Morgunblaðið - 20.03.1997, Blaðsíða 54

54 FIMMTUDAGUR 20. MARZ 1997
MORGUNBLAÐIÐ
BREF
TIL BLAÐSINS
Dýraglens
Kringlan 1103 Reykjavík • Sími 5691100 • Símbréf 569 1329
• Netfang:lauga@mbl.is
(jpETn^VElSTU HV'Af>?I>AP)
SNJÓAOI i' NCÍ—
Tommi og Jenni

Ljóska
Smáfólk
Mér þykir gam- Ég hata Nei, kennari... ég er ekki byrj- Ég drakk það ...
an að lita með það ... það er aður ennþá ... ég hef ekkert
vatnslitum of erfitt... vatn ...
Aðdáunarverðir
starfsmenn NLFI
Frá Alberti Jensen:
EFTIR mánaðar dvöl í heilsuhælinu
í Hveragerði, virðist mér fólkið í
þorpi þessu lifa í friði, sátt og virð-
ingu hvort við annað, ef undan eru
skildir stjórnmálamenn staðarins.
Ef til vill er það bara góðlátlegur
leikur þeirra í milli um völd og frama.
Undarlegt hefur mér þótt þegar
fólk leggur á sig að kvarta yfir t.d.
því að starfsmönnum hvar sem er,
sé hælt. Þeir fái sín laun og þar
með sé það afgreitt. Skoðun að vísu,
en kolröng.
Heilsuhælið í Hveragerði er eins
og heimur útaf fyrir sig. Þar er fjöldi
eins og tveggja manna herbergja í
aflöngum jarðhæðar byggingum.
Afþreyingarstaðir víða í útskotum
og langir bjartir gangarnir upplagð-
ir til gönguæfinga þegar illa viðrar.
Þegar opnað er í stóra matsalinn
kemur vísa Stefáns frá Hvítadal
ósálfrátt í hugan:
Vítt til veggja, heiðið hátt
hugan eggja gömlu sporin
hefði ég tveggja manna mátt
mundi ég leggjast út á vorin.
Salurinn er eins og flest þarna,
staðnum til sóma. Þar er hátt upp
í límbitana og ljósadýrðina. Frá vel
gerðri gluggahliðinni sér vítt út í
gróðursælt umhverfið. Gegnt
gluggahlið hanga uppi víðáttumiklar
landslagsljósmyndir. Þær eru sann-
kallað augnayndi. Heilsuveröld þessi
býður margvíslegar æfíngar án
hjálpar og með. En umfram allt er
það starfsfólkið sem setur hágæða-
stimpil á staðinn og gerir hann að
því sem hann er. Aðlaðandi, frábær-
an. Það fer ekki hjá að vistfólk dragi
dám af slíku og fari jafnvel betra
en með var reiknað.
í matsal og eldhúsi eru með fleira
fólki, Systa, Kristín, Inga, Sigga og
Ólöf sem jafnframt vinnur á skrif-
stofunni. Um sjúkraþjálfun, sjúkra-
nudd og heilsuböð sjá meðal ann-
arra: Gunnhildur, Sigurður og Mar-
ía. Um snúninga með hjólastólafólk
o.s.frv. sér Lydía, afríska rósin frá
Kenía. Á vaktinni allan sólarhring-
inn er hjúkrunarstarfsfólkið: Nor-
bert, Steinunn Gísla, Steinunn Sig-
urðar, Hulda, Villa, Vilný, Hafdís,
Svava, Anna María, Auður, Jó-
hanna, Ása, Lóa o.s.frv. Um her-
bergin sér Anna Dögg ásamt móður
sinni. Svavar húsvörður og kollegi
fá aðstoð bókbindara staðarins þeg-
ar mikið liggur við. Eg gæti trúað
að Helga Haraldsdóttir sé við sund-
laugina. Svo eru það leirböðin og
útigöngurnar. Falleg kapella er eitt
af mörgum sérkennum er þarna
prýða. Hljómburður er þar góður.
Eftirsóknarverður staður fyrir kóra
o.s.frv. Sjónvörp eru víða og svo
billiard. Áð allt sé á réttu róli sjá
þau um framkvæmdastjórinn Árni
og hjúkrunarforstjórinn Gunnhildur.
