Morgunn - 01.06.1946, Blaðsíða 58

48
MORGUNN
Avatars til jarðarinnar. Hver veit? Það kann að vera svo.
En ég geri ráð fyrir, að flestir spíritistar líti á það mál
eins og ég, að nákvæm þekking á eðli þessara háu anda
sé oss ekki nauðsynleg sem sáluhjálparatriði. Þeir eru
meira en vér, og vér getum ekki skilið þá til fulls. En al-
veg sama máli gegnir um þá jarðneska menn, sem oss eru
æðri. Vér getum hvergi dregið markalínuna og sagt allt,
sem er fyrir ofan þessa línu, er yfirmannlegt. Það, sem
máli skiptir fyrir oss, er að vér getum gripið andann í
kenningu þessara háu anda, gripið mikilleik þeirra, og
lagað síðan vilja vorn eftir vilja þeirra. Opinberunin heldur
áfram: Guð lifir. Hve mikið hver og einn af þjónum hans
hefur lagt til málanna, og hver hann í eðli sínu er, er ekkert
aðalatriði. Aðalatriðið er, að opinberunin er gefin. Stund-
um er ein aldan í flóðinu, sem rís, stærri en önnur, en
hversu miklu stærri hún er en hinar öldurnar, skiptir ekki
mestu máli. Það, sem máli skiptir, er, að flóðið rís, hið
andlega og vitsmunalega flóð frá Guði, sem heldur áfram
að berast að ströndum vorum.
Að þessu athuguðu held ég, að vér getum sagt, að
spiritisminn sé trúarbrögð, og það góð trúarbrögð. önnur
trúarbragðakerfi ættu að læra af honum og láta ekki hin
óæðri fyrirbrigði, sem nauðsynlegt er að fylgi honum,
fæla sig frá. Fyrirbrigði spíritismans munu, þegar fram
líða stundir, verða flokkuð niður og þeim skipt milli margra
visindagreina til rannsókna, því að málið er ekki eins ein-
falt og venjulega er talið. Það er hvorki að öllu leyti
blekking, né að öllu leyti undirvitundarstarf, né heldur að
öllu leyti verkanir frá framliðnum mönnum. Menn álitu
fyrrum, að loftið væri ódeilanlegt frumefni, nú vitum vér,
að það er samsett úr mörgum lofttegundum, og nú er það
að koma upp úr kafinu, að atómum þess má skipta. Þannig
geta orsakir hinna spíritistísku fyrirbrigða verið marg-
víslegar, og margar þeirra óþekktar með öllu enn. Það er
bamalegt, að gera sér of háar hugmyndir um þekking sína
á tilverunni. Vera má, að eftir eigi að koma fram gersam-