Morgunblaðið - 14.04.1988, Blaðsíða 14
14
MORGUNBLAÐIÐ, FIMMTUDAGUR 14. APRÍL 1988
Um sóma, saimgímí
og trúnaðartraust
eftir Jón A.
Bjarnason
Kæri herra verðlagsstjóri. Ég
hefi undanfamar tvær vikur verið
önnum kafinn frá morgni til kvölds
við að mynda fermingarböm, for-
eldra þeirra og systkini og þess
vegna ekki mátt vera að að skrifa
yður, en nú á ég páskafrí, heilan
dag. Ég ætla því að nota hluta úr
þessum frídegi mínum til að hripa
nokkrar línur til yðar. Ekki má
minna vera eftir allt það sem þér
hafíð sagt um mig í blöðum, út-
varpi og sjónvarpi.
Éigum við að byija á því sem
snýr að sóma.
Árið 1983 senduð þér fulltrúa
yðar á myndastofu mína til að
kanna verð á myndatökum. Þessi
fulltrúi yðar skráði nákvæmlega
hvað myndatakan kostaði, hvað
væri innifalið í henni og hve lengi
verðið yrði í gildi. Það þarf ekki
að taka það fram að það er við-
skiptavinum nauðsynlegt að vita
hvort það verð sem gefið er upp
þegar prentað er, gildi þegar á stað-
inn er komið. Þetta ár, þ.e. 1983,
stóð fermingartímabilið til 1. maí.
Nú skráði starfsmaður yðar ná-
kvæmlega með eigin hendi að
myndatöku á minni stofu fylgdu
tvær stækkanir, prufumyndir í
stærðinni 18x24 sm og 14 til 18
prufur stækkaðar í stærðinni 9x12
sm og að verðið gilti út allt ferming-
artímabilið, eða til 1. maí.
Nú er ég ekki að spyrja hvers
vegna þér breyttuð þessari skýrslu
fulltrúa yðar, þannig að þér í aug-
lýsingu yðar minnkuðuð mynda-
stærðina um 50% og heldur ekki
er ég að spyija yður hvers vegna
þér breyttuð dagsetningunni um
gildistíma verðsins, þannig að þér
auglýstuð að verðið gilti einungis
til 1. apríl, og gáfuð þar með neyt-
endum í skyn að verðið myndi ekki
gilda út allt fermingartímabilið.
Heldur spyr ég yður, fannst yður
þessi vinnubrögð sæma yður?
Núna í mars 1988 senduð þér
aftur sama fulltrúa yðar í sömu
erindagjörðum. Ég hef séð skýrslu
þá er hann skrifaði með eigin hendi
og skilaði yður. Skýrsla þessi er
mjög samviskusamlega unnin. Þar
skráir umræddur starfsmaður yðar
nákvæmlega eftirfarandi:
Myndatökuverðið er kr. 13.000.
Innifalið í myndatökuverðinu er al-
gjört lágmark 14 til 18 prufur, jafn-
framt því tvær stækkaðar prufu-
myndir í stærðinni 18x24 sm, önnur
þeirra væri afhent í ramma og hin
í gjafamöppu. Einnig að neytandinn
gæti farið með þessar tvær myndir
heim til sín og ef honum fyndist
valið rangt, þá gæti hann skilað
þeim og fengið nýjar sér að kostn-
aðarlausu. Starfsmaður yðar skráði
líka að myndatakan tæki klukku-
stund og hana mætti nota á: ferm-
ingarbamið, fermingarbamið og
systkini þess saman, fermingar-
bamið og foreldra þess saman og
jafnframt á fjölskyldu ef hún væri
ekki stærri en fimm manns, án
aukagjalds. Eins og áður segir, ég
hefí séð þessa samviskusamlega
unnu skýrslu starfsmanns yðar og
ég ítreka eins og áður að ég er
ekki spyija yður hvers vegna þér
fellduð niður allar þessar upplýs-
ingar úr skýrslu hans. Heldur
spyr ég yður, fannst yður þau
vinnubrögð sæma yður?
Eigum við að líta á sanngimi
næst?
piÁ ói lip&t
Teluróu þig til jeppamarma eöa vélsleöamanna?
Ef svariö er já, þá á eftirfarandi erindi til þín.
□ er farartækiö í góöu lagi 7
□ ertu meö nauösynlegustu varahluti 7
□ ertu klár á áttavitann þinn 7
□ kanntu vel á loraninn 7
• -
□ er Gufunes-talstöö meö í feröinni /
□ ertu meö góöan klæönaö 7
□ ertu meö nægan mat 7
□ er sjúkrakassinn meö7
□ ertu meö nóg eldsneyti 7
□ ertu í góöu andlegu og líkamlegu formi
□ ætlaröu aö láta áfengi eiga sig 7
□ ertu meö góö kort af leiöinni 7
Ef svar þitt viö einhverri ofangreindra spurninga
er neitandi þá skaltu athuga betur þinn gang.
flaltu frekar kyrru fyrir ef þú ert ekki öruggur um leiöina
framundan.____________________________________________
Jöklar geta veriö hættulegir og langa reynslu þarf til aö geta
feröast um þá af öryggi.
„ Allir myndasmiðir á
landinu bjóða mismun-
andi þjónustu og magn
í sínum myndatökum,
og þar af leiðandi mis-
munandi verð fyrir sína
þjónustu, og að sjálf-
sögðu eru gæðin mis-
jöfn, en eftir þeim
ræðst aðsóknin, en þér
setjið allt í einn pott.“
Auglýsingar yðar, eftir að skýrsl-
um fulltrúa yðar hafði verið breytt,
og fellt niður úr þeim, gáfu til kynna
að ódýrustu myndatökur á landinu
væru á Ljósmyndastofu í Hafnar-
firði og dýrastar á Ljósmyndastofu
Kópavogs. Þetta var svo tfundað
rækilega í blöðum, útvarpi og sjón-
varpi. Nú er mér nauðsynlegt að
taka það sérstaklega fram, eins og
yður er svo tamt, að ég legg ekk-
ert mat á gæði myndanna, ekkert
mat á það hvað neytandinn er að
kaupa, annað en það að það eru
blöð í stærðinni 9x12 sm. Gætu
þess vegna verið hvít eða svört —
skiptir ekki máli. Svo ég noti sömu
matsaðferð og þér. Einnig að ég
er ekki að leggja nokkum dóm á
myndir frá viðkomandi ljósmynda-
stofu. Þær hefi ég ekki séð og tek
heldur ekki að mér að dæma slíkt.
Einnig að ég er ekki að gagnrýna
vinnutilhögun ljósmyndarans. Hún
