Morgunn - 01.06.1946, Blaðsíða 78
68
MORGUNN
Um Indriða heitinn Indriðason miðil var gefin út bók
fyrir nokkurum árum, rituð af Þórbergi Þórðarsyni rithöf.,
eftir endurminningum Bryniúlfs Þor-
Ny bok um mioil.
lákssonar organista, og síðar kom ut
önnur bók, um Andrés heitinn Böðvarsson miðil, rituð af >
frú Elínborgu Lárusdóttur rithöf., og í samvinnu við frú
Salvöru Ingimundardóttur, ekkju hans, en nú er von á enn
einni bók um íslenzkan miðil, sem frú Elínborg hefur safn-
að til, og eru frásagnir allmargra um miðilsstarf Hafsteins
Björnssonar. Er sú bók væntanleg á markaðinn í haust, eða
fyrra hluta komanda vetrar. Verða þar birtar frásagnir
fólks, sem setið hefur transfundi með Hafsteini, og segir
þar frá mörgu, sem hleypidómalausu fólki mun finnast at-
hyglisvert og öðrum merkilegt. Oss er kunnugt um, að
frúin hefur lagt hina mestu alúð við að safna sem mestu
og vanda heimildirnar þó um leið, en óhjákvæmilegt er,
að þarna vanti þó ýmislegt af því merkasta, sem gerzt hef-
ur á fundunum hjá Hafsteini, því að oft er það, sem fram
kemur á slíkum fundum, svo bundið nánustu einkamálum
fólks, að það er tregt til að segja opinberlega frá þeim
hlutum. Margra grasa mun þó kenna í þessari bók, sem
marga mun fýsa að lesa. Hennar verður getið nánara í
Morgni síðar.
Þeir, sem áhuga hafa fyrir andlegum málum með þjóð-
inni, fylgjast að vonum með prestskosningunum, því að
þær eiga, ef rétt er með þær farið, að vera spegilmynd þess,
Prcstskosningar hvernig Þjóðin hugsar um andleg mál. Eins
og eðlilegt var, þar sem ritstjóri þessa rits
var þar aðili, var kosningin í dómkirkjusókn höfuðstaðarins
á liðnum vetri ekki gerð að umtalsefni í ritinu, en hefði þó >
verið ástæða til þess. Þar fékkst greinilega úr því skorið,
að mikill meiri hluti kjósendanna í höfuðsókn landsins
vildi fá frjálslyndan prest en hafna rétttrúnaðarstefnunni
svonefndu innan kirkjunnar og hindra það, að hún yrði ein-
ráð í höfuðkirkju landsins. Kosningaúrslitin komu and-
stæðingum frjálslyndisins áreiðanlega mjög á óvart; þeir
J