Morgunblaðið - 28.09.1986, Blaðsíða 4

4
MORGUNBLAÐIÐ, SUNNUDAGUR 28. SEPTEMBER 1986
Ráðstefnur um Háskóla íslands:
Hvernig er Háskól-
inn í stakk búinn að
sinna hlutverki sínu?
TVÆR RÁÐSTEFNUR verða
haldnar í tengsium við 75 ára
afmælishátíðarhald Háskóla ís-
lands. Það eru Stúdentaráð og
Bandalag haskólamanna sem
standa fyrir þessum ráðstefnum
sem verða haldnar dagana 5. og
11. október í Odda.
Ráðstefna Bandalags Háskóla-
manna verður haldin fyrri daginn
og ber hún yfirskriftina „Háskóli
íslands - Óskabam eða Ösku-
buska?" en ráðstefna Stúdentaráðs
ber yfirskriftina „Háskólinn í nútíð
og framtíð, breyttir kennsluhættir
- betri skóli?“.
Framsögumenn á ráðstefnu
BHM 5. október verða þeir Ingjald-
ur Hannibalsson, forstjóri Álafoss,
Friðrik Pálsson, framkvæmdastjóri
Sölumiðstöðvar hraðfrystihúsanna,
og Þorsteinn Gylfason, dósent.
Fundarstjóri verður Guðlaugur Þor-
valdsson, ríkissáttasemjari.
Á blaðamannafundi, sem BHM
hélt, ræddi Gunnar G. Schram,
formaður BHM, um yfirskrift ráð-
stefnunnar. Hann varpaði fram
nokkrum spumingum varðandi Há-
skólann. Til dæmis þeim hvort hann
væri tímaskekkja og hvort hann
væri f nægjanlegum tengslum við
atvinnulffið í landinu. Sagði hann
að Háskólinn hefði ekki vaxið að
sama marki og nemendafjöldinn.
Hann lagði á það áherslu að nútím-
inn hefði kallað á ný viðhorf sem
kölluðu á nýja tækni. „Við vitum
það að Háskólinn er illa tækjum
búinn og í húsnæðismálum er við
mikinn vanda að etja,“ sagði Gunn-
ar. „Það er því ekki að ástæðulausu
sem spurt er um hvort Háskólinn
geti sinnt sínu hlutverki við þessar
aðstæður."
Að loknum framsöguerindum
verða pallborðsumræður framsögu-
manna og fyrirspumir. Ráðstefn-
urnar verða öllum opnar.
Af mæli Háskóla íslands
Húsnæðis- og bygg-
ingarsaga skólans
í máli og myndum
ÚR HÚSNÆÐIS- og byggingar-
sögu Háskóla íslands heitir bók
sem komin er út í tilefni af 75
ára afmæli Háskólans og er þar
að finna heimildir um hugmynd-
ir, aðdraganda og framkvæmdir
fram yfir 1940 varðandi hús-
næðis- og byggingarsögu skól-
ans. Það er dr. Páll Sigurðsson,
dósent, sem tók saman ritið, en
hann hefur verið allafkastamikill
höfundur bóka á sviði lögfræði.
í bókinni, sem er á fjórða hundr-
að blaðsíðna og greinist í 15 kafla,
fyrir utan bókarauka, er að finna
greinar og teikningar um háskóla-
byggingu á íslandi. í fyrsta kafla
er rakin forsaga og frumhugmyndir
manna um háskólabyggingu. Því
næst er fiallað um teikningu Rögn-
valdar Olafssonar árið 1913 og
hugmyndir um Qársöfnun í
Ameríku. Þá eru raktar nokkrar
hugmyndir sem fylgdu í kjölfarið
og greint frá hugmyndum manna
um háborg íslenskrar menningar á
Skólavörðuholti.
Byggingarsaga Háskólans er
síðan rakin í máli og myndum og
einnig greint frá öðrum byggingar-
framkvæmdum á híiskólalóðinni.
í bókarauka er síðan að finna
íjögur viðtöl sem Páll Sigurðsson
tók við dr. Jón Steffensen, prófess-
or, sem starfaði í bygginganefnd
Háskólans. Dr. Björn Sigfússon,
fyrrverandi háskólabókavörð, en
hann var nemandi við skólann á
árunum 1929-1934. Síðan er rætt
við þá Rögnvald Þorláksson, verk-
fræðing, og Ólaf Tryggvason lækni,
en þeir unnu báðir við háskólabygg-
inguna á ijórða áratugnum.
