Morgunblaðið - 13.10.1985, Blaðsíða 1

104SÍÐUR B/C
STOFNAÐ1913
231. tbl. 72. árg.__________________________________SUNNUDAGUR 13. OKTÓBER 1985________________________________Prentsmiðja Morgunblaðsins
Sovétríkin:
Vilja efla
samskipti
við Líbýu
Moskvu, 12. október. AP.
GORBACHEV, leidtogi Sovétríkj-
anna, kveðst vilja bæta samskipti
Sovétmanna og Líbýumanna. Mo-
ammar Khaddafy, leiðtogi Libýu, og
Gorbachev ittu tveggja daga viðræður,
sem lauk í gær, og gerði Gorbachev
góðan róm að stjórnmálastefnu
Khaddafys.
Nokkur leynd ríkti yfir viðræðun-
um og er ekki vitað hvort leiðtog-
arnir gerðu með sér samþykktir um
stjórn- eða efnahagsmál.
Gorbachev sagði í ræðu eftir að
viðræðunum lauk að afstaða Líbýu-
manna gegn „heimsvaldasinnum"
væri þarft framlag til lausnar á
aðkallandi alþjóðlegum vandamál-
Kosningar í Belgíu í dag:
Líkur á
stjórnar-
skiptum
Bríissel, 12. október AP.
ÞINGKOSNINGAR verða í Belgíu á
morgun, sunnudag, og er búist við,
að ríkisstjórnin, samsteypustjórn mið-
og hægriflokka, muni tapa meirihluta
sínum.
Skoðanakannanir benda til, að
ríkisstjórn Wilfried Martens muni
tapa nokkru fylgi í Flæmingjalandi,
meðal þeirra íbúa landsins, sem
mæla á flæmsku eða hollensku, en
halda sínu í Vallóníu þar sem
franska er töluð. Styðja stiórnina
nú 113 af 212 þingmönnum. I Belgíu
skiptast flestir flokkar í tvennt eftir
tungumálinu og er flæmskumæl-
andi jafnaðarmönnum spáð fylgis-
aukningu. Enginn stjórnmálaflokk-
anna 12 nálgast það þó að fá meiri-
hluta.
Efnahagserfiðleikar hafa verið
miklir í Belgíu og 13,4% vinnufærra
manna hafa ekki atvinnu. Stjórnin
hefur þó gripið til ýmissa ráða til
að örva atvinnulífið og tekist hefur
að koma verðbólgunni niður fyrir
5%. Ef flæmskumælandi sósíalistar
verða í næstu samsteypustjórn er
talið að það muni geta haft áhrif á
uppsetningu meðaldrægu eldflaug-
anna í Belgíu.

Hauststemmning við Tjörnina
Ljósmynd/Snorri Snorrason
Palestfnumennirnir sem rændu Achílle Lauro:
Formleg ákæra um
morð og mannrán
Sirarusa, New York, 12. október. AP. ^ ^
PALESTÍNUMENNIRNIR fjórir, sem nú eru í vörslu ítalskra yfirvalda,
voru í gær formlega ákærðir fyrir morð, mannrán og fyrir að hafa rænt
skipi á hafl úti. í gærkvöldi voru fréttir um, að hugsanlega væri hér ekki
um mannræningjana að ræða, en þær efasemdir eru nú úr sögunni. Farið
var með farþega af Achille Lauro, skipinu, sem var rænt, til Sigonella-
flugvallarins á Sikiiey og þar báru þeir kennsl á mennina. Viðbrögðin við
aðgerðum Bandaríkjamanná eru á ýmsa lund. Ríkisstjórnir á Vesturlöndum
hafa margar fagnað því, að tekist hefur að hafa hendur í hári hryðjuverka-
mannanna en í sumum Arabaríkja og Sovétríkjunum eru Bandaríkjamenn
gagnrýndir fyrir.
Kosningar í Póllandi:
Ofurkapp er lagt á
kosníngaþátttökuna
Varsjá. 12. október. AP.
