Morgunblaðið - 07.04.1988, Blaðsíða 15
MORGUNBLAÐIÐ, FIMMTUDAGUR 7. APRÍL 1988
15
Sýning Ráðhildar Ingadóttur
Myndlist
Valtýr Pétursson
I Nýlistasafninu við Vatnsstíg
stendur nú yfír sýning á verkum
Ráðhildar Ingadóttur, en hún til-
einkar sýningu þessa, látinni móður
sinni, Borghildi Vilmundardóttur.
Tuttugu og tvö verk eru á sýningu
Ráðhildar, öll unnin á pappír með
akrýl- og olíulitum. Öll eru þessi
verk nafnlaus og nokkuð samstillt
bæði hvað form og litameðferð
snertir.
Það er freistandi að flokka þessa
sýningu undir stflheitið mínímal-
isma, því að sparlega er farið með
form og lit. Ég er þó ekki viss um,
að allir yrðu mér sammála í þvi
efni, og læt ég því ógert að stimpla
sýningu Ráðhildar undir nefnt
stflheiti, enda slík flokkun lítils
virði. Verkin sjálf tala sínu máli og
allt er maður þarf að vita felst í
framsetningu og innihaldi. Það er
einkennandi fyrir myndlistarmann-
inn Ráðhildi Ingadóttur, að hún
kemur til dyra eins og henni er
eðlilegast og notar hvorki skraut
né ankannalega uppfyllingu í mynd-
gerð sína. Allt er einfalt og gerir
engar kröfur til að vera annað en
form í myndfleti, umvafíð fáum, en
sterkum litum, og einmitt þetta
atriði er ef til vill það, sem gerir
þessi verk bæði trúverðug og lif-
andi. Hér er farið eins sparlega
með og unnt er, og stundum verður
maður svolítið undrandi yfír, hve
efniviðurinn er naumur.
Það stendur víst til, að Nýlista-
safnið verði að yfírgefa núverandi
húsnæði. Ég er einn þeirra, sem
mundi sakna safnsins á þessum
stað, en vonandi verður húsnæðis-
leysi þó ekki til þess, að starfsemi
safnsins verði lögð niður í þeirri
mynd, sem verið hefur á undanföm-
um árum. Ég hafði ánægju af þess-
um verkum Ráðhildar Ingadóttur.
SISSÚ
Myndlist
Valtýr Pétursson
Ein kjarkmesta listakona okkar
hefur opnað sýningu á málverkum
sínum á Kjarvalsstöðum. Það er
Sigþrúður Pálsdóttir, öðru nafni
Sissú, sem hér er á ferð og þrátt
fyrir þá staðreynd að hún hélt sýn-
ingu á verkum sínum fyrir nokkrum
mánuðum f vinnustofu, sem hún
hafði við Hverfísgötuna, eru hér og
nú §órir tugir málverka til sýnis
og það ekki af minni gerðinni. Það
jaðrar því við að vera óskiljanleg
afköst, er þessi dugmikla listakona
sýnir með núverandi sýningu, þegar
þess er gætt að þar er eingöngu
um ný verk að ræða.
Þetta er önnur sýningin sem ég
sé frá hendi Sissú og það fer hvergi
milli mála, að hér fer hún allt að
því hamförum í málverki sínu. Lit-
imir era hreinir og sterkir og ná
tilætluðum áhrifum í mörgum til-
fellum, og stundum má líta all
snarpa kafla í myndum Sissú, sem
vitna um mikið skap og áræði. Hún
er óhrædd við að nota breiða og
sterka línu, sem styður að forminu
og skapar spennu, sem gerir mörg
verk hennar furðu frísk og fram-
sækin í eðli sínu. Það er kraftur
og þrek í flestum þessara verka,
og öll era þau gerð af mikilli mál-
aragleði. Þama era einnig önnur
verk, sem sitt hvað mætti fínna að,
en heildaráhrif af þessari sýningu
era á þann veg, að það jákvæða
hefur sannarlega yfírhöndina.
Megnið af þessum verkum er unnið
í olíu á striga, og aðeins örfá eru
unnin með blandaðri tækni. Ég
nefni hér aðeins nr. 2, 25, 34 og
36 sem dæmi um þann árangur,
sem er hvað ljósastur. Þetta era
sannkölluð málverk.
Ekki man ég á stundinni hvað
ég skrifaði um sýningu Sissú á
Hverfisgötunni hér á dögunum. En
hvað með það, hér er á ferð miklu
veigameiri sýning í öllu tilliti, og
ég fæ ekki betur séð en að Sissú
hafí stigið stóran síðan fundum
okkar bar seinast saman. Ég er
óhræddur við að mæla með þessari
sýningu og geri það hér með.
HITACHI HUÓMTÆKI
HITACHI FERÐA TÆKI
mshjj
^/•RÖNNING
%/J\v heimilistæki
KRINGLUNNI - SÍMI 91-685868
HELGAFELl
SÍÐUMÚLA 29,
SÍMI6-88-300
Perlur ljóðlístaiiimar eru sígild eign
í haust verða liðin 80 ár frá því skáldið Steinn Steinarr fæddist. Póstur og sími heiðrar
minningu skáldsins með útgáfu nýs frímerkis og okkur hjá Vöku-Helgafelli þykir við hæfi að
minna á að í einni bók er að finna heildarútgáfu á verkum Steins Steinarr,
bæði í lausu máli og bundnu.
Kvæðasafn og greinar Steins Steinarr er gullfalleg fermingargjöf sem heldur gildi sínu um
ókomin ár. í bókaflokknum ÍSLENSK ÖNDVEGISSKÁLD er einnig að finna safnrit annarra
snillinga á borð við Jónas Hallgrímsson, Þorstein Erlingsson, Hannes Hafstein, Stefán frá
Hvítadal, örn Arnarson og marga fleiri. Við minnum einnig á að níu binda ritsafn
þjóðskáldsins Davíðs Stefánssonar frá Fagraskógi er fáaniegt í bókabúðum eða með
. afborgunarkjörum - beint frá forlaginu.
Gefðu sígllda fermingargjöf- verk íslenskra öndvegisskáida.