Morgunblaðið - 13.03.1979, Blaðsíða 35

MORGUNBLAÐIÐ, ÞRIÐJUDAGUR 13. MARZ 1979
35
Gömul sel, sem notuð eru til sumardvalar. Veggir úr trjábolum, sem höggnir eru saman á misvíxl á
hornum útveggja.
DfRAVEIÐAR
OG ÚTILÍF
Á leiðinni inn á veiðisvæðin. Kaffi hitað yfir opnum eldi.
Víðáttumiklir skógar og grösug
heiðalönd gera það að verkum, að
dýrategundir svo sem hreindýr,
hjartardýr og elgur þrífast vel hér
í Noregi. Þrátt fyrir miklar vetrar-
hörkur, frost og snjóþyngsli, fjölg-
ar þessum dýrategundum svo mik-
ið, að nauðsynlegt er að fella
árlega mörg dýr. Þetta er nauð-
synlegt til að hindra offjölgun,
sem síðar hefði í för með sér ofbeit
og eyðileggingu á trjágróðri. Fyrr
á öldum héldu úlfar og birnir
þessum dýrategundum niðri, en nú
síðustu hundrað árin hefur stóru
rándýrunum fækkað og nærri leg-
ið við útrýmingu.
Síðastliðið haust var heimilt að
fella 12 þús. hreindýr, en þá var
reiknað með að villi hreindýra-
stofninn væri um 25 — 30 þús. dýr.
Hér eru ekki meðtalin hreindýr
þau sem Samar eiga.
Gert var ráð fyrir að kjötið af
veiddum skógardýrum væri um 3
þús. tonn, eða sem svarar árlegri
kjötneyslu 70 þús. manns. Sé
reiknað með að kjötkílóið kosti 20
n.kr. er þetta verðmæti sem svarar
til 60 milljón noskra króna.
Skotleyfi eru misdýr eftir því
hvar á landinu er, og er þá m.a.
Komið úr veiðiferð. Veiðin —
tvö hreindýr.
tekið tillit til þess hversu erfitt er
að komast inn á veiðisvæðin. I
sumum tilvikum halda dýrin sig
hátt til fjalla og fjarri alfaraveg-
um.
Veiðileyfi fyrir hreindýr kosta
nú 250 — 300 n.kr., en um 50 kr.
fyrir hjartadýr. Á svörtum mark-
aði hafa veiðileyfi verið seld fyrir
allt að 1500 n.kr.
Flestir veiðimenn reyna að kom-
ast sem næst dýrunum og skjóta
sjaldan af meira færi en 100 m.
Sjaldan tekst að komast nær en í
30 m fjarlægð, áður en dýrin verða
manns var og taka á rás.
Veiiðitíminn er í sept. og okt., og
geta veiðiferðir þessar stundum
orðið hinar mestu svaðilfarir.
Eyjólfur
Guðmunds-
son
skrifar
frá Noregi
Langar göngur í misjöfnu veðri, og
síðan — ef tekst að fella dýr,
erfiðið við að bera kjötið til
byggða. Áfengisneysla er venjuleg
í þessum leiðöngrum og komið
hefur fyrir að þéttkenndir veiði-
menn hafi skotið á hesta og sauðfé
vegna ofþreytu og ölvunaráhrifa.
Uvm veiðiskap í ám og vötnum
er það að segja, að bæði lax- og
silungsveiði fer minnkandi, og er
nú svo komið, að meginhluti af
þeim laxi, sem er á markaðinum ,
kemur frá sjóeldisstöðvum við
vesturströndina.
Súr úrkoma, sem stafar af verk-
smiðjureyk frá Englandi og
meginlandi Evrópu, gerir ár og
vötn súrari. Þetta hefur orsakað
mikinn fiskdauða í sumum ám um
sunnanverðan Noreg. Gegndarlaus
netaveiði bæði í sjó og vötnum
hefir einnig sitt að segja.
Yfir vetrarmánuðina eru fjalla-
ferðir og annað útilíf meira eða
minna tengt skíðaíþróttinni. Norð-
menn eru snillingar á skíðum,
enda byrja þeir snemma að æfa sig
í þeirri grein. Flest börn, sem náð
hafa 5 — 6 ára aldri, eiga skíði og
nota þau vel.
Fyrir þá sem stunda útilíf og
fjallaferðir er nauðsyn að ráða
yfir a.m.k. einum fjallaskála, þar
sem hægt er að dvelja um langan
eða skamman tíma. Það er algengt
að flestar fjölskyldur eigi slíka
skála, sem kallaðir eru „hyttar".
Þetta eru þá ýmist gömul sel,
veiðikofar eða nýtískulegir skálar
með flestum þægindum nema raf-
straum og rennandi vatni. Þeir
sem ekki hafa þessa aðstöðu geta
gist í sæluhúsum, eða haft með sér
tjald. Að vetri til grafa hörðustu
fjallagarparnir sig oft í fönn, eða
gera sér snjóhús. Séu góð upphit-
unartæki með og hlýir svefnpokar,
er hægt að láta fara vel um sig við
slíkar aðstæður.
árgerðirnar frá okkur
Range Rover Flaggskip bílaflotans frá okkur. Þennan
bíl þarf ekki að kynna. Hann hefur gert það sjálfur á
holóttum vegum, í torfærum og á borgarstrætum.
Fullkomnasti „jeppi“, sem framleiddur er í heiminum.
Land Rover Allt frá árinu 1947 hefur Land Rover verið
helsta dráttardýr og flutningatæki í sveitum landsins.
Þolgóður og traustur og einn þarfasti þjónninn.
Rover 3500: Vandaðasti bíllinn á markaðnum. Nánast
tækniundur og það er hreinn unaður að aka honum.
Þetta er bíll hinnavandlátu.
Austin Mini: Þetta er bíll nútfðar og framtíðar í orku-
kreppu. Fáir standast honum snúning í borgarumferð-
inni. Og eyðslan er svo lítil að hæfir buddu hvers
einasta manns.
Allegro: Allegro er fyrir þá, sem vilja fá mikið fyrir
peningana. Með framhjóladrifi og frábærri fjöðrun er
hann traustur í vetrarakstri og á malarvegum. Snar í
snúningum í borg og bæjum.
Allegro Station: Við bendum bara á hinn venjulega
Allegro. Þessi hefur meiri flutningsgetu. Allegro er að
verða sá vinsælasti á markaðnum.
P. STEFANSSON HF.
SÍÐUMÚLA 33 — SÍMI83104 - 83105