PÓLVERJAR ganga til kosninga á
morgun og er það fyrsta sinni síðan
1980, er pólskir verkamenn létu að
sér kveða í landinu.
Það er mikilvægt fyrir pólsk
stjórnvöld að sem flestir greiði
atkvæði þótt að sjálfsögðu sé aðeins
um einn flokk að velja. Er því haldið
fram, að fjölmenni Pólverjar í kjör-
klefana muni það róa bandamenn
þeirra austantjalds og gera að verk-
um að vestræn ríki greiði þeim
aðgang að lánum.
Jaruzelski, forsætisráðherra og
leiðtogi kommúnistaflokksins, hef-
ur lýst yfir því að 75 til 80 prósent
kosningaþátttaka gæti leitt til þess
að pólitískum föngum verði sleppt
úr haldi.
Talsmenn Samstöðu segja að yfir-
lýsingar sem þessar séu ekkert
annað en hræsni og áróðorsbrögð.
1 gær, föstudag, voru mannræn-
ingjarnir fjórir formlega ákærðir
fyrir morð, mannrán og fyrir að
ræna skipi á hafi úti. Giulio Andre-
otti, utanríkisráðherra ítaliu, sagði,
að ekki kæmi til greina að sýna
þeim mönnum miskunn, sem myrt
hefðu farlama mann og hótað
hundruðum annarra dauða og tor-
tímingu. ítalska fréttastofan Ansa
hefur greint frá nöfnum mannanna,
sem eru á aldrinum 19-23 ára, en
opinberlega hefur þó ekki verið
skýrt frá þvi enn.
Craxi, forsætisráðherra Ítalíu, lét
þau orð falla í gærkveldi, að hugsan-
lega væru Palestinumennirnir fjór-
ir, sem voru um borð í egypsku
flugvélinni, ekki mannræningjarn-
ir. Hafði hann þá fyrir sér ummæli
einhverra manna í PLO, Frelsis-
fylkingu Palestinumanna, um að
vísvitandi hefði verið villt um fyrir
Bandaríkjamönnum. Michael Cann-
ing, talsmaður bandaríska sendi-
ráðsins i Róm, sagði hins vegar í
dag við fréttamann AP-fréttastof-
unnar, að bandariskir farþegar af
Achille Lauro hefðu verið látnir
koma við í Sigonella-flugstöðinni á
Sikiley á leið til Bandaríkjanna frá
Kairó og hefðu þeir staðfest, að um
mannræningjana væri að ræða.
Hafa hryðjuverkamennirnir nú
verið fluttir i fangelsi í borginni
Siracusa á Sikiley.
Ríkisstjórnir á Vesturlöndum,
sem hafa eitthvað sagt um aðgerð
Bandaríkjamanna, hafa fagnað
henni og telja það réttlætisverk að
hafa hendur í hári hryðjuverka-
manna. Brian Mulroney, forsætis-
ráðherra Kanada, hringdi til Reag-
ans, Bandaríkjaforseta, óskaði hon-
um til hamingju með árangurinn
og sagði nauðsynlegt að skera upp
herör gegn hryðjuverkastarfsemi,
sem væri „ógnun við tilveru sið-
menntaðra samfélaga". Sir Geof-
frey Howe, utanríkisráðherra
Breta, kvaðst fagna því, að hryðju-
verkamenn væru dregnir til ábyrgð-
ar á verkum sínum og talsmaður
vestur-þýska utanríkisráðuneytis-
ins sagði, að „hryðjuverkamenn eiga
að gjalda glæpa sinna". í flestum
Arabaríkjanna hefur ekkert verið
um þetta mál sagt en írakar hafa
þó fordæmt Bandaríkjamenn og
Egyptar hafa einnig mótmælt að-
gerðum Bandarikjamanna. Þeir
leggja þó áherslu á, að þeir vilji
áfram hafa góð samskipti við
Bandaríkjamenn. í Sovétríkjunum
og öðrum Austantjaldsrikjum hafa
Bandaríkjamenn verið gagnrýndir.