Morgunn - 01.06.1946, Blaðsíða 71
MORGUNN
61
til þess að ryðja úr vegi lærðum læknum eða koma í stað-
inn fyrir þá, heldur til uppfyllingar og viðbótar við starf
þeirra. Oft er það, sem þessir menn fást við, meinsemdir,
sem ekki hefur fengizt önnur bót við, eða aðrir eru, sem
kallað er, gengnir frá.
Einn af þessum lækningamiðlum var undralæknirinn
Parish, sem sagt er frá í þeirri bók, sem hér er gerð að
umtalsefni. 1 Englandi hafa að vísu verið og eru fleiri, sem
kalla mætti undralækna, én ekki eru þó skiptar skoðanir
um, að hann var frægastur, enda verið mikilvirkastur
þeirra allra og það svo, að stórundrum sætir, eins og lesa
má í bókinni, og skal því um það til hennar vísað, og ættu
sem flestir að lesa, sem sinna vilja sálrænum efnum eða
kynna sér þau.
Bókina hefur skrifað vinur og aðdáandi hans, Maurice
Barbanell, sem frá upphafi hefur verið ritstjóri vikuritsins
Ps. News, sem er mest keypta og lesna tímarit sálarrann-
sóknanna. Þegar ráðist var í fyrir 14—15 árum að stofna
það blað, var Barbanell eftir bending handan að ráðinn
ritstjóri og hefur hann með áhuga sínum og miklum hæfi-
leikum aflað blaðinu þessarar útbreiðslu. Nú er hann þó
látinn af ritstjórninni, en við tekinn annar, að nafni Stuart
Martin. Þýðingu bókarinnar hefur gert Sigurður Haralz,
sonur séra Haralds Níelssonar, og tel ég víst, að honum
Ííki vel, að sonurinn leggi rækt við áhugamál hans. Hygg
ég þýðinguna vel gerða, þótt ekki hafi ég haft frumritið
til samanburðar.
Af bókinni sést eigi annað en Parish sé enn á lífi. Hún
er rituð fyrir nokkurum árum og þýðingin fullgerð og af-
hent til prentunar fyrir nýjár. En meðan á prentun stóð
eftir áramótin, hefur ekki verið athugað, að Parish andað-
ist um áramótin eða litlu fyrr. 1 grein í Psychic News, sem
sagði frá láti hans, var ekki getið um dánardaginn, en út-
för hans fór fram 4. janúar frá Mortlake bálstofu í London
og flutti þessi vinur hans, Barbanell ritstjóri, ræðuna.
Greinin í Ps. News byrjar þannig: „W. T. Parish, mesti