Morgunblaðið - 29.01.1980, Blaðsíða 2

2
MORGUNBLAÐIÐ, ÞRIÐJUDAGUR 29. JANÚAR 1980
J
Steingrímur Hermannsson:
Þetta verður að
ganga á næstu
4 til 5 dögum
EINS OG fram kemur á baksíðu Morgunblaðsins í dag eru líkur á því
að forsetinn muni gefa stjórnmálaflokkunum frest til þess að koma
sér saman um myndun rikisstjórnar. í gær var búizt við því að hann
myndi ekki fela neinum sérstökum stjórnarmyndun, heldur fara fram
á að flokkarnir könnuðu þá möguleika, sem eftir væru. Væru síðan
möguleikar á samkomulagi, myndi hann fela ákveðnum aðila
stjórnarmyndun. Hér fer á eftir umsögn tveggja flokksformanna um
þá möguleika, sem virðast ókannaðir.
Lúðvík Jósepsson, formaður Al- Steingrímur Hermannsson for-
þýðubandalagsins kvaðst gera ráð maður Framsóknarflokksins kvað
fyrir að formenn flokkanna færu nú
að ræða sín í milli stöðuna og kæmi
þá betur í ljós, hvort þeir vilja
ganga til athugana á þjóðstjórn
nánar eða hvort enn eru á ferðinni
fleiri möguleikar. Þeir væru hugs-
anlegir og auðvitað kvað hann ekki
rætt um þjóðstjórn, fyrr en þeir
væru allir afskrifaðir af flokkunum.
Lúðvík benti á að eðlilega ræddu
menn nú um samstjórn Alþýðu-
flokks og Sjáifstæðisflokks. Hann
kvað það vera meirihlutastjórn, þar
sem hún gæti varizt vantrausti á
Alþingi, „þótt hún eigi í smávanda í
annarri deildinni, þá breytir það
ekki því að hún hefur meirihluta í
sameinuðu þingi, þar sem m.a. er
gengið frá fjárlagafrumvarpi. Því
ætti ekki að þurfa að standa á því.
Spurningin væri því, hvort flokk-
arnir teldu þetta heppilegt fyrir
sig.“ Þá kvað Lúðvík enn eftir að
ræða möguleikann á samstjórn
Alþýðubandalags, Framsóknar og
Sjálfstæðisflokks, en hann kvaðst
ekki hafa mikla trú á að samkomu-
lag tækist um slíka stjórn. „Þó
hefur sá möguleiki ekkert verið
ræddur ennþá og því enginn dómur
fallinn um hana.“
nú alla flokka búna að setja fram
tillögur sínar, suma reyndar fyrri
og síðari tillögur. „Nú liggur það
allt á borðinu, allir hafa fengið
tækifæri til að auglýsa sína stefnu
og nú finnst mér að þetta verði að
ganga á 4 til 5 dögum eða ekki og er
ekkert því til afsökunar. Ég ætla
ekki að spá einni stjórn fremur en
annarri, Við munum taka þátt í að
skoða þær stjórnir, þar sem okkar
nafn ber á góma og við útilokum
ekkert.
Okkur er engiiíú^unimg í að
vinstri stjórnin er efst á blaði hjá
okkur og er það enn, þótt við
viðurkennum staðreyndir. Við höf-
um líka rætt um stjórn með Sjálf-
stæðisflokki og Alþýðubandalagi,
en okkur er sagt að sjálfstæðis-
menn útiloki hana, þótt það komi
ekki fram opinberlega. Þá er rætt
um þjóðstjórn. Hún nær ekki mikl-
um áfanga, en gæti kannski þokað
verðbólgunni eitthvað niður á við
og haldið vinnufrið. Þá er hún
reynandi, en háð samstarfi eins og
alltaf. Teljum við að skoða beri
þessa möguleika á næstu dögum og
síðan að hrökkva eða stökkva."
