 8-Milton
Melgar, 15-Vladimir Soria, 18-Willian
Ramallo, 16-Luis Cristaldo, 21-Erwin
Sanchez, 22-Julio Baldivieso.
Fimm af þessum leikmönnum
(4,8,15,16 og 18 — kom inná sem
varamaður) léku gegn íslandi á
Laugardalsvellinum.
Bólivíumenn, sem hafa fram til
þessa leikið þtjá leiki í HM - síðast
1950 - án þess að skora mark,
hafa ekki skorað í fjórum síðustu
leikjum sínum fyrir HM — töpuðu
0:1 fyrir íslandi og írlandi, en gerðu
jafntefli, 0:0, gegn Perú og Sviss.
Þjálfari Bolivíu er Spánvetjinn
Xavier Azkergorta frá Baskahéruð-
unum. Hann lék með Atletico Bilbao
og Real Sociedad á sínum yngri
árum, en varð að leggja skóna á
hilluna vegna meiðsla. Hann er
lærður læknir og starfaði sem lækn-
ir í Barcelona þegar hann fékk boð
um að taka við landsliði Bólivíu
fyrir átján mánuðum. Hann tók
boðinu og er orðinn dýrlingur í
Bólivíu. Spurningin er hvort að
hann sé búinn að röntgengreina
Þjóðveija? Carlos Trucco, mark-
vörður Bólivíu, er sá leikmaður sem
getur verið Þjóðvetjum erfiður —
hann á það til að vetja eins og ber-
serkur, eins og gegn Sviss á dögun-
um.
Spánverjar gegn
S-Kóreu
„Ég hef aldrei sagt að Spánvetj-
ar myndu vinna Suður-Kóreumenn
fimm núll. Þeir eru óþekkt stærð,
en við berum virðingu fyrir þeim,“
sagði Javier Clemente, þjálfari
Spánverja, sem leika gegn S-Kóreu-
mönnum í kvöld í Dallas. Spánvetj-
ar leika örugglega eins og þeir léku
gegn Kanada, 2:0, í sl. viku — með
einn leikmann í fremstu víglínu,
Julio Salinas. Margir sókndjarfir
miðvallarspilarar verða fyrir aftan
hann — tilbúnir til að ráðast til
atlögu, eins og hinn öflugi Juan
Goikoetxea, Barcelona.
Leikmenn S-Kóreu eru þekktir
fyrir hvað þeir eru yfirvegaðir —
og láta ekki slá sig útaf laginu.
„Það er frábært að hafa mikla
pressu á sér,“ segir Kim Ho, þjálf-
ari S-Kóreu, en honum til aðstoðar
er Rússinn Anatoly Byshovets, fyrr-
um þjálfari Spartak Moskvu og
Ólympíulandsliðs Sovétríkj anna,
hann lék sjálfur með Sovétmönnum
í HM 1970 í Mexíkó. S-Kóreumenn,
sem hafa aldrei unnið Ieik í HM,
eru leiknir og fljótir, þannig að
þeir eiga eftir að láta hina skap-
bráðu Spánvetja svitna.
Aðsóknarmet
Nú þegar hefur verið slegið að-
sóknarmet í HM, en aðeins 100
þús. miðar eru eftir af þeim 3,6
milljónum sem voru til sölu. Að-
sóknarmetið á Ítalíu, 2,5 millj. mið-
ar, hefur þegar verið slegið. Þeir
sem hafa hug á að tryggja sér miða,
geta keypt miða á leik Nígeríu -
Búlgaríu og Kamerún -'Svíþjóð.
■ JORGE Campos, markvörður
Mexíkó, er einn af furðulegustu
leikmönnum knattspyrnunnar.
Hann lætur sjálfur sauma keppnis-
búninga sína, sem eru litríkir og
skrautlegir. Þá er hann frægur fyr-
ir að fara fram á völlinn og hann
er vítaspyrnusérfræðingur félags-
liðs síns, UNAM. Hann á það til
að hvíla sig á markvörslunni og
leika einn og einn leik sem sóknar-
leikmaður. A síðasta keppnistíma-
bili í Mexíkó skoraði hann þrettán
mörk.
