Morgunblaðið - 05.09.1985, Blaðsíða 46

46
MORGUNBLAÐID, FIMMTUDAGUR 5. SEPTEMBER 1985
Evrópumótið í Várgárda:
Benedíkt einn
íslendinganna
með EM-titil heim
Hestar
Valdimar Kristinsson
Þá er enn einu evrópumóti lokið
þar sem íslenski hesturinn leikur
eitt aðalhlutverkið. Voru saman-
komnir þarna um fjögur þúsund
aðdáendur þessa einstæða hests
frá þrettán löndum. Þessi mót
njóta sífellt meiri vinsælda hér-
lendis og er talið að yfir þrjú
hundruð íslendingar hafi verið
þarna til að fylgjast með og hafa
aldrei jáfn margir verið á þessum
mótum. Eins og fram hefur komið
var mótið haldið’í Svíþjóð, nánar
tiltekið í Várgárda sem er lítill bær
um 70 kílómetra norðaustur af
Gautaborg. Það var sænski herinn
sem léði eitt af æfingarsvæðum
sínum undir mótshaldið og sögðu
heimamenn að ef sænski herinn
hefði ekki hlaupið undir bagga
bæði varðandi mótssvæðið og að-
stoð við undirbúning fyrir mótið
hefði þetta verið nær ógerlegt.
Upphaflega átti að halda mótið í
bænum Alingsás sem er 20 kíló-
metrum nær Gautaborg. Um fjór-
um mánuðum fyrir áætlaða móts-
daga var mótsstaðurinn fluttur og
voru menn víða um Evrópu ugg-
andi um að Svíar misstu þetta allt
úr böndunum þar sem skammur
tími var til stefnu. í bréfi frá
formanni FEIF Volker Ledermann
var sagt að ekki þyrfti að óttast
að mótið félli niður en einnig tekið
fram að ef illa færi væru Hollend-
ingar tilbúnir að taka að sér mótið
með stuttum fyrirvara. Á daginn
kom að þessi ótti reyndist óþarfur
því raunin varð sú að margt af því
sem þetta evrópumót bauð upp á
er alveg sambærilegt við það besta
sem þekkist frá fyrri mótum.
Keppnisgreinar sjö -
EM-titlar ellefu
Aldrei fyrr hefur keppnin á
evrópumótunum verið jafn tvísýn
sem nú. íslendingar og Þjóðverjar
hafa staðið feti framar en aðrar
þjóðir og hefur það stundum verið
svo að þeir hafa skipt kökunni að
mestu á milli sín en hinar þjóðirn-
ar fengið molana sem til féllu. Nú
var þessu öðru vísi farið því Aust-
urríkismenn, Norðmenn og Danir
blönduðu sér eftirminnilega í bar-
áttuna að þessu sinni. En áður en
farið er nánar út í keppnina sjálfa
er rétt að skýra i hverju keppnin
erfólgin.
Hinar eiginlegu keppnisgreinar
eru 7 talsins, tölt, fjórgangur,
fimmgangur, hlýðnikeppni, 250
metra kappreiðaskeið, gæðinga-
skeið og víðavangshlaup. Evrópu-
meistaratitlarnir sem keppt er um
eru 11 þ.e. einn evróputitill í hverri
þessara sjö greina auk þess sem
titill getur unnist í stigasöfnun úr
fleiri en einni grein. Er þar fyrst
að nefna samanlagða sigurvegara
eða stigahæsta keppanda úr fjór-
um greinum og er sú keppni tví-
þætt, annarsvegar keppandi á fjór-
gangshesti (klárhrossi með tölti)
og hinsvegar keppandi á fimm-
gangshesti (alhliða hross). Þeir
sem glíma við þessa titla þurfa að
taka þátt í minnst þremur grein-
um, mest fjórum. Einnig eru veitt
verðlaun fyrir íslenska tvikeppni
sem er samanlögð stig úr tölti,
fjórgangi og skeiðtvíkeppni sem
er samanlögð stig úr fimmgangi
og 250 metra skeiði eða gæðinga-
Jóhannes Hoyos, Austurríki, keppti á Fjölni frá Kvíabekk, þrautreyndum
afrekshesti, bæói sem gæðingur og skeiðhestur. Eftir forkeppnina var Jó-
hannes efstur í fímmgangi ásamt Benedikt en féll niður í fjórða sæti í
úrslitum.
Walter Feldman, Þýskalandi, er nú eini keppandinn sem keppt hefur á öllum
Evrópumótum sem haldin hafa verið og unnið einhvern titil á flestum
mótunum. Ekki gekk þó dæmið upp að þessu sinni því hestur hans, Prati frá
Hlöðutúni, stökk út úr hringnum í forkeppni fímmgangsins og þar með var
hann úr leik í þeirri grein og eins stigakeppninni.
Aðalsteinn Adalsteinsson á Rúbín en þeir urðu í tíunda sæti í fímmgangi.
Morgunbladið/Valdimar
Sigur Benedikts í fímmgangi var sannfærandi og sýnir að við höfum dregist
aftur úr eins og margir óttuðust
Piet Hoyos, Austurríki, á Sóta frá Kirkjubæ varð nú annar í fímmgangi en
hann var einnig í úrslitum í Roderath ’83 ásamt fjórum íslendingum
Sigurbjörn Bárðarson varð 6. í fímmgangi og töldu margir að hann hafí átt
fullt erindi í A-úrslitin.
skeiði. Auk þess eru veitt ýmiskon-
ar aukaverðlaun og fyrir þá sem
ekki eru þess betur að sér í erlend-
um tungumálum virka verðlauna-
afhendingar í mótslok alltaf rugl-
ingslegar.
Hörkukeppni utan sem
innan vallar
Eitt gleggsta dæmið um harðn-
andi keppni voru margvíslegar
kærur sem komu fram meðan á
keppninni stóð og urðu íslendingar
iililega fyrir barðinu á þeim. Er
það alltaf neikvætt þegar menn
færa keppnina út fyrir völlinn og
hinn eiginlega dóm en getur einnig
reynst nauðsynlegt til að keppnis-
reglum sé fylgt eftir. í hita leiksins
koma oft í ljós gallar á reglunum
og annað sem er alvarlegra að
stundum ber á milli um hvernig
reglur skuli túlkaðar.
Á fimmtudag hófst keppnin með
B-hlýðniæfingum og voru fjórir
íslendingar, þeir Sigurbjörn,