Eskifjörður:
Eskifirði. 28. janúar.
ESKFIRÐINGAR héldu sitt árlega
þorrablót um helgina. Mikið fjöl-
menni sótti blótið og sátu um 400
manns borðhaldið. Mörg skemmti-
atriði voru flutt, en þau voru að
mestu leyti hefðbundin. Skemmtu
menn sér hið bezta fram undir
morgun, en blótinu lauk um fjög-
urleytið.
Veður var hið fegursta um helgina
hér austanlands og notuðu fjölmarg-
ir sér góða veðrið til skíðaiðkana við
hina nýju skíðalyftu undir Odds-
skarði. Aðsókn er mjög mikil í
skíðalandið og fjölmenni allar helg-
ar.
Jón Kjartansson kom með fyrstu
loðnuna á vertíðina hingað til Eski-
fjarðar í gær. Var hann með full-
fermi, um 1100 lestir.
—Ævar.
Ljósm.: Kristján Einarsson.
Herranótt M.R. er í kvöld
HERRANÓTT Menntaskólans í
Reykjavík er í kvöld, og munu
menntskælingar frumsýna leik-
ritið Umhverfis jörðina á áttatíu
dögum í Austurbæjarbíói klukk-
an 20.30.
Herranótt er gamall siður í
skólanum eins og flestum er kunn-
ugt, en flestar hefðir og siðvenjur
íslenskra menntaskólanema eiga
rætur sínar að rekja til gamla
Latínuskólans og síðar Mennta-
skólans í Reykjavík. Myndin var
tekin á „generalprufu" í gær-
kvöldi.
íscargo hyggst færa út kvíarnar:
Sækir um leyfi til áætlun-
arflugs með farþega milli
Reykjavíkur og Rotterdam
Þorranum blótað og
fyrsta loðnan brædd
ÍSCARGO mun nú allra
næstu daga sækja um leyfi
til farþegaflugs milli
Reykjavíkur og Rotter-
dam í Hollandi, að því er
Kristinn Finnbogason
framkvæmdastjóri íscargo
sagði í samtali við blaða-
mann Morgunblaðsins í
gærkvöldi. Kristinn sagð-
ist í gærkvöldi ekki geta
tjáð sig nánar um málið að
svo stöddu, en sagði þó að
ekki væri ætlunin að
fljúga þessa flugleið með
farþega á þeim vélum sem
félagið ætti nú.
Ef af verður, verður þetta í
fyrsta skipti sem flogið verður
milli íslands og Hollands í beinu
áætlunarflugi. Þá sagði Kristinn
að sótt yrði um leyfi til áætlunar-
flugs með vörur milli Reykjavíkur
og Kaupmannahafnar. Nú þegar
hefur íscargo leyfi til áætlunar-
flugs milli Bandaríkjanna og
íslands, og Bretlands og Islands.
Hin nýja Electraflugvél félags-
ins mun hefja flugferðir á morg-
un, miðvikudag, að sögn Kristins.
Flýgur vélin í fyrramálið til
Southend við London, og þaðan til
Rotterdam í Hollandi. Síðan fer
vélin meðal annars til Grikklands,
og þá til New York eftir viðdvöl
hér. Sagði Kristinn að vélin yrði
framvegis í tveimur ferðum viku-
lega til Evrópu og einu sinni í viku
færi hún til Bandaríkjanna.
íslenzka andófsnefndin:
Áskorun til íslenzku
ólympíunefndarinnar
ÍSLENZKA andófsnefndin hef-
ur sent Morgunblaðinu eftirfar-
andi áskorun til íslenzku ól-
ympiunefndarinnar, sem á
morgun, miðvikudag, mun
fjalla á fundi sínum um þátt-
töku íslenzkra íþróttamanna í
Ólympiuleikunum í Moskvu:
Við undirrituð í íslenzku and-
ófsnefndinni skorum á íslenzku
Ólympíunefndina að hætta við
að senda íþróttamenn á fyrir-
hugaða Ólympíuleika í Moskvu í
ár, en vinna heldur að því
samráði við Ólympíunefndir
annarra þjóða að halda þá í
Grikklandi nú í ár og jafnvel
framvegis.
