Skírnir - 01.01.1911, Side 92

92
ísland 1910.
borið fram. Slys á fiskiskipum urðu nokkur. 27. febr. sleit upp
mörg fiskiskip í ofsaveðri á Reykjavíkurhöfn og rak í land, skemd-
ust ýms meira og minna, en öll hafa þau að lokum náðst út og
fengið viðgeið.
Frá Eyjafirði fórst hákarlaskipið »Kærstine«, eign Gránufól. á
Oddeyri, og á því 13 menn, í júní einhvern tíma. Frá Patreks-
firði fórust tvö fiskiskip og druknnðu þar 18 meun. Frá Vík í
Mýrdal iórst vólarbátur með 5 mönnum, og fleiri slík slys hafa
orðið, sem hér eru eigi talin.
Verzlun var yfirleitt í heldur góðu lagi. Fiskverð fremur hátt,
eins og áður segir, ull í góðu verði, kjötverð í meðallagi, og verð
útlendrar vöru ekki hærra en í meðallagi. Nýjung er það, að fjár-
kaupmaður frá Belgíu keypti fó á fæti á Norðurlandi og Austur-
landi. Hann var erindreki frá stóru verzlunarhúsi í Antverpen,
sem heitir Th. Bracht & Co. Hyggja menn, að framhald verði á
þeirri verzlun. L. Söllner flutti og fó út á fæti, eins og áður.
Talað hefir verið um ný verzlunarviðskifti við Svíþjóð, og í sumar
var um tíma í Reykjavík fulltrúi frá ýmsum sænskum verzlunum
og verksmiðjum, í þeim erindagerðum, en engin byrjun er þó orð-
in á þeim viðskiftum enn. Fjárveiting til íslenzks viðskiftaráðu-
nauts erlendis er nýjung, en virðist enn sem komið er að litlu
haldi hafa komið, enda hefir hann setið hór neima nær allan síðari
hluta ársins og hafst ekki að.
Af nýungum í samgöngumálum er það að telja, að brýr hafa
verið gerðar á þessar ár: Laxá í Hornafirði, Sandá í Þistilfirði,
Kaldá í Kolbeinsstaðahreppi, Varmá í Mosfellssveit og Norðurá í
Borgarfjarðarhéraði. Hin síðastnefnda er þó eigi fullgerð, og urðu
nokkrar skemdir á henni í vatnavöxtum í haust. Viti hefir verið
gerður á Dyrhólaey. — Aðalsamgöngurnar á sjó tók Thore-
félagið að sér í byrjun ársins eftir samningi, er stjórnin gerði við
það til 10 ára. Tvo nýja báta lét það smíða til strandferðanna,
»Austra« og »Vestra«. Oánægja hefir verið eigi lítil með ferðir
þessar, enda vantar mikið á, að það hafi fullnægt þeim skilyrðum,
er þingið ætlaðist til að fullnægt væri, ef samið yrði um ferðirnar
til 10 ára. En bót er að þvi, að nú hafa komist á beinar ferðir
milli Hamborgar og Islands. »Sameinaða gufuskipafélagið« hefir
einuig haldið uppi ferðum milli íslands og útlanda og eins kring-
um land. Þá var og föstum ferðum haldið uppi milli Noregs og
íslands af »Björgvinargufuskipafél.«, eins og verið hafði áður,
»Watnesfélagið«, er lengi hefir haft skip í föstum ferðum milli Nor-