Morgunblaðið - 29.01.1980, Page 5

MORGUNBLAÐIÐ, ÞRIÐJUDAGUR 29. JANÚAR 1980
5
Fjölmenni á Eyjaráðstefnu um helgina:
Fjárhagsvandi
í Eyjum allur
tengdur gosinu
RÁÐSTEFNAN í Vestmannaeyjum um helgina sem fjallaði um stöðu
og stefnu Vestmannaeyja í ýmsum málaflokkum var mjög fjölsótt
báða dagana og urðu miklar og fjörugar umræður á fundum hennar.
Fundarstjórar voru Hermann Einarsson og Ólafur Granz og
fundarritarar voru Eiríkur Guðnason og Kristmann Karlsson.
Ráðstefnustjóri var Árni Johnsen. Liðlega 20 framsögumenn fluttu
.ræður á ráðstefnunni, en fjallað var um eftirtalda málaflokka: útgerð,
fiskvinnslu. bankamál, samskipti verkalýðsfélaga og atvinnurekenda.
iðnað, stöðu eldri borgara. eftirgosmál og stöðu og hlutverk
bæjarsjóðs. Þá sóttu fundinn nokkrir af æðstu mönnum Útvegsbanka
íslands.
Á fyrri degi fundarins var rætt
um stöðu útgerðarinnar, fisk-
vinnslunnar og bankamál voru
rædd. Þá flutti Jón Jónsson fiski-
fræðingur og forstjóri Hafrann-
sóknastofnunar einnig fyrirlestur
um stöðu botnfiska og Suður-
landsmið. I umræðum um stöðu
atvinnuveganna í Eyjum kom
fram að við mikla erfiðleika er að
glíma, bæði vegna erfiðrar fjár-
hagsstöðu útgerðar og minni afla
en reiknað hafði verið með. Þá
kom það glöggt fram í ræðum
flestra framsögumanna að fjár-
hagslegan vanda fyrirtækja, út-
gerðar og einstaklinga í Eyjum
má rekja til eldgossins 1973 þegar
Eyjamenn tóku á sínar herðar
feikilegt fjárhagslegt tjón vegna
eldgossins. Stjórnvöld höfðu lofað
að bæta Eyjamönnum tjónið svo
við mætti una, en það loforð brást
og síðan hefur þorri fyrirtækja,
útgerðarmenn og einstaklingar
sem standa að rekstri, átt við
mikla rekstrarörðugleika að stríða
og hefur 7 ára þrotlaus barátta
ekki skilað árangri sem erfiði. Þá
kom það glögglega fram hjá fram-
sögumönnum að mikil þörf er á
endurnýjun í bátaflota Vest-
mannaeyja, sem um áratugaskeið
hefur verið stærsta verstöð lands-
ins.
Einnig kom það fram á
ráðstefnunni að Útvegsbanki
Islands hefur tekið á sig miklar
skuldbindingar vegna uppbygg-
ingar og rekstrar eftir gos, en þar
sem illa hefur árað í útgerðinni og
bankinn býr við fjármagnsskort
þá fer vandi bankans og Vest-
mannaeyja saman.
Hættuleg gatna-
mót í Hafnarfirði
MJÖG harður árekstur varð milli
tveggja fólksbifreiða á mótum
Hjallavegar og Reykjavíkurveg-
ar í Hafnarfirði um klukkan 19
s.l. laugardagskvöld. Er þetta í
annað skiptið á réttri viku sem
þarna verður alvarlegt umferð-
arslys og virðist full ástæða til að
brýna fyrir ökumönnum að aka
gætilega um þessi gatnamót.
Á gatnamótunum eru umferð-
arljós en hins vegar eru ekki
sérstök beygjuljós fyrir bíla, sem
aka Reykjavíkurveginn og beygja
inn á Hjallabraut. í þessu tilfelli
varð áreksturinn einmitt með
þessum hætti, bifreið sem ók
Reykjavíkurveginn lenti í árekstri
við aðra bifreið sem kom í gagn-
stæða átt og beygði til vinstri inn
á Hjallaveg. Samkvæmt upplýs-
ingum lögreglunnar urðu ekki slys
á fólki en í öðrum bílnum voru
hjón með fjögur börn.
Fiskveiðasjóður:
Ný stefnumörkun
varðandi
AÐ GEFNU tilefni vill ráðu-
neytið taka fram að það mun
beita sér fyrir eftirfarandi
stefnumörkun varðandi láns-
kjör Fiskveiðasjóðs.
Endurskoðuð verði lánskjör
Fiskveiðasjóðs með það fyrir
augum að lán til fiskiskipa verði
eingöngu með SDR-áhættu og
eðlilegum vöxtum, sem nú eru
taldir 9% en ekki öðrum verð-
tryggingarskilmálum. Lán til
fiskvinnslu verði hins vegar mið-
lánakjör
uð við vísitölu byggingarkostn-
aðar og ekki með gengisáhættu,
en með lægri vöxtum en nú
tíðkast en þeir eru 5,5% og
verður stefnt að ca. 3%. Láns-
kjörin verði síðan endurskoðuð
miðað við kjör á því lánsfé sem
sjóðurinn á kost á að fá á
hverjum tíma.
Þessi stefnumörkun hefur ver-
ið kynnt fulltrúum hagsmunaað-
ila í greininni.
(Fréttatilkynning sjávarútvegsráðuneytis)
Halldór leikur á
Kjarvalsstöðum
HALLDÓR Haraldsson píanó-
leikari heldur tónleika á Kjar-
valsstöðum mánudaginn 11.
febrúar næstkomandi í boði
stjórnar Kjarvalsstaða.
Halldór valdi flygil þann sem
keyptur var fyrir Kjarvalsstaði í
fyrra. Þá var honum boðið að
reyna hljóðfærið og halda tón-
leika, en af ýmsum ástæðum
hefur ekki verið hægt að halda
tónleikana fyrr en nú. Tónleik-
arnir hefjast klukkan 20.30 og er
öllum heimill aðgangur á meðan
húsrúm leyfir.
Á efnisskránni eru verk eftir
Schubert, Beethoven, Tsjai-
kovskí, Skrjabín, Prókofíeff og
Chopin.
Á þriðja hundað manns sóttu Eyjaráðstefnuna þegar mest var en ráðstefnusalurinn í Samkomuhúsinu var
jafnan fullsetinn báða fundardagana. Ljósmynd Mbl. Sigurgeir Jónasson.
PHILCO
Kæliskápar
frá
USA
Þaö er viðurkennd staöreynd að Bandaríkjamenn framleiöa
kælitæki í hæsta gæöaflokkí.
Með vandláta kaupendur í huga bjóðum við pví núna
ameríska PHILCO kæliskápa í mörgum stærðum og litum.
Hér fara saman fallegt útlit og haganlegar innréttingar ásamt
vandaðri hönnun sem tryggir mikla endingu.
PHILCO kæliskáparnir eru pví gæddir öllum peim kostum sem
prýða fyrsta flokks kæliskápa.
Sjón er sögu ríkari — komiö í verzlanir okkar og kynnist af
eigin raun amerísku PHILCO kæliskápunum.
PHILCO FYRIR VANDLÁTA
heimilistæki sf
HAFNARSTRÆTI 3 — 20455 — SÆTÚN 8 — 15655