Morgunblaðið - 17.06.1981, Blaðsíða 31

MORGUNBLAÐIÐ, MIÐVIKUDAGUR 17. JÚNÍ 1981
31
Eftir Pétur Pét-
ursson, þul
Af öllum húsnæðislausum
húsnæðisleysingjum er nú
hvað bráðust þörfin hjá Seðla-
bankanum. Það er víðar sem
fjölgar á bænum og peningam-
ir tímgast eins og kanínur
engu síður en hjá Sparisjóði
Rauðsmýringa. Það er ekki að
spyrja að því þegar margir
koma saman. Þetta er ungt og
leikur sér.
Nú hafa bankamenn nýverið
sett fram kröfur um að þeim
verði goldin laun skv. viðmiðun
byggingarvísitölu. Ætla má að
vísitala byggingarkostnaðar
lækki ekki til muna ef áform
Seðlabankans um hallarsmíð
rætast á næstunni.
Glöggir fésýslumenn stað-
hæfa að rekja megi upphaf
verðbólgu til stofnunar Seðla-
bankans. Brjóstvitsmenn taka
slíkum fullyrðingum með var-
úð, en vist er að starfsmanna-
fjöldi Seðlabankans mun nú
vera á þriðja hundrað, ef
marka má símaskrá bankans.
Áður fyrr hengdi símastúlka
Þjóðbankans upp gengisskrán-
ingartöflu og fylgdist með
gengissveiflum per telefón.
Enn er í minnum haft hve
lóðaverð snarhækkaði í miðbæ
Reykjavíkur þá er Seðlabank-
inn leitaði hófanna um lóða-
kaup. Síðan þá hefir stofnunin
svipast um víða, en stórhuga
áform um musterið mikla taf-
ist af ýmsum ástæðum. En
þeir sem gæta Fáfnisarfs vilja
ógjarnan hrekjast mjög af leið
og hafa nú leitað skjóls í
landnámi Ingólfs, á sjávar-
kambi, þar „fornar súlur flutu
á land“. Það mun steinsnar frá
þeim stað er konsúlsfrúin ætl-
aði að reisa sér sumarbústað í
fyrndinni, að njóta útsýnis til
Esjunnar og fylgjast með því
er vorið fer á vængjum yfir
flóann, því „ekkert er fegurra
en vorkvöld í Reykjavík", svo
sem skáld og jarðfræðingur
staðfesti í ljóði.
Hvað segja gamlir fornmenn
um sjávarkamb sem hlunn og
hlein undir peningastofnun
sem skriplar á skötu við svip-
ulan sjávarafla án þess að
veiða bein úr sjó? Finnst
enginn staður á byggðu bóli er
hæfir því hefðarsetri jafnvel
og máske betur en fornhelgur
staður fyrstu byggðar og lend-
ingarvör landnámsmanns?
Margir urðu til þess að mæla
og rita varnaðarorð þá er
bankinn lýsti áformum sínum
og hóf umsvif á Arnarhóli. Nú
Pétur Pétursson
„Hvað segja gamlir
fornmenn um sjávar-
kamb sem hlunn og
hlein undir peninga-
stofnun, sem skriplar
á skötu við svipulan
sjávarafla án þess að
veiða bein úr sjó?
Finnst enginn staður
á byggðu bóli, er hæf-
ir því hefðarsetri jafn-
vel og máske betur en
fornhelgur staður
fyrstu byggðar og
lendingarvör land-
námsmanna?“
tilkynna borgaryfirvöld að þau
hafi fallist á tilmæli banka-
stjórnar um nýjan stað,
skammt norðan við fyrri lóð-
armörk. Einnig þeim áformum
hefir verið mótmælt og það
með gildum rökum. Morgun-
blaðið, Tíminn og Vísir hafa
birt fjölda greina nafnkunnra
manna og annarra ónafn-
greindra og varað við vald-
níðslu og framkvæmdaflani.
Þá er Landsíminn hóf jarð-
rask og framkvæmdafum í
fyrsta kirkjugarði íslands-
byggðar, garði Ingólfs og Hall-
gerðar, ritaði Helgi Hjörvar
varnaðarorð í Morgunblaðið:
„Geta ekki tveir flokkar
manna hindrað frekari van-
virðu á svona kostbærum stað
og þjóðhelgum reit: kristnir
menn, og svo siðaðir menn,
hverja trú sem þeir hafa?
Eru þeir samanlagt of fálið-
aðir? En ein yfirsjón í örbirgð
og frumbýlingshætti tekur þó
fyrst út yfir, ef kynslóðir
auðsins og gullsins ætla að
auka hana og margfalda með
forherðing allrar skynsemi
gegn sæmd og fegurð."
Hvað skal til varnar verða?
Naumast er þess að vænta
að forsvarsmenn Alþýðu-
bandalagsins bíti í skjaldar-
rendur. Þeir eru ánægðir og
segja eins og kisa: „Ég er svo
sæl og sveitt, södd og löt og
þreytt." Þeim er nóg ef þeir fá
að reka tittinn í lækjarlontu
Seðlabankans, kjósa sam-
ráðsmenn um fluguval, halda á
háfnum og bera veiðina.
Hver finnur húsakynnum
bankans annan stað er hæfir
tölvustofnun á tuttugustu öld?
Seðlabanki á
sjávarkambi?
Komdu og skodaðu veggsamstæðurnar okkar
ÞAÐ BORGAR SIG
Glæsilegt úrval fallegra húsgagna í fallegri verzlun
húsgögn
Langholtsvegi 111, Reykjavík,
símar 37010 — 37144.
SlKfí
hitamælar
Vesturgötu 16,
sími 13280.
Fenner
Reimar og
reimskífur
Fenner Ástengi
Vald
Poulsen
Suöurlandsbraut 10,
sími 86499.