Morgunblaðið - 29.01.1980, Blaðsíða 15

MORGUNBLAÐIÐ, ÞRIÐJUDAGUR 29. JANÚAR 1980
15
Haugur af fatnaði karla og kvenna sem útrýmingarsveitir Pol Pots ýmist hengdu eða lömdu til bana.
Myndin er tekin i skólanum þar sem ódæðisverkin voru framin. en undir fatahaugnum eru ljósmyndir
nokkurra af fórnarlömbunum.
Auschwitz
í Austur-
löndum
ÞÓTT sögur um hungursneyð og farsóttir í Kampútseu séu á kreiki
um heim allan, er lítiÖ um ljósmyndaðar heimildir frá hinu hrjáða
landi. Fáum blaðaljósmyndurum hefur verið hleypt inn í landið
síðan herir Víetnams héldu innreið sína í landið fyrir u.þ.b. ári
síðan. Jaywant Ullal, ljósmyndari tímaritsins IndiaToday, var einn
hinna fáu, sem náðu á filmu hörmungum og ofbeldi Pol Pot
stjórnarinnar skömmu eftir að Víetnamar héldu inn í Kampútseu og
sumar af myndum hans birtust í blaðinu í fyrra.
í nóvember síðastliðnum var hann meðal fárra alþjóðlegra
ljósmyndara, er fengu leyfi Víetnama til, að koma aftur til
Kampútseu. Hann dvaldi í níu daga í Phnom Penh, höfuðborginni,
sem hálfu ári áður hafði vérið auð og yfirgefin er hann kom þangað.
Núna eru Kampútseumenn að reyna að rétta úr kútnum hægt og
bítandi og endurreisa hið gerbrotna þjóðfélag, enda þótt við
ramman sé reip að draga. Fólkið, sem hrakið var úr borginni, er nú
farið að snúa þangað aftur, en við því blasir almenn hungursneyð,
malaría, berklar og ormapestir og land, sem Rauðu kmerarnir
eyddu, svo að ekki verður bætt. Ullal segir svo fra,' að um 70 til 80
þúsund manns hafi snúið aftur til Phnom Penh, þar sem hann
aðeins fáum mánuðum áður hafði ljósmyndað gjaldmiðilinn, sem
rauðu kmerarnir afnámu, fljúgandi um auðar göturnar.
Rauðu kmerarnir „útrýmdu svo til öllum gerðum mannlegra
athafna utan nauðungarvinnu á hrísgrjónaökrunum" segir í
fréttafrásögn um villimennsku þá, er þeir beittu land og þjóð. Af
mannfjölda, sem nam sjö milljónum fyrir stríðið, hefur meir en ein
milljón látið lífið og ef til vill allt að þrjár milljónir. Margir dóu
einfaldlega úr hungri; þúsundum annarra var miskunnarlaust
útrýmt.
Þar eð rauðu khmerarnir höfðu numið gamla gjaldmiðilinn úr
gildi, eiga engin peningaviðskipti sér stað ,í Kampútseu í dag.
Fábrotið vöruskiptakerfi hefur þróast fyrir nauðsynlegustu við-
skipti og opnir markaðir hafa sprottið upp í borgunum. Það vakti
furðu Ullals að komast að því, að þegar hinn víetnamski
leiðsögumaður hans hafði hug afað kaupa sér smávegis af fötum,
vildi sá, er seldi þau, fá greitt fyrir þau í hreinu gulli. Það var vonin
um að finna gamla skartgripi, sem rak bændur, er hann sá upp í
sveit, til að rjúfa grafir og grafa upp lík í leit að gullmunum.
Nályktin loðir ekki aðeins í þorpum og smábæjum. í höfuðborg-
inni sjálfri — þar sem Pol Pot stjórnin hafði barið, misþyrmt og
hengt þusundir manna — ljósmyndaði Ullal hina illræmdu
skólabyggingu, þar sem klæðnaður hinna myrtu fórnarlamba lá í
hrauk, sem náði upp í loft. Staðnum hefur nú verið breytt í safn til
að minna gesti á þau óhæfuverk, er rauðu kmerarnir frömdu við
mótun hins furðulega ríkis, er skyldi hefjast á árinu núll.
