Morgunblaðið - 13.10.1985, Blaðsíða 4

4
MORGUNBLAÐIÐ, SUNNUDAGUR13. OKTÓBER1985
Noregur:
Vigdís styður
ljóðalestur á
Stórþinginu
Osló, 9. október. Frá Jan-Erik Lauré, fréttaritara Morgunblaðsin.s.
FÉLAGSSKAPUR Ijóðskálda í Noregi, sem nefnir sig Stuntpoetene (og
kannski má nefna Hrekkjaskáld á íslensku), hefur fengið stuðning Vigdís-
ar Finnbogadóttur, forseta íslands, við þá tillögu sína að Ijóð verði lesið
daglega á norska þinginu. „En það verða þá að vera góð ljóð,“ sagði
forsetinn í viðtali við Dagbladet í Osló fyrir skömmu.
Hrekkjaskáldin, sem eru átta að
tölu, hafa nú hætt starfsemi sinni,
en á undanförnum árum hafa þau
vakið á sér mikla athygli í norsk-
um fjölmiðlum með frumlegum
hugmyndum sínum um það hvern-
ig efla megi veg ljóðlistar í
landinu.
Hrekkjaskáldin hafa m.a. kraf-
ist þess að Lars Roar Langslet,
menningarmálaráðherra Noregs,
lesi nýtt ljóð í byrjun hvers vinnu-
dags norska Stórþingsins; að ein
síða í hverju hefti tímarits SAS-
flugfélagsins Scanorama verði
helguð norskum ljóðum og að i
NATO-útvarpinu í Noregi, sem
útvarpar á ensku, verði lesið eitt
norskt Ijóð á sólarhring.
Þessar kröfur hafa ekki náð
fram að ganga. Þrátt fyrir ýtarleg
bréfaskipti skáldanna við menn-
ingarmálaráðherrann var hug-
myndinni um þingljóð hafnað.
„Auðvitað á menningarmálaráð-
herrann að lesa nýtt, norskt ljóð
úr ræðustól þingsins, en það verð-
ur þá að vera gott ljóð," sagði
Vigdís Finnbogadóttir hins vegar
í samtali við Dagbladet, þegar hún
var stödd í einkaheimsókn í Bergen
fyrir nokkru síðan.
„Hugmyndin er ákaflega snjöll.
Þetta mundi hafa hvetjandi og
uppðrvandi áhrif á Stórþingmenn
og örugglega auka áhuga almenn-
ings á ljóðlist og daglegum störf-
um manna í þinginu. Hver einasti
samkomudagur þingsins væri þá
þrunginn svolítilli spennu. Fólk
mundi spyrja: Hvaða ljóð ætli
verði lesið í dag?“ sagði Vigdís í
viðtalinu.
Forseti Islands segir jafnframt,
að hugmyndin sé svo góð að freist-
andi sé að leggja hana til við
Alþingi íslendinga. „En við íslend-
ingar stelum ekki snjöllum hug-
myndum annarra," segir hún stolt
í bragði, að því er blaðið hermir.
Norsk blöð greindu fyrir nokkru
frá því, að Hrekkjaskáldin hefðu
í vor stolið 5000 bókum frá bóka-
safni í smábænum Notodden.
Skáldin komu sjálf þeirri sögu á
kreik, að tvö íslensk skáld sem
kváðust vera sérlegir sendimenn
Vigdísar Finnbogadóttur, hefðu
farið með bækurnar frá Noregi til
fslands. Aðspurð um þetta efni í
norska blaðinu kvaðst Vigdís hafa
andúð á þjófnaði í hvaða mynd sem
væri.
En menn geta varpað öndinni
léttar. Bækurnar 5000 eru ekki á
fslandi. Þeim var aldrei stolið.
„Þetta vara bara sjónarspil. Við
söknum engra bóka,“ sögðu for-
mælendur bókasafnsins í Notodd-
en, þegar fréttaritari Morgun-
blaðsins hafði samband við safnið
ídag.
