Morgunblaðið - 29.01.1980, Blaðsíða 19

MORGUNBLAÐIÐ, ÞRIÐJUDAGUR 29. JANÚAR 1980
19
Ný ferðaskrifstofa
stof nuð á Akureyri
Akureyri. 25. janúar.
NÝTT fyrirtæki var stofnað á Akureyri í dag til þess að annast
ferðskrifstofurekstur og alla almenna fyrirgreiðslu fyrir ferðamenn.
Það hlaut nafnið Ferðaskrifstofa Akureyrar hf. Stofnendur eru 5 og
hefst starfsemi fyrirtækisins 1. maí í ár.
Ferðaskrifstofa Akureyrar hf. mun stunda allan almennan
ferðaskrifstofurekstur og farseðlasölu og mun taka við því hlutverki,
sem söluskrifstofa Flugleiða hf. á Akureyri og Ferðaskrifstofa
Akureyrar hafa gengt undanfarna áratugi. Þá mun skrifstofan
annast móttöku ferðamanna, innlendra sem erlendra, skipulagningu
og framkvæmd ferða hér á landi og hafa á hendi farmiðasölu í
langferðabifreiðar og fyrir Flugfélag Norðurlands hf. Ferðaskrifstof-
an annast alla fyrirgreiðslu við þá, sem ferðast til útlanda, hvort
heldur er í hópferðum eða á eigin vegum, þar með taldar allar ferðir,
sem Ferðaskrifstofan Úrval skipuleggur.
Stofnendur Ferðaskrifstofu Ak-
ureyrar hf. eru Jón Egilsson og
Gísli Jónsson, sem hafa veitt
Ferðaskrifstofu Akureyrar for-
stöðu, Flugleiðir hf., Flugfélag
Norðurlands hf. og Ferðaskrif-
stofan Úrval. Stjórnina skipa Ein-
ar Helgason formaður, Jón Egils-
son og Steinn Lárusson. Vara-
menn eru Sigurður Aðalsteinsson
og endurskoðendur Grétar Br.
Kristjánsson og Gunnar Kárason.
Piltur lær-
brotnar
SÍÐDEGIS á laugardag varð
árekstur milli fólksbifreiðar og
skellinöðru í Suðurfelli í Breið-
holti.
Fimmtán ára piltur ók skelli-
nöðrunni og hentist hann af
henni og á götuna. Kom í ljós, að
hann hafði lærbrotnað.
Með stofnun Ferðaskrifstofu
Akureyrar hf. sameinast starf-
semi Ferðaskrifstofu Akureyrar,
sem Jón Egilsson stofnaði 1947 og
hefur haft IATA-umboð í rúm 20
ár, og Söluskrifstofa Flugleiða, en
segja má að sú starfsemi nái allt
til þess er Flugfélag Akureyrar
hóf flug árið 1938. Ferðaskrifstofa
Akureyrar hf. mun nú annast þá
starfsemi, sem báðar fyrrnefndar
skrifstofurnar önnuðust áður og
ætti það fyrirkomulag að verða til
mikils hagræðis fyrir ferðafólk.
Sem dæmi má nefna, að bókanir í
ferðir munu ganga hraðar og á
sama stað eru veittar upplýsingar
og seldir farmiðar í ferðir með
flugvélum og bílum.
Ferðaskrifstofa Akureyrar hf.
verður á Ráðhústorgi 3 á Akur-
eyri, en sú starfsemi Flugleiða og
Flugfélags Noðurlands, sem fram
fer á Akureyrarflugvelli, verður í
óbreyttu formi frá því, sem verið
hefur. Framkvæmdastjóri verður
Gísli Jónsson og skrifstofustjóri
Kolbeinn Sigurbjörnsson.
—Sv.P.
Ljósm.: Kristján Einarsson
Ragnhildur Guðbrandsdóttir, elsti íbúi Kópavogs, tekur hér fyrstu skóflustunguna að byggingu
Hjúkrunarheimilis aldraðra í Kópavogi, en Ragnhildur er 101 árs að aldri.
Hjúkrunarheimili aldraðra i Kópavogi:
Hyggjast ljúka verk-
inu á tveimur árum
FYRSTA skóflustungan að nýju
Hjúkrunarheimili fyrir aldraða í
Kópavogi var tekin á sunnudag-
inn, við hátíðlega athöfn. Áætlað
er að byggingarkostnaður verði
um 300 milljónir króna, en þegar
hafa safnast um 50 milljónir
króna til verksins. Stefnt er að
þvi að ljúka verkinu á tveimur
árum.
Það eru eftirtalin félagasamtök
í Kópavogi sem standa fyrir söfn-
un til byggingarinnar, en þau fóru
af stað með þessa framkvæmd
eftir að ljóst var að ríki eða bær
myndu ekki leggja í þetta verk á
næstunni: J.C. Kópavogur, Kirkju-
félag Digranesprestakalls, Kiwan-
isklúbburinn Eldey, Kvenfélag
Kópavogs, Lionsklúbbur Kópa-
vogs, Lionsklúbburinn Muninn,
Rauðakrossdeild Kópavogs,
Rotaryklúbbur Kópavogs, og Sor-
optimistaklúbbur Kópavogs.
Tvær flugvélar komnar frá Kóreu:
Vélunum verður breytt
hér f yrir ný ju eigendurna
Fokkervélarnar tvær á Reykjavíkurflugvelli, nýkomnar frá Kóreu.
Ljósm.: Magnús G. Einarsson.