■ LEIKMENN Spánar frá 2,7
millj. ísl. kr. á mann fyrir að taka
þátt í HM, en ef þeir verða sigur-
vegarar frá þeir 25 millj. kr. á
mann.
■ LEIKMENN Kamerún hafa
verið með mótmæli fyrir HM —
hafa verið með ýmsar peningakröf-
ur. Þeir fóru í „verkfall" áður en
haldið var frá Younde-flugvellinum
í Kamerún, þannig að flugvélin
sem flutti þá til Bandaríkjanna
tafðist um þtjár klukkustundir.
Fimm af leikmönnum liðsins fóru
ekki með.
■ JOSIP Weber, Króatinn, sem
gerðist belgískur ríkisborgari á dög-
unum og skoraði þrjú mörk í sínum
fyrsta landsleik og eitt í öðrum,
skoraði þijú mörk í æfingaleik gegn
bandaríska 23ja ára landsliðinu á
miðvikudag. Belgíumenn unnu 6:0.
■ JACK Charlton þjálfari írska
landsliðsins hefur gagnrýnt Joao
Havelange forseta FIFA fyrir þau
orð að dómarar sem ekki gefi rautt
spjald þegar leikmenn séu tæklaðir
aftan frá verði sendir aftur heim.
Charlton segir að Havelange hafi
hrætt líftóruna úr dómurum með
þessum orðum og sett á þá alltof
mikla pressu.
■ FAUSTINO Asprilla leikmað-
ur með kólumbíska landsliðinu hef-
ur fulla trú á því að lið sitt komist
í undanúrslit HM, ef ekki lengra.
■ ÍRAR hafa sett sig í stellingar
beggja vegna Atlantshafsins
vegna leiksins á morgun gegn ítal-
íu. Ölverksmiðjur og krár hafa und-
irbúið sig lengi og segja að morgun-
dagurinn verði líkt og öllum helstu
hátíðisdögum þjóðarinnar væri
smellt saman í einn, nema hvað
þessi dagur væri stærri.
■ LEIKURINN fer fram í New
York. Fimmtán þúsund írar koma
gagngert til Bandaríkjanna til að
fylgjast með leiknum, en talið er
að einungis helmingur þeirra eigi
miða á leikinn. Vitað er um 77 írsk-
ar krár, bara í Manhattan, þar sem
leikurinn verður sýndur. Um 70
þúsund írskættaðir Bandaríkja-
menn búa í New York og hafa
þeir mikinn áhuga á leiknum.
■ ARRIGO Sacclii þj álf ari ítalska
landsliðsins sagði er hann var innt-
ur eftir því, að Diego Maradona
og Romario væru líklegar stjörnur
HM-keppninnar nú. „Hitinn hægir
á leikmönnum og þá ættu hæfileik-
ar Maradona að njóta sín,“ sagði
Sacchi.
■ DEILAN um það hvort kynlíf
fyrir knattspyrnuleik hafi góð eða
slæm áhrif hefur magnast upp í
kringum þýska landsliðið á ný. Hún
hófst með því að Bianca Illgner,
fyrrum flugfreyja og eiginkona
markvarðarins Bodo Illgner,
gagnrýndi harðlega heimsóknar-
bann eiginkvenna leikmanna á hót-
elið þar sem landsliðið dvelst.
■ DAGBLAÐIÐ Bild gerði skoð-
anakönnun meðal Þjóðverja er
deilan blossaði upp. I henni kom
fram að 33 prósent Þjóðverja voru
hlynnt því að hleypa eiginkonunum
í heimsókn, en 67 prósent voru á
móti því.
ötu
örfu
bolti
laugardaginn 18. Júní í Laugardal
haldin í tílefni 50 ára afmælis ÍBR
Verðlaun i
hverjum floldti og
aukaverðlaun fyrir
víta og 3ja-stiga
keppnina.
Skráning fer fram á skrifstofu KKÍ á skrifstofutíma, til kl. 20:00 fimmtudaginn
16. Júní og frá kl. 9:00 - 12:00 laugardaginn 18.júní. Takið þátt í spennandi keppni.
PEPSI
MAX^
íniniimn iLii
lcörfubolt
Blab allra landsmanna!
- kjarni málsins!