Hægt verður að nálgast bókina
í Háskóla íslands 12. október, en
þá gengst Háskólinn fyrir „opnu
húsi“ fyrir almenning, sem vill
kynna sér starfsemi hans í tilefni
afmælishaldsins. Bókin verður
síðan fáanleg í bókaverslunum.
„Athugasemdir við gjöld annarra
byggjast oft á vanþekkingu“
-segir Guðmundur Guðbjarnarson, skattrannsóknarstjóri.
„Öll mál þar sem gerðar eru at-
hugasemdir við gjöld eru að
sjálfsögðu könnuð. Ástæður þess
að menn telja sig þurfa að gera
athugasemdir við gjöld annarra
eru hins vegar oft þær að þá
skortir réttar upplýsingar,“
sagði Guðmundur Guðbjarnar-
son, skattrannsóknarstjóri.
Bústaðakirkja:
Tónleikar
Electric
Phoenix
SÖNGHÓPURINN Electric Pho-
enix frá Englandi, heldur tón-
leika í Bústaðakirkju í dag,
sunnudag kl. 20.30. Á efnisskrá
eru Madrigalar eftir William
Brooks, „Aurora" eftir Arne
Nordheim, „Lady Lazarus" eftir
Daryl Runswick (frumflutning-
ur), „For the Time Being“ eftir
Káre Kolberg og „Prayer for the
Great Farnily" eftir Gerald Shap-
iro. Tónleikar þessir eru sérstak-
lega styrktir af British Council.
Á baksíðu Morgunblaðsins í gær
er sagt frá því að bæjarráð Vest-
mannaeyja hafi sent skattstjóran-
um þar lista með nöfnum gjaldenda
sem að áliti bæjarráðsins virðast
bera óeðlilega lág útsvör og að-
stöðugjöld. Var haft eftir skattstjór-
anum að í sumum tilfellum væri
um eðlilegar skýringar að ræða, en
önnur atriði gæti verið erfiðara og
tímafrekara við að eiga. Alltaf væri
einhveijum málum vísað til skatt-
rannsóknarstjóra, en ekki vildi
skattstjórinn segja hvort það ætti
við um einhver þau mál sem tengd-
ust lista bæjarráðsins.
Guðmundur GuðbjömssOn sagði
að það kæmu alltaf öðru hvoru upp
mál þar sem sveitarfélög gerðu at-
hugasemdir við útsvars- og að-
stöðugjaldaskrá og kæmu þeim
athugasemdum til viðkomandi
skattstjóra. Þetta væri þó ekki al-
gengt. „Beiðni um athugun er oft
mjög almenns eðlis og ekki bent á
ákveðin atriði sem eru talin þurfa
athugunar við,“ sagði Guðmundur.
„Þegar gjaldendur gera athuga-
semdir við skatta annarra þá er
yfirleitt um það að ræða að menn
hafa það fremur á tilfinningunni
að eitthvað sé að, fremur en um
það sé nokkur vissa. Það er t.d.
ekki algengt að menn sem hafa
tekið þátt í nótulausum viðskiptum
við fyrirtæki bendi á það. Slíkar
beinar upplýsingar um skattsvik eru
það sem okkur
fremst,“ sagði
stjóri að lokum.
vantar fyrst og
skattrannsóknar-

Fátt fé var í Vogarétt
Réttað í Vogarétt
Vogum:
RÉTTAÐ var I Vogarétt á
Vatnsleysuströnd mánudag 22.
september. Sama dag var rétt-
að í Þórkötlustaða-rétt við
Grindavík.
Fátt fé var í Vogarétt enda
hefur fé fækkað mikið þama á
undan-fömum árum. Talið er að
um þúsund §ár hafi verið dregið
í dilka. Þetta er í fyrsta sinn sem
réttað er á mánudegi í Vogarétt,
en hingað til hefur réttardag allt-
af borið upp á miðvikudag.
Smölun hefur þá farið fram á
þriðjudeginum, en nú var smalað
á sunnudegi.