Fólkið í Firðinum
— seinna bindi verks
Arna Gunnlaugs-
sonar komið út
SEINNA bindið af bókinni „Fólkið í
Firðinum" er komiö út, en það hefur
að geyma, sem hið fyrra, Ijósmyndir
og æviágrip Hafnfirðinga. Höfundar
texta og mynda er Árni Gunnlaugs-
son.
f síðara bindinu eru birtar
myndir á þriðja hundrað Hafn-
firðinga og samtals eru myndir af
um það bil 460 manns í þeim báð-
um.
Bókin er í stóru broti. Samtals
208 blaðsíður. Prentuð á mynda-
pappír. Nafnaskrá fyrir bæði
bindin fylgir, svo og ljóðið „Hafn-
arfjörður" sem útgefandi, Árni
Gunnlaugsson, segir að sé við hæfi
að enda bókina með. Höfundur er
Guðlaug Pétursdóttir, en eigin-
maður hennar, Friðrik Bjarnason
tónskáld, samdi lag við það i til-
efni af 25 ára afmæli Karlakórsins
Þrasta árið 1937. Hefur það verið
héraðsöngur Hafnfirðingar síðan.
Hönnun og útlit bókarinnar
annaðist Gunnlaugur Baldursson
arkitekt. Ljósmyndagerð annaðist
Árni Stefán Árnason, sonur útgef-
anda, en bókin var prentuð og
bundin í Prentsmiðjunni Odda.
I þakkarorðum útgefanda í lok
bókarinnar kemur m.a. fram að
saknað er ýmissa hafnfirzkra and-
lita úr bókunum, en úr sumu megi
bæta ef um framhald útgáfunnar
verður að ræða.
FÓLKIÐ í FIRÐIIMUM
TEXTI OG MYNDIR: ÁRNI GUNNLAUGSSON
Undirbúningsnefnd að stofnun félags um „garala miðbæinn**. Fremrí röð frá vinstri: Skúli Jóhannesson, Tékk-
kristall, Guðlaugur Bergmann, Karnabæ, Jón Hjaltason, Óðal. Aftari röð frá vinstrí: Bolli Kristinsson, verzlun-
in 17, Guðni Pálsson, arkitekt, Sigurður Steindórsson, Gull og Silfúr, Ásgeir Hannes Eiriksson, frkvstj. og
Pétur Arason Faco. Morgunblaðið/Bjarni
Stofnun félags um „gamla miðbæinna í undirbúningi:
Þetta er stærsti stór-
markaður á íslandi
— segir Guðlaugur
Bergmann
Að undanförnu hafa nokkrír
kaupsýslumenn, sem stunda við-
skipti og hafa aðra starfsemi með
höndum í gamla miðbænum, unnið
að stofnun félags í því skyni m.a.
að bæta þjónustu við fólk, sem
erindi á í miðbæinn og efla hann
á allan hátt, sem aðalmiðbæjar-
kjarna höfuðborgarinnar. Einn af
helztu hvatamönnum að stofnun
þessara samtaka er Guðlaugur
Bergmann, kaupmaður í Karnabæ.
Morgunblaðið leitaði til hans og
spurðist fyrir um tildrög þessarar
félagsstofnunar.
— Gamli miðbærinn er okkur
öllum kær, segir Guðlaugur
Bergmann. Þaðan eiga allir
Reykvíkingar og flestirlands-
menn góðar minningar. í gamla
bænum eru einhverjar elstu
byggingar landsins og sögulegir
staðir á borð við þinghúsið og
dómkirkjuna, Austurvöll, Lækj-
artorg, Torfuna, Arnarhól,
Tjörnina, Skólavörðuholtið
o.s.frv. Þar er og sjálft landnám
Ingólfs. Gamli miðbærinn hefur
því sögulegt og menningarlegt
gildi fyrir alla íslensku þjóðina.
Það yrði því okkur öllum mikið
áhyggjuefni ef það færi að halla
undan fæti fyrir gamla mið-
bænum. Það eru vissulega blikur
á lofti. Borgarlandið þenst út í
allar áttir og nýjar miðstöðvar
rísa fyrir verslun og þjónustu,
skipulagðar sem eitt fyrirtæki
meðan gamli miðbærinn er
skipulagslaus og án forystu.
Við teljum mikla þörf á félagi
um gamla miðbæinn með sterkri
stjórn og dugmiklum fram-
kvæmdastjóra.