Þetta er lítið samfélag í nærmynd
þar sem góður andi ríkir.
Á þessum stað verður ekki vart
við boð, bönn og yfirborðsmennsku.
Það er mannbætandi að kynnast
starfsfólki þessa samfélags.
ALBERTJENSEN,
Háaleitisbraut 129, Reykjavík.
Endurkoma Krists
Frá Einari Ingva Magnússyni:
ÞAÐ líður að afmæli kristnitökunnar
í landinu, sem er á sama tíma og
spádómar segja fyrir að verða muni
miklar breytingar á jörðinni. Þar á
meðal bíður hinn kristni heimur eft-
ir endurkomu Messíasar, eða komu
Krists til jarðar.
Það hefur valdið mér vangaveltum
sem kristnum manni, hvernig Kristur
muni koma aftur. Flest trúsystkini
mín ljúka gjarnan upp heilagri ritn-
ingu og vitna í Guðsorð, þar sem
segir að Kristur muni koma aftur á
skýjum himinsins. Þegar þau eru
beðin um að útskýra það, er ósjaldan
minnst á kraftaverk eða leyndar-
dóma.
Ég hef einnig leitt hugann að þeim
móttökum sem Jesús Kristur fékk
hjá gyðingum þegar hann fór að
boða nýja siði eftir að hafa alist upp
sem maður á meðal gyðinganna, slit-
ið barnskónum hjá Josef smiði eftir
að hafa fæðst í fjárhúsi. Hann kom
til eignar sinnar, eins og lesa má um
í Jóhannesarguðspjalli, en hans eigið
fólk tók ekki á móti honum.
Hvernig getur endurkoma Krists
átt sér stað? Mun hann ekki fæðast
á jörðu og vera mennskur á meðal
manna? Mun Guð ekki smyija hann
heilögum anda og veita honum yfir-
ráð yfir mannheimi, sem tilheyrir
honum með réttu frá upphafi sköp-
unarinnar. Verður hlutverk hans
ekki það að sameina mannheim í
nafni sínu og færa hann Guði, sem
er höfundur lífsins?
Endurkoma Krists hlýtur að felast
í komu Messíasar, sem manns eða
Guðssonar sem hefur þvi hlutverki
að gegna að endurreisa hinn synduga
heim og skapa ríki Guðs á jörðu, þar
sem sannur kærleikur ríkir, friður,
ást og hamingja undir Drottinvaldi
Guðs. Kristur mun ríkja sem konung-
ur sameiningarinnar og friðelskandi
menn þjóna honum með glöðu geði
við þetta mikilvæga verk, að skapa
Guðsríki á jörðu, sem frá upphafi
vega var áætlun Guðs með jörðina.
Líkt og gyðingarnir á tímum Jesú
Krists, hafa kristnir menn þá ábyrgð
að vera vakandi fyrir þeim manni
til koma mun með krafti Guðs til
að endurreisa heiminn og að taka á
móti honum í stað þess að gera sömu
mistök og gyðingarnir. Mér segir
þó svo hugur að líklega verði uppi
sama vandamálið við komu Messías-
ar og varð áður fyrr, að fræðingarn-
ir hinir skriflærðu voru þeir fyrstu
til að afneita Kristi. Hinn ómenntaði
almúgi varð fyrri til að þekkja Guð
og kynnast honum í gegnum sannan
son hans en hinir svokölluðu guð-
fræðingar sem töldu sig vita manna
best hvernig Guð starfaði og opin-
beraði sjálfan sig.
EINARINGVI MAGNÚSSON,
Heiðargerði 35, Reykjavík.
Allt efni sem birtist i Morgunblaðinu og Lesbók er varðveitt í upplýsinga-
safni þess. Morgunblaðið áskilur sér rétt til að ráðstafa efninu þaðan, hvort
sem er með endurbirtingu eða á annan hátt. Þeir sem afhenda blaðinu efni
til birtingar teljast samþykkja þetta, ef ekki fylgir fyrirvari hér að lútandi.