TVÆR af þeim fjórum Friendship
flugvélum sem Flugleiðir keyptu
af Korean Airlines eru nú komnar
til landsins, komu til Reykjavíkur
föstudagskvöldið 25. janúar. Tvær
seinni vélarnar leggja hins vegar
af stað miðvikudaginn 30. janúar
og eru væntanlegar til íslands 8.
febrúar.
Þær tvær vélar sem komnar eru
til landsins hafa Flugleiðir selt
finnska flugfélaginu Finnair.
Flugleiðir munu framkvæma
breytingar í mælakosti og
flugleiðsögutækjum. Vinna við
breytingarnar hófst fyrir nokkru
þ.e. smíði mælaborða í báðar flug-
vélarnar. Þá hafa tæki í þær verið
pöntuð erlendis frá og eru sum
komin en önnur væntanleg innan
skamms.
Fyrri flugvélin á að afhendast
Finnair 15. marz en sú síðari 30.
marz. Þetta er í fyrsta skipti sem
slíkar meiriháttar breytingar á
flugvélum eru framkvæmdar fyrír
erlendt flugfélag hér á landi.
Sem fyrr segir eru tvær seinni
Friendship flugvélarnar væntan-
legar til Reykjavíkur um 8.
febrúar. Á þeim verða gerðar
svipaðar breytingar — smíðað í
þær ný mælaborð og þær útbúnar
með nýjum mælum og flugleið-
sögutækjum. Áð þeirri breytingu
lokinni verða þær með samskonar
tæki og þær Friendship flugvélar
sem fyrir eru hjá félaginu.
Þá hafa Flugleiðir nú selt eina af
Fokkervélum sínum til Bandaríkj-
anna, og verður hún afhent um
miðjan næsta mánuð, en íslenskir
flugmenn munu fljúga henni utan,
til New York. Hér er um að ræða
elstu flugvélina í flota félagsins, og
var hún upphaflega smíðuð fyrir
norska félagið Braathen. Hingað
var hún keypt árið 1974, frá
Þýskalandi, en hafði áður verið
notuð í Austurlöndum og víðar.
I sumar verða væntanlega fjórar
vélar af Fokkergerð í notkun hjá
Flugleiðum, að sögn Sveins Sæm-
undssonar blaðafulltrúa, í stað
fimm véla í fyrra. Þar sem ein
vélanna er stærri og burðarmagn
þeirra meira, ætti það hins vegar
ekki að koma að sök á sumaráætl-
un Flugleiða sem birt verður innan
tíðar, að því er Sveinn sagði.
Fréttabréf úr Breiöuvíkurhreppi
Bændur verða
að spara hey
Skrifað í Breiðavíkurhreppi í
janúar 1980.
Segja má að tiðarfar hafi verið
gott það sem af er vetri, mjög lítill
snjór framundir jól, en um jólin
kom talsvert mikill snjór og veg-
urinn hér um sveitina varð ófær
bílum. Mjólkurbíllinn, sem flytur
mjólkina frá bændum í Borgarnes,
komst ekki á leiðarenda frá því á
aðfangadag jóla og þar til 2.
janúar, en þá var vegurinn opn-
aður og ekki var hægt að fá hann
mokaðan fyrr.
Leiðin frá Hellnum á Hellissand
var alltaf fær jeppum, en illfær
fólksbílum. Farþegar, sem komu
frá Reykjavík með sérleyfisbif-
reiðinni í jólafríinu og ætluðu að
komast að Hellnum eða Arnar-
stapa, fóru á Hellissand og voru
sóttir þangað.
Frost hafa verið mjög væg það
sem af er vetri og er því sáralítill
klaki í jörð. Sauðfé var seinna
tekið á hús en oft áður, en
misjafnt eftir staðháttum. Bænd-.
ur hér verða að spara hey eftir
föngum, því heyfengur er miklu
minni en í fyrra, en heyin mjög
góð.
Fækkun hefur orðið nokkur á
bústofni bænda. Heimtur voru
víða slæmar í haust, sums staðar
fennti fé og drapst af þeim sökum.
Sumir bændur hér í sveit fóru í
aðrar sveitir til að afla sér heyja
og var það útheyskapur. Ekki
hefur borið á kvillum í sauðfé.
Heyskapartíð var með eindæm-
um góð á síðastliðnu sumri. Ég
man ekki eftir því í mínum
búskap, að ég hafi ekki þurft að
sæta eina einustu sátu allan
heyskapartímann, en þess þurfti
ég ekki sl. sumar.
Útgerð
Hér á Hellnum og Stapa hefur
ekkert verið róið síðan í ágúst sl.
og róðrar hefjast ekki fyrr en í
apríl í vor. Ovíst er enn hvort
fiskurinn verður seldur uppúr sjó
eða verkaður í salt á næsta vori.
Nú er verið að byggja fiskverkun-
arhús í Arnarstapa og að þeirri
byggingu stendur nýstofnað sam-
vinnufélag.
Byggingar
Tvö íbúðarhús eru í smíðum í
sveitinni og verður hafin bygging
á þriðja íbúðarhúsinu í vor. Þrjár
verkfærageymslur eru í smíðum.
Samgöngur
Samgöngur eru slæmar eins og
áður og vegurinn illfær vegna
vanrækslu vegagerðar á ofaní-
burði. Úr þessu þarf að bæta hið
bráðasta. Óska ég öllum lands-
mönnum árs og friðar.
F.G.L. fréttaritari.
JNNLENTV