Morgunblaðið - 13.03.1979, Blaðsíða 14

14
MORGUNBLAÐIÐ, ÞRIÐJUDAGUR 13. MARZ 1979
Sparisjóður
Reykjavíkur
og nágrennis:
Lmstæðuaukning 45,5%
1700 einstaklingar fengu ný
Innstæðuaukning í
Sparisjóði Reykjavíkur
og nágrennis nam á sl. ári
45,5% og námu heildar-
innstæður rúmlega 3
milljörðum króna um síð-
ustu áramót.
Utlánaaukning nam um
48% og fengu samtals um
1700 einstaklingar ný lán
hjá Sparisjóðnum á sl.
ári. Umsvif Sparisjóðsins
jukust meira á sl. ári en
nokkru sinni fyrr í 47 ára
sögu hans. Þetta kemur
fram í fréttatilkynningu,
sem Morgunblaðinu hefur
borizt frá Sparisjóði
Reykjavíkur og nágrenn-
is og fer hún hér á eftir:
Sparisjóður Reykjavíkur
og nágrennis hélt aðalfund
sinn laugardaginn 3. marz s.l.
Stjórnarformaður Jón G.
Tómasson hrl., flutti skýrslu
stjórnarinnar fyrir liðið
starfsár og Baldvin Tryggva-
son, sparisjóðsstjóri, lagði
fram og skýrði ársreikninga
sparisjóðsins.
Starfsemi sparisjóðsins
efldist mjög á liðnu starfsári
og umsvif hans jukust meira
en nokkru sinni í 47 ára sögu
sjóðsins. Þannig fjölgaði
þeim einstaklingum, sem
stöðugt skipta við sparisjóð-
inn með innlánsviðskipti sín
á sparisjóðsbókum, vaxta-
aukareikningum og ávísana-
reikningum um rúmlega
50%.
Innstæðuaukning varð um
kr. 961 millj. eða 45.5% og
voru heildarinnstæður spari-
sjóðsins komnar í 3.074 millj.
um s.l. áramót. Hafa
innstæður sparisjóðsins þá
þrefaldast á þremur árum.
Hlutfallslega hefur aukn-
ingin orðið mest á vaxta-
aukareikningum sem meira
en tvofölduðust á árinu og á
ávísanareikningum sem juk-
ust um 61%.
I samræmi við vaxandi,
umsvif sparisjóðsins varð
heildarútlánaaukning mikil
eða um 48%. Samtals fengu
1700 einstaklingar ný lán hjá
sparisjóðnum á árinu á móti
um það bil 1000 á árinu 1977.
Heildarútlán voru í árslok
kr. 2.162. millj. en þar af voru
veðlán út á íbúðir um kr.
1.930 millj. Fjöldi slíkra lána
var þá um 5000 talsins en
aðrir lántakendur voru um
600. Meginhluti lánveitinga
sparisjóðsins eru lán út á
eldri og nýrri íbúðir í Reykja-
vík og nágrenni, en það nær
nú til íbúða á Seltjarnarnesi,
í Kópavogi, Garðabæ, Mos-
fellshreppi og Bessastaða-
hreppi.
Þeir, sem hafa reglubundin
innlánsviðskipti við spari-
sjóðinn sitja fyrir veitingu
íbúðarlána, sem geta verið til
þriggja eða fimm ára og fer
lánsfjárhæðin eftir brúttó-
rúmmetrafjölda íbúðarinnar.
Lánin geta verið um kr.
900.000.— út á íbúð allt að
300 rúmmetrum og kr.
3000 — 4000 á hvern
rúmmetra umfram þá stærð.
Einnig kaupir sparisjóð-
urinn lægri óveðtryggða víxla
til skemmri tíma af við-
skiptavinum sínum.
Lausafjárstaða sparisjóðs-
ins gagnvart Seðlabanka
íslands var mjög góð allt árið
og í árslok nam innstæða á
viðskiptareikningi kr. 288.4
millj. A árinu lenti sparisjóð-
urinn aldrei í yfirdrætti hjá
Seðlabankanum fremur en
áður. Bundið fé sjóðins í
Seðlabankanum jókst úr kr.
441.6 millj. í kr. 635.5 millj.
eða um 43.9%. Þannig námu
heildarinnstæður sjóðsins
hjá Seðlabankanum í árslok
um kr. 929.9 millj.
Tekjur sparisjóðsins jukust
meira á þessu ári en nokkru
sinni fyrr og urðu samtals
723.4 millj. og eru það rúm-
lega tvöfalt meiri tekjur en
árið á undan. Á sama hátt
tvöfölduðust vaxtagjöldin og
urðu samtals kr. 491.9. millj.
Rekstrarhagnaður varð mjög
góður á árinu eða um kr. 96.7
millj. Tekjuafganginum var
ráðstafað í varasjóð og nem-
ur nú eigið fé sparisjóðsins
kr. 486.7 millj. í þeirri upp-
hæð er bókfært verð húseign-
ar sparisjóðsins, Skólavörðu-
stígur 11, sem reikningsfærð
er á fasteignamati húss og
lóðar að upphæð kr. 309.
millj.
Á aðalfundinum kom fram
að bankaeftirlit
Seðlabankans hafði farið
fyrri hluta árs 1978 yfir allt
bókhald sjóðsins og athugað
alla starfssemi Sparisjóðs
Reykjavíkur og nágrennis
eins og því ber skylda til
samkvæmt lögum.
í niðurstöðum skýrslu þess
var m.a. tekið fram, að Spari-
sjóður Reykjavíkur og
nágrennis væri tvímælalaust
í hópi traustustu innláns-
stofnana landsins.
lán
Stjórn Sparisjóðs Reykja-
víkur og nágrennis er þannig
skipuð, að ábyrgðarmenn
sjóðsins kjósa á aðalfundi
þrjá menn í stjórn en Borgar-
stjórn Reykjavíkur kýs tvo
menn. Á fundi borgarstjórn-
ar þ. 1. marz voru kosnir
Sigurjón Pétursson, borgar-
fulltrúi og Ágúst Bjarnason,
skrifstofustjóri.
Á aðalfundi sparisjóðsins
hlutu kosningu Jón G.
Tómasson, hrl., Hjalti Geir
•Kristjánsson forstj. og Sigur-
steinn Árnason, húsasmíða-
meistari.
Stjórnin hefur skipt með
sér verkum þannig: Jón G.
Tómasson, formaður, Ágúst
Bjarnason, varaformaður.
Sigursteinn Árnason, ritari.
Löggiltur endurskoðandi
sparisjóðsins hefur frá upp-
hafi verið Björn Steffensen,
en borgarstjórn hefur kosið
endurskoðendur til eins árs
þá Eyjólf R. Árnason og
Runólf Pétursson.
Sparisjóðsstjóri er Baldvin
Tryggvason.
Frá vinstri: Jón G. Tómasson, stjórnarformaður, Baldvin Tryggvason, sparisjóðsstjóri, Birgir ísl. Gunnársson, fundarstjóri, Björn Bjarnason,
fundarritari.
Frá aðalfundi Sparisjóðs Reykjavíkur og nágrennis.