Frjáls verslun - 01.03.2005, Side 17

F R J Á L S V E R S L U N • 3 . T B L . 2 0 0 5 17
GÓÐRA
MANNA
RÁÐ
Vandlátur á
viðskiptafélaga
„Það sem situr fastast í mér þegar þessari
spurningu er velt upp er eftirfarandi svar:
Vertu vandlátur þegar þú velur þér við-
skiptafélaga. Þetta ráð fékk ég frá Halldóri
H. Jónssyni sem var formaður stjórnar hf.
Eimskipafélags Íslands árin 1971 til 1992 og
var yfirmaður minn og náinn samstarfsmaður
um tólf ára skeið.
Hann var arkitekt
að mennt, en hafði
næma tilfinningu
fyrir samskiptum við
fólk og reynslu af
viðskiptum.
Við þurftum á þessum árum að taka
afstöðu til margvíslegra hugmynda og við-
skipta í stóru og vaxandi fyrirtæki. Í ráðlegg-
ingunni felst að þú takir ekki ákvörðun af
fyrstu ásýnd og viðmóti, heldur veljir sem við-
skiptafélaga og samstarfsmenn þá sem þér
líst svo á að þú getir starfað með til lengri
tíma, gætir vænst þess að treysta ævinlega
og þá líka þegar á móti blæs og áföll verða.
Það verða ekki skrifaðar neinar reglur um
hvernig eigi að beita þessu ráði. Ákvörðunin
byggist á mati og innra innsæi. Ég hafði
margoft tækifæri til þess að fara eftir þessu
ráði og gafst það vel.“
„Að taka ekki
ákvörðun af
fyrstu ásýnd og
viðmóti.“
Hörður Sigurgestsson, fyrrum forstjóri Eimskipafélags Íslands.
HÖRÐUR SIGURGESTSSON