Morgunn - 01.06.1946, Blaðsíða 46
36
MORGUNN
Þegar þessi kynlegu fyrirbrigði höfðu vakið áhuga há-
skólamenntaðra manna, fyrir áhrif Sir William Crookes,
og tekin til alvarlegrar athugunar, var brezka sálarrann-
sóknafélagið stofnað undir forystu og forsæti Henry
Sidgwick, prófessors, en höfuðsamverkamenn hans voru
þeir F. W. H. Myers og Edmund Gurney. Félagið hóf
starfsemi sína af mikilli varúðj og sló engu föstu öðru en
því, að viss fyrirbrigði væru þess verð, að þau yrðu rann-
sökuð. Félagið leysti af hendi gott verk í rannsókn dá-
leiðslu og hugsanaflutnings, en bráðlega lagði það út á
víðara rannsóknasvið, þegar það fór að rannsaka miðils-
gáfu frú Piper. Dr. Richard Hodgson kynntist fyrirbrigð-
um hennar betur en nokkur annar maður, og þótt hann
væri gersamlega vantrúaður og tortrygginn í fyrstu, fór
svo, að hann sannfærðist ekki eingöngu um raunveruleik
fyrirbrigðanna heldur einnig um það, að verurnar, sem
gerðu vart við sig hjá miðlinum og stjómendum hans
væru þær, sem þær sögðust vera. Nokkurir aðrir af höf-
uðmeðlimum félagsins sannfærðust einnig, svo sem Sir
Oliver Lodge og Myers, aðrir aðhyllust tilgátuna um hugs-
anaflutning. En þeirri tilgátu varð aftur mjög örðugt að
fylgja, þegar hin flóknu, svonefndu víxlskeyti fóru að
koma fram. En þegar við víxlskeytin, sem fram komu hjá
miðlunum, bættist að frá sumum þeirra komu trans-orð-
sendingar, sem sýndu þekking á sígildum bókmenntum,
þótt miðlarnir væru ófróðir með öllu um þau efni, leiddust
jafnvel efasemdarmenn eins og hin hálærða frú Sidgwick
og Balfour lávarður, síðar forsætisráðherra Breta, til
þess að viðurkenna, að spíritista-skýringin væri skynsam-
leg í sumum tilfellum. En Sir William Barrett og margir
aðrir höfðu orðið sannfærðir spíritistar af eigin reynslu
sinni og rannsóknum áður en fyrirbrigðin hjá frú Piper
og víxlskeytin komu fram.
Sönnunargögnin komu einnig að öðrum leiðum. Reim-
leikar í húsum, eins og hjá hinum fræga Wesley, líkam-
legu fyrirbrigðin hjá miðlinum Eusapíu Palladino, miðla-