Við teljum, að íslenzkir
íþróttamenn eigi ekki að hjálpa
valdsmönnum í ráðstjórnarríkj-
unum til þess að sýnast fyrir
heiminum. Þeir hafa framið
hvert mannréttindabrotið af
öðru síðustu árin, haft mann-'
réttindaákvæði Helsinkisátt-
málans að engu, en kunnast er
það að þeir tóku fyrir nokkrum
dögum frelsið af andófsmann-
inum og vísindamanninum And-
rei D. Sakharov. Þeir sendu
einnig nýlega her inn í ná-
grannaríki sitt, Afganistan, og
höfðu þannig alþjóðalög að engu.
Það er rétt, að íþróttir og
stjórnmál eru sitt hvað. En
valdsmennirnir í Ráðstjórn-
arríkjunum hafa nú síðasta árið
fyrir Ólympíuleikana reynt að
„hreinsa“ Moskvu af öllum and-
ófsmönnum og gefið leikunum
þannig stjórnmálagildi. Minna
má og á það, að íþróttir eru
ríkisreknar í Ráðstjórnarríkjun-
um. Þær eru til dýrðar valds-
mönnunum, en ekki vegna áhuga
einstaklinga. Hugsjón ólympíu-
leikanna er þannig varla til í
Ráðstjórnarríkjunum. Með því
að senda íþróttamenn til Moskvu
í ár eru menn að leggja blessun
sína yfir allt þetta, þeir eru í
rauninni að rugla saman íþrótt-
um og stjórnmálum, en ef Ól-
ympíuleikarnir eru fluttir til
Grikklands og verða þar fram-
vegis, er þeim haldið fyrir utan
stjórnmálaþrætur.
Við undirrituð sendum ykkur
þessa áskorun í þeirri von, að
harmleikurinn í Berlín 1936,
þegar lýðræðisþjóðirnar hjálp-
uðu nazistum til að halda leik-
ana þeim til dýrðar, verði ekki
endurtekinn í Moskvu 1980.
Inga Jóna Þórðardóttir,
Friðrik Friðriksson,
Óskar Einarsson,
Guðmundur H. Frímannsson,
Gunnar Þorsteinsson.
Forráðamenn íscargo við hina nýkomnu Electraflugvél á Reykja-
víkurflugvelli, talið frá vinstri: Kristinn Finnbogason framkvæmda-
stjóri, Hermann Slmon þjálfunarflugmaður, og lengst til hægri er
Árni Guðjónsson hrl. formaður stjórnar félagsins. Ljísm. mm. ói. k. m.
Leituðu folalds,
en fundu 2 lömb
Vogum, Mývatnssveit, 28. janúar.
í OKTÓBERMÁNUÐI síðastliðn-
um urðu fjárleitarmenn varir við
folald í Grafarlöndum. Ekki
tókst að handsama það þá. í ljós
kom að folald þetta var úr
Möðrudal og hafði það skömmu
áður verið tekið undan móður-
inni suður í Arnardal og sett til
hesta þar á túninu. Morguninn
eftir var það horfið.
Svo var það fyrir nokkru, að
leitarmenn urðu varir við að
folald þetta hafði haldið til ein-
hvern tíma í svokallaðri Fjallagjá.
Ekki tókst þó að finna það í þeirri
ferð. Um síðustu helgi var gerð
leit austur fyrir Nýjahraun og
fundust þá 2 lömb, en folaldið
fannst ekki enn. Að sjálfsögðu var
komið með lömbin til byggða.
Folaldið hefur því enn ekki
verið handsamað og óvíst hvort
það verður. - kristjén.