Kvöldsíma-,
þjónusta S.Á.Á
Sími 81515
Kvöldsímaþjónusta S.Á.Á. hófst
í júní 1979 með hjálp Lyons-
klúbbsins Fjölnis. Við símann
situr einn maður a vakt frá kl.
5—11 e.h. alla daga ársins, og
leitast við að leysa úr vandamál-
um fyrirspyrjenda.
Símanúmerið er 81515 — átta
fimmtán fimmtán —.
Árangur þessarar kvöldsíma-
þjónustu er þess virði að hans sé
getið, því oft hefur verið leyst úr
hnútum og flækjum, sem kunn-
áttumaður með aðstöðu innan
S.Á.Á. á auðvelt með að leysa, þótt
drykkjumaður eða aðstandandi
hans standi ráðþrota.
Innan vébanda S.Á.Á. eru þjón-
ustumiðstöðvar, sem fyrirvaralítið
er hægt að leita til um fyrstu
úrlausn vandamála. Þar má nefna
sjúkrastöðina að Silungapolli,
fjölskyldudeildina í Lágmúla og
þjónustudeildina í Lágmúla, auk
hinna ýmsu starfsmanna stofnun-
arinnar.
Fram til áramóta eru skráð 904
viðtöl í síma 81515. Að vísu eru
hringingarnar fleiri, en 904 viðtöl
gáfu tilefni til skráninga, enda
leiddu þau til einhverra aðgerða.
Af þessum 904 hjálparbeiðnum
voru 212 beiðnir um meðferð að
Silungapolli, en 204 voru afgreidd-
ar með samkomulagi um viðtal við
ráðgjafa þjónustudeildar, og
fyrsta viðtal þá venjulega tíma-
sett. 71 fyrirspyrjandi var ýmist
skráður til viðtals við fjölskyldu-
ráðgjafa eða til þátttöku í fjöl-
skyldunámskeiði, en aðsókn að
þeim námskeiðum er í örum vexti.
238 þáðu þær upplýsingar sem
hægt var að veita í síma, og
ákváðu svo ýmist að hringja aftur
eða hugleiða enn frekar þann
vanda er við blasti. 116 voru
ölvaðir og töldu réttast að halda
drykkjunni áfram.
Vaktmaður á símaþjónustu
reynir eftir megni að kynna sér
eðli þeirra elda er undir brenna,
og í skýrslu kvöldvaktarinnar ber
því mikið á lyfjavandamálinu. 390
af 904 kannast við einhverja
notkun lyfja í sambandi við áfeng-
isneyslu, en 211 geta hvorki játað
né neitað spurningum þar að
lútandi.
Af fyrirspyrjendum voru 617
karlmenn og 287 konur. 590 voru
eldri en 30 ára og 233 yngri, en 79
vildu ekki láta aldurs getið.
Margt fleira má læra af reynslu
kvöldsímaþjónustu S.Á.Á. þann
tíma sem hún hefur verið starf-
rækt. Ástæðulaust er þó að tíunda
frekar árangur þessarar þjónustu
í fréttatilkynningu, þótt starfsem-
in hafi skilað árangri, sem vissu-
lega er þsss virði að honum sé
haldið á lofti, og menn hvattir til
að nota þennan þátt S.Á.Á., sem í
mörgum tilvikum hefir orðið sá
bjarghringur sem einn var tiltæk-
ur þegar á herti.
Fréttatilkynning frá S.Á.Á.
Glæsi/egt úrvaí af hinum viðurkenndu
amerísku h SCOTT ogr2FISHER
hátö/urum á mjög góðu verði.
Opið á iaugardögum!
Einnig mikið úrvai afScott mögnurum og físher
útvarpsmögnurum á mjög góðu verði.
Afít fif/ hfjómftutnings fyrir:
HElMfLtO — BÍL/NN
OG
DfSKÓ TEKfO
D
i • i
[\aa io
ir
ARMULA 38 iSelmúla megini 105 REVKJAVIK
SIMAR: 31133 83177 PÓSTHÖLF1366