Morgunblaðið - 29.01.1980, Blaðsíða 48

ÞRIÐJUDAGUR 29. JANÚAR 1980
Bandaríkjamarkaður:
V erðlækkun á þorsk-
blokk, ufsa og' karfa
Lútherskur prestur
predikaöi í fyrsta sinn í
Landakotskirkju nú
fyrir helgina og var
þessi mynd tekin af bisk-
upunum í kirkjunni. Frá
vinstri: Hr. Sigurbjörn
Einarsson, kaþólski
biskupinn Hinrik Fre-
hen, systir Hildegardis
og frú Magnea Þorkels-
dóttir.
Ljósm. Mbl. Öl. K. M.
VERÐLÆKKUN hefur orðið
á Bandaríkjamarkaði á
íslenzkum fiskafurðum. að
því er áreiðanlegar heimildir
herma. Þorskblokk hefur
lækkað um 5 cent hvert pund,
úr 108 centum í 103 cent.
Nemur lækkunin 4,6%. Hins
vegar mun engin lækkun hafa
orðið á þorskflökum. Morgun-
blaðið reyndi í gær bæði að fá
Fiskiðjan Keflavík:
80 sóttu
um — 20
ráðnir
ÁTTATÍU manns sóttu um
starí hjá Fiskiðjunni í
Keflavík er starfsemi hennar
hófst að nýju í síðustu viku,
en aðeins var unnt að veita
tuttugu þeirra atvinnu, að
því er Hilmar Haraldsson
verksmiðjustjóri sagði í sam-
tali við Morgunblaðið í gær.
Hilmar sagði, að ekki hefði
verið auglýst eftir fólki, held-
ur hefði það komið að máli
við fyrirtækið er spurðist að
starfsemi væri að hefjast á
ný.
Hilmar sagðist báast við að
fólki yrði fjölgað þegar
vinnsla hæfist, og yrðu þá
trúlega milli 25 og 30 manns í
vinnu. Núna sagði hann vera
unnið að því að hreinsa og
laga til, þannig að bræðsla
gæti hafist að nýju, en hvort
það yrði loðna eða beinamjöl
sem fyrst yrði tekið fyrir
sagðist hann ekki vita.
Fiskiðjunni í Keflavík var á
sínum tíma lokað vegna
ónógra mengunarvarna, en nú
er unnið að uppsetningu
hreinsiútbúnaðar, sem að
sögn Hilmars verður settur
upp í áföngum.
þessar fréttir staðfestar hjá
Sölumiðstöð hraðfrystihús-
anna og Sambandi íslenzkra
samvinnufélaga, en hvorugt
fyrirtækið vildi gera það.
Samkvæmt heimildum Morgun-
blaðsins mun einnig hafa orðið
lækkun á ufsaflökum, sem nemur
6 centum á hvert pund. Er lækk-
unin úr 96 centum í 90 cent eða um
6,3%. Þá munu karfaflök og karfa-
blokkir hafa lækkað einnig eða um
það bil um 10 cent hvert pund.
Undanfarið hefur markaðurinn
í Bandaríkjunum verið nokkuð
ótryggur og hafa Kanadamenn
boðið fiskafurðir á lægra verði en
íslenzku fyrirtækin. Ástæður þess
munu m.a. vera að Kanadadollar
hefur staðið betur gagnvart
Bandaríkjadollar en áður. Enn-
fremur mun efnahagsástandið í
Bandaríkjunum hafa áhrif á þessi
mál.
Lækkun þorskblokkarinnar
mun koma þyngst niður á frysti-
húsunum hér, þar sem hún er það
fyrirferðamikil afurð í framleiðslu
þeirra. Mun lækkunin nema um
l'/2% af tekjum frystihúsa lands-
Gefur forsetinn vikufrest
til myndunar rikisstjórnar?
FORSETI íslands ræddi í gær við
alla formenn stjórnmálaflokkanna
eftir að Benedikt Gröndal formað-
ur Alþýðuflokksins hafði skilað
aftur umboði sínu til myndunar
meirihlutastjórnar. Forsetinn mun
í dag aftur ræða við alla flokksfor-
mennina, áður en hann tekur
ákvörðun um það, hvert verður
næsta skref til myndunar ríkis-
stjórnar.
Forsetinn, herra Kristján Eld-
járn, sagði í samtali við Morgun-
blaðið í gær, að þingflokkarnir
hefðu í gær haldið þingflokksfundi
Um 300 erlend-
ar stúlkur í fisk-
vinnu hér í vetur
UM 300 erlendar stúlkur frá
Ástralíu, Nýja-Sjálandi og fleiri
löndum eru nú við fiskvinnslu
hér á landi. Erfitt er að henda
nákvæmlega reiður á fjölda
þeirra, því að margar eru að
koma þessa dagana og aðrar eru
að fara eftir ársdvöl hér á landi.
Auk Ástralíu og N-Sjálands eru
hérna stúlkur frá Bretlandi,
S-Afríku og reyndar fleiri löndum,
en miklu færri en frá hinum
löndunum. Þá eru einnig nokkrir
karlmenn frá þessum löndum í
fiskvinnslu hér á landi, en þeir eru
sárafáir miðað við stúlkurnar.
Þær þykja hinn bezti starfskraft-
ur og bera uppi vertíðarvinnuna í
landi á mörgum minni staðanna.