— Hvað er að þínum dómi
„gamli miðbærinn"?
— Gamli miðbærinn er eins
og tré. Rætur hans eru Aðal-
stræti, Vesturgata, — stofninn
er Austurstræti, Laugavegur að
Hlemmi og greinarnar eru allar
hliðargötu þar frá, sem hafa upp
á þjónustu og verslun að bjóða.
— Hverjir verða aðilar að
þessuu félagi?
— Allir þeir sem hagsmuna
hafa að gæta, s.s. húseigendur,
eigendur verslana og þjónustu-
fyrirtækja, hið opinbera, bæði
ríki og bær og allir þeir sem
vinna í gamla miðbænum. Þetta
er stærsti stórmarkaður íslands.
— Hvað eigið þið sameiginlegt
sem að þessu standið?
— Gífurlega margt, t.d. opn-
unartími, bílastæðamál, sameig-
inlegar auglýsingar, koma fram
sem einn aðili i samningum,
sameiginleg innkaup á hinum
ýmsu þáttum, uppákomur,
barnagæslu sem þjónustu, sam-
eiginleg kreditkort, miðbæjar-
strætó o.fl. Starfsvettvangurinn
er óendanlegur, en þó teljum við
meginmálið að koma fram sem
ein órofa heild með sterka stjórn
og framkvæmdastjóra.
— Hvert er næsta skrefið?
— Við komum til með að senda
öllum hagsmunaaðilum bréf, þar
sem boðað er til fundar. Við erum
að láta skrá alla hagsmunaaðila
í gamla miðbænum. Það mun
verða tölvukeyrt og raðað niður
í flokka. Það mun verða haft
samband við ákveðið úrtak úr
hinum ýmsu hverfum gamla
miðbæjarins og kannaðar undir-
tektir. Eðlilega eru alltaf ein-
hverjir sem reyna að hagnast á
slíku starfi án þess að kosta
nokkru til, en við höfum gert ráð
fyrir því og þeir aðilar munu
verða auðþekktir, þegar fram
líða stundir. Það verður nefni-
lega ótvíræður hagnaður af því að
vera í þessu félagi.
— Gerið þið ráð fyrir að riki og
borg taki þátt í þessu félagi?
— Engir hafa meiri hagsmuna
að gæta. Borgaryfirvöld hafa lýst
fullum áhuga á að gera hlut
gamla miðbæjarins sem mestan,
einkum þegar horft er til 200 ára
afmælis Reykjavíkurborgar á
næsta ári.
Nýr
ritstjóri
Frjálsrar
verslunar
KJARTAN Stefánsson hefur verið
ráðinn ritstjóri Frjálsrar verslunar
frá og með næstu áramótum. Hann
tekur við af Sighvati Blöndahl, sem
ráðinn hefur verið blaðafulltrúi hjá
Arnarflugi.
Kjartan lauk stúdentsprófi frá
Menntaskólanum á Akureyri árið
1972. Hann hóf störf við blaða-
mennsku á Vísi árið 1977 og starf-
aði þar til ársloka 1979 er hann
var ráðinn ritstjóri Sjávarfrétta.
Frá miðju ári 1981 þar til í des-
ember sama ár var Kjartan að-
stoðarfréttastjóri á Vísi. Frá
Kjartan Stefánsson
þeim tíma hefur hann starfað
sem blaðafulltrúi Verslunarráðs
íslands.
Borgarfjörður eystri:
Fyrsta
síldin
á land
BorgarfirAi eystra, 12. október.
í MORGUN kom fyrsta söltunar-
síldin hingað til Borgarfjarðar. Var
það Gjafar VE 600 sem var með um
150 tunnur og Þórsnes SH 109 með
svipaðan afla.
Áð sögn söltunarstjórans,
ólafs Aðalsteinssonar, er þetta
mjög góð síld. Hér í Borgarfirði
er ein söltunarstöð, sem kaupfé-
lagið rekur.
Meðan veður er svona stillt og
löndunarskilyrði góð, vonumst
við til að fá meiri síld á land, því
hún virðist vera talsverð hér úti
fyrir og var veiði víst nokkuð góð
í nótt