Morgunn - 01.06.1946, Blaðsíða 13
MORGUNN
3
Um miðja 19. öldina urðu rannsóknir dr. J. Braid, skurð-
læknis í Mamchester, til þess að beina athygli lækna og vis-
indamanna aftur að hinum fornu dáleiðsluvísindum. Hann
mun fyrstur hafa viðurkennt vísindalegt gildi þessara
fornu fræða og lagði til að nefna þau „hypnosis“ eða dá-
leiðslu og hefur því nafni verið haldið síðan. Kenningar
hans vöktu mikla athygli víða um lönd og margir áhuga-
samir vísindamenn hófu sjálfstæðar rannsóknir á grund-
velli þeim, er Braid hafði lagt. Á meginlandi Norðurálf-
unnar höfðu þeir læknamir, Pierre Janet, Liebault og
Bernheim einkum forystuna í þessum rannsóknum.
En mikilvægustu og merkustu uppgötvanimar á sviði
dáleiðsluvísindanna voru þó gerðar í Ameríku af þarlend-
um vísindamönnum, og án þátttöku þeirra í þessum rann-
sóknum myndu vísindi þessi enn vera á tilraunaskeiðinu.
Mikilvægasta uppgötvunin, sem rannsóknir þessar leiddu
í ljós, voru sannindin um tvíeðli vitundarlífsins, hina al-
mennu vitund og undirvitund hennar. Þetta er nú orðið
vísindalega sönnuð og viðurkennd staðreynd. Undirvitund-
in er þó enn sem fyrr leyndardómur. „Ég veit ekki, hvemig
hún starfar, en ég þekki verkanir þær, sem hún getur
valdið," segir Erskine. „Ef til vill er réttast að skýra þetta
með því, að segja yður frá atviki einu, sem gerðist snemma
á árinu," heldur höfundur áfram.
„Læknir einn í London kom með sjúkling til mín, þó
að hann væri vantrúaður á að ég gæti nokkuð fyrir hann
gert. Hann bað mig þá að skýra fyrir sér frá læknisfræði-
legu sjónarmiði, hvernig ég næði slíkum árangri.“ „Leyfið
mér að spyrja yður einnar spurningar. Þér hafið árum
saman stundað lækningar. Þér hafið vafaiaust þurft að
nota fleiri eða færri skammta af strychnin eða belladonna
deyfilyfjum, og þér þekkið áhrif þau, er lyf þessi hafa vald-
ið. Skýrið fyrir mér frá læknisfræðilegu sjónarmiði, hvern-
ig þau gerðust, hvers vegna ein tegundin veldur þessum
áhrifum, önnur hinum.“ „Það get ég ekki, það getur eng-
inn,“ svaraði læknirinn. „Ég get ekki heldur svarað spurn-