Morgunblaðið - 04.07.1985, Qupperneq 19

MORGUNBLAÐIÐ, FIMMTUDAGUR 4. JÚLl 1985
19
Aðalfundur Sambands norðlenskra kvenna:
Skorað á konur að
leggja sitt af mörk-
um tii friðarmála
AÐALFUNDUR Sambands norðlenskra kvenna var haldinn á Húnavöllum
8. og 9. júní sl. Fundinn sóttu fulltrúar allra kvenfélagasambanda á svæðinu
sem nær frá Austur-Húnavatnssýslu til Norður-Uingeyjarsýslu, að báðum
sýslum meðtöldum.
Ýmis mál sem sambandið hefur
haft á stefnuskrá sinni voru rædd
á fundinum, svo sem orlofsmál,
garðyrkjumál og málefni þroska-
heftra sem SNK hefur mjög látið
sig varða. Sambandið mun á
næsta ári gangast fyrir fjársöfnun
til styrktar þroskaheftum á Norð-
urlandi. Oft áður hefur verið unn-
ið að slíkri söfnun, til styrktar
heimili vangefinna að Sólborg á
Akureyri.
Guðrún Benediktsdóttir,
Hvammstanga, flutti erindi frá
Samtökum um jafnrétti milli
landshluta. Hvetur fundurinn
kvenfélög til að kynna sér samtök-
in, telur hann að lítilsvirðingar
hafi gætt í málflutningi ýmissa
fjölmiðla gagnvart landsbyggð-
inni og sé nú mál að linni. Hann
telur að flytja beri þjónustustarf-
semi þjóðfélagsins meira út á
landsbyggðina, bæði hvað vald og
fjármagn varðar.
Friðarmál voru rædd og vekur
fundurinn athygli á nauðsyn þess
að konur taki höndum saman um
varðveislu heimsfriðar. Skorað er
á allar konur í landinu að leggja
sitt af mörkum og láta sig varða
þetta lífshagsmunamál alls
mannkyns.
Soffía Guðmundsdóttir, Akur-
eyri, flutti „Hugleiðingu í lok
kvennaáratugar" og rakti hvað
áunnist hefur og einnig hvar huga
þarf enn betur að jafnréttismál-
um.
Oddný Björgvinsdóttir, Reykja-
vík, og Asgerður Pálsdóttir, Geita-
skarði, fræddu um ferðaþjónustu
bænda sem nú er í mótun hér á
landi.
Samband norðlenskra kvenna
varð 70 ára á sl. ári og gaf í því
tilefni út afmælisrit.
Núverandi stjórn skipa: Elín
Aradóttir, Brún, Sigríður Hafstað,
Tjörn og Guðbjörg Bjarnadóttir,
Akureyri.
Alr fróHatilkvnnintnil
Breskt strandgæsluskip í Reykjavíkurhöfn
BRESKA strandgæsluskipið Leeds Castle veröur í
Reykjavíkurhöfn frá fimmtudeginum 5. júlí til mánu-
dagsins 8. júlí.
Leeds Castle hefur verið í breska flotanum frá
árinu 1981. Skipið hefur þaö hlutverk að annast
gæslu á olíu- og gassvæðunum í Norðursjó auk
almennrar strandgæslu. Um borð í þvi er rými
fyrir Sea King-þyrlu. Skipið er 81 metri á lengd og
gengur um 20 hnúta. í áhöfninni eru 50 manns og
þá er einnig aðstaða um borð fyrir 25 landgöngu-
liða. Á meðan skipið er í Reykjavík verður það við
Ægisgarð. Það verður til sýnis almenningi frá
klukkan 14 til 17, laugardaginn 6. júlí.
Athyglisverð
starfsemi
kirkjunnar að
Löngumýri í
Skagafirði
Bv, llöftaslrönd. I. júli.
LÖNGUMÝRI er gamalt höfuðból í
Skagafírði og var um fjölda ára rek-
inn þar kvennaskóli undir stjórn
Ingibjargar Jóhannesdóttur. Síðasta
skólastýran þar var Margrét Jóns-
dóttir sem nú er forstöðukona heim-
ilis þess sem rekið er af Þjóðkirkj-
unni að sumri fyrir aldrað fólk, því
til hvíldar og hressingar, en að vetri
notað til námskeiða og fundahalda.
Ég var einn af þeim sem naut
þessarar gistivináttu nú í júní, en
það er í þriðja skipti sem ég nýt
þessarar einstöku dvalar að
Löngumýri. Ef ég væri spurður
hvernig væri að vera á þessum
stað ætti ég fljótsvarað: þarna er
gott að vera. Dagurinn byrjar með
stuttri helgistund, en síðan hefst
hin daglega starfsemi með kynn-
ingarspjalli, söng, spilamennsku.
Jú, fólkið getur farið í laugina eða
eytt deginum að vild. Maturinn er
sannkallaður veislumatur alla
daga. Að kvöldi dags er aftur
helgistund, oftast flutt af Marg-
réti forstöðukonu, sem ég vil segja
að sé persónuleiki sem við kynn-
umst of sjaldan. María ljósa er
gömul ljósmóðir af Sauðárkróki
sem sjálfsagt hefur tekið á móti
megninu af þeirri kynslóð þar sem
nú er miðaldra. Hún hefur lært af
lífsins reynslu að breiða yfir allt
og alla, en þarna er hún ómissandi
aðstoðarkona Margrétar forstöðu-
konu. Starfsfólk allt á Löngumýri
virtist mér vera ágætt. Nokkrum
sinnum eru kvöldvökur haldnar og
farið í kynningarferðir víða um.
Yfirumsjón með þessum rekstri
hafa prestarnir sem koma stund-
um dvalargestum til sáluhjálpar
og skemmtunar.
— Björn.
Þúsvalarl
SKÍum Möggans!
SUZUKI
FOX PICKUP
Bíll sem býður upp á marga möguleika
Aflmikill og lipur jeppi og umfram allt ótrúlega spameytinn.
ísparaksturskeppni BIKR ogDV9. júnísl. eyddi Suzuki Fox 413 aðeins 6.2 Itr. pr. 100 km.
Nú getum við boðið upp á vönduð trefjaplasthús á Suzuki Fox pickup.
Þar sem Fox pickupinn er 57 cm lengri en Fox jeppinn, þá hentar hann mjög vel fyrir
alla þá sem þurfa á miklu farangursrými að halda.
Verð: Suzuki Fox 410 pickup 4 gíra kr. 339.000.-
Suzuki Fox 413 pickup 5 gíra kr. 395.000.-
Trefjaplasthús kr. 64.700.-
Því meira sem þú ekur SUZUKI - því meira sparar þú
SVEINN EGILSSON HF.
Skeifunni 17. Sími 685100.
“
Valdmariu.nar hf ■