Það er útgerðarpláss úti á landi
er vandfundið, þar sem ekki er
neitt um þessar erlendu stúlkur,
en undanfarin ár hefur Suðureyri
við Súgandafjörð haft flestar
þeirra í vinnu. Veturinn 1974
komu þær fyrst til vinnu í fiski
hér og þá til nokkurra staða á
Vestfjörðum, en síðan hefur þeim
fjölgað jafnt og þétt. Sumar þeirra
koma ár eftir ár og þær eru
nokkrar, sem gifst hafa íslending-
um og ílenzt hér á landi.
og myndu formennirnir því í dag
koma á sinn fund „og skýra þeir mér
þá frá því, hvort einhver breyting
hefur orðið í huga þeirra um þetta
mál frá því er ég ræddi við þá“, en
það gerði forsetinn eins og kunnugt
er í gær. „í ljósi þess ákveð ég, hvert
næsta skref verður," sagði Kristján
Eldjárn og bætti við, að reynt yrði
að hraða því eins og hægt væri.
í Alþingi í gær var rætt um það
manna á meðal, að líklegast væri, að
forsetinn gæfi þingmönnum svo sem
eins og einnar viku frest til þess að
koma sér saman um myndun ríkis-
stjórnar. Myndi hann ekki fela
neinum sérstökum umboð til stjórn-
armyndunar, en segja við flokksfor-
mennina, að þeir skyldu, er þeir
hefðu kannað möguleika á myndun
stjórnar, koma til sín og tilkynna
sér hvaða möguleikar væru fyrir
hendi. Myndi hann þá veita umboð
formlega til stjórnarmyndunar.
Geir Hallgrímsson, formaður
Sjálfstæðisflokksins sagði í samtali
við Morgunblaðið í gær, að þing-
menn hlytu nú að leita allra leiða til
þess að koma á þingræðisstjórn.
Ljóst væri, að ekki væru margir
dagar til stefnu. Hins vegar vildi
Geir ekki tjá sig um málið frekar á
meðan forseti Islands ætti eftir að
ræða við flokksformenn og taka sína
ákvörðun.
Benedikt Gröndal kvað alþýðu-
flokksmenn hafa haldið fund með
framsóknarmönnum á sunnudag í
stjórnarráðshúsinsu og hafi hann
setið þrír frá hvorum flokki. Þar
fengu alþýðuflokksmenn nánari
málefnalegar skýringar á synjun
framsóknarmanna á viðræðu-
grundvelli Alþýðuflokksins. „Af-
staða framsóknarmanna var
óbreytt," sagði Benedikt, „en það
kom skýrt í ljós, að þar réð miklu
um afstöðu þeirra, hver hefði á
hendi stjórnarmyndunarumboðið.
Þeir hefðu óskað eftir því að fá það
sjálfir."
Formaður Alþýðuflokksins kvað
þingmenn nú standá andspænis
þeirri staðreynd, að aðeins þjóð-
stjórn væri eftir af meirihlutamög-
uleikum og honum fyndist að flokk-
arnir yrðu að gera upp við sig, hvort
þeir vildu hana eða utanþingsstjórn.
Morgunblaðið spurði þá um minni-
hlutastjórnir og kvað hann ýmsar
gerðir slíkra stjórna hafa komið til
tals. „Mitt mat er að við höfum
aðeins viku til þess að koma saman
stjórn, lengur getum við ekki leyft
okkur að vera að þessu; vegna
efnahagsmála og ekki sízt vegna
útreiknings vísitölunnar, sem fram
yrði að fara á grundvelli verðlags í
febrúarbyrjun.
Sjá ennfremur umsagnir
Steingríms Hermannssonar og
Lúðviks Jósepssonar á bls.2.
Starfsmenn á Keflavíkurflugvelli:
Neita að afgreiða
sovéskar flugvélar
FUNDUR stjórnar og trúnað-
armannaráðs Verkalýðs- og sjó-
mannafélags Keflavíkur sam-
þykkti einróma í gærkvöldi að
standa við bakið á félögum
sínum er vinna á Keflavíkur-
flugvelli, og hafa Iýst því yfir
að þeir vinni ekki við flugvélar
frá Sovétríkjunum er hingað
kunna að koma, að því er Karl
Steinar Guðnason formaður fé-
lagsins sagði í samtali við
Morgunblaðið í gærkvöldi.
Karl Steinar sagði að allir
hefðu verið samþykkir því að
lýsa fyllsta stuðningi við þessar
aðgerðir, sem boðaðar eru vegna
síðustu atburða í Afganistan og
Sovétríkjunum. Sagði Karl að
hann teldi að sovéskar flugvélar
gætu ekki lent á Keflavíkur-
flugvelli vegna þessara aðgerða,
jafnvel þótt leyfi hefði fengist
hjá utanríkisráðuneytinu.
Það var sem kunnugt er hópur
manna sem starfar við þjónustu
við flugvélar sem hafði frum-
kvæði að þessum aðgerðum,
vegna innrásarinnar í Afganist-
an og handtöku Sakharovhjón-
anna. Afgreiðslubann þetta á
sovéskar flugvélar mun þýða að
Ilyushinbreiðþotan sovéska sem
hingað var væntanleg í næstu
viku á leið til Kúbu, mun ekki
hafa viðdvöl hér á landi.