Morgunn - 01.06.1946, Blaðsíða 29

MORGUNN
19
Konan í gleihúsinu.
Frásögn frú Sigurlínu Sigtryggsdóttur.
Fyrir allmörgum árum þekkti ég konu, vel gerða og
góða, sem átti í miklum raunum vegna hjúskaparörðug-
leika. Hún sagði mér draum þann, sem nú slcal greina:
Að kveldi hafði hún lagzt til svefns og beðið þess inni-
lega í raunum sínum, að Guð vildi á einhvern hátt leysa
sig frá þeim. Um nóttina dreymir hana það, að hún þykist
stödd i glerhúsi, sem var með öllum regnbogans litum.
Kemur þangað dökkklæddur maður, ókunnur, og lýstur
Þrjú högg á húsið. Þykist konan segja við sjálfa sig: hann
er að boða mér, að ég eigi ekki eftir að lifa nema þrjú ár.
En brátt þykist hún segja við sjálfa sig: ég tek ekki mark
á þessu, Þetta er ekki annað en rugl. En þá þykir henni
koma inn kona í glerhúsið til hennar, og hníga örend
niður samstundis, sem hún kemur inn. En þá þykist
draumkonan segja við sjálfa sig: Þetta er ég.
Vinkona mín sagði mér draum þennan fljótlega, en síðan
minntumst við ekki á hann. En þrem árum síðar andaðist
hún og kom draumurinn þannig rækilega fram. Drauminn
dreymdi hana að vorlagi og að voriagi andaðist hún.
P. t. Reykjavík 24. júní 1946.
Sigurlína R. Sigtryggsdóttir.
Æsustööum í Eyjafiröi