Líffræðifélag íslands:
Dr. Folk fjallar um eigin
rannsóknir í Alaska
Á VEGUM Líffræðifélags ís-
lands mun Dr. G. Edgar Folk,
prófessor við University of Iowa
í Bandaríkjunum, halda fyrirlest-
ur, sem hann nefnir Biological
clocks and Eskimos in Arctic
Alaska". Fyrirlesturinn verður
haldinn í Odda, hugvisindahúsi
HÍ, þriðjudaginn 30. sept. kl.
20.30 og er öllum opinn. Hann
verður fluttur á ensku.
Dr. G. EMgar Folk lauk Ph.D.
gráðu frá Harvard-háskóla 1947
og hefur verið prófessor í lífeðlis-
fræði við háskólann í Iowa frá árinu
1964. Hann hefur hlotið marghátt-
aðar viðurkenningar fyrir störf sín.
í fyrirlestrinum fjallar prófessor
Folk um rannsóknir þær, sem hann
ásamt konu sinni og stúdentum,
gerði við rannsóknarstofuna í Point
Barrow, Alaska, í samfleytt 17 ár.
Hann mun lýsa rannsóknum á spen-
dýmm þessara norðlægu slóða, en
þó sérstaklega samskiptum vísinda-
mannanna við íbúa stærsta eski-
móaþorpsins í Barrow, Alaska.
Með notkun senditækis voru
ýmsir lífeðlisfræðilegir þættir
mældir hjá 12 tegundum spendýra
og tveimur fuglategundum. Megin-
áhersla var lögð á athuganir á
áhrifum stöðugrar dagsbirtu á sól-
arhrings-lífklukkuna hjá spendýr-
um. Á þessum 17 árum varð
breytinga vart á menningarsam-
félagi eskimóa. Þó er ekki talið að
breytingar verði á þýðingu hval-
veiða og annarra veiða fyrir lífsaf-
komu þessa fólks í framtíðinni.
o
INNLENT
Flutt út 60 tonn af
kældu lambakjöti
ÚTFLUTNINGUR á kjöti af ný;
slátruðu er þegar hafinn. í
vikunni fóru 80 tonn af frosnu
kindakjöti til Færeyja og á föstu-
dag fór fyrsta sendingin af
kældu kjöti til Danmerkur.
Jóhann Steipsson deildarstjóri í
búvörudeild SÍS segir að búið sé
að semja um sölu á 60 tonnum af
kældu kjöti til útlanda í ár, en það
er svipað magn og farið hefur í slát-
urtíðinni undanfarin ár. 25 tonn
fara til Danmerkur, 25 til Hollands
og 10 tonn til Luxemborgar. Kjötið
kemur allt úr sláturhúsinu f Borgar-
nesi. Þar er það kælt og pakkað
niður og síðan flutt með kælibfl á
Keflavíkurflugvöll. Þaðan fer það
flesta daga með áætlunarflugi til
viðkomandi landa, 3—5 tonn í einu,
og kemst þannig í besta ásig-
komulagi til neytenda. „Við stönd-
um ekki í þessu vegna magnsins,
heldur lítum við fyrst og fremst á
þetta sem góða auglýsingu fyrir
lambakjötið okkar," sagði Jóhann.
Hundasýning í dag
HUNDASÝNING verður haldin í
dag á vegum Hundaræktarfélag
íslands. Sýningin verður fyrir
framan Álftamýrarskóla og
verða þar sýndir 70 hundar f sjö
flokkum. Einnig verður í fyrsta
sinn dæmt í „baby“ hvolpa flokki,
en það eru 3-6 mánaða gamlir
hvolpar.
Hundasýningin hefst kl. 10:30,
þegar sýndur verður hundur af af
Maltise kyni. Á eftir honum koma
Cocker Spaniel hundar, þá Poodle
hundar, því næst írskir Setter hund-
ar og loks íslenskir Qárhundar.
Tveir síðustu flokkamir eru Labrad-
orRetriever og Golden Retriever
hundar, en eftir að þeir hafa verið
sýndir, um kl. 17, fara fram úrslit.
Dómarinn á sýningunni er danskur
og dæmir hann eftir ræktunar-
markmiði hvers kyns, þ.e. útliti og
byggingu o.þ.h. í lokin verða valdir
fjórir bestu hundamir á sýningunni
og einnig besti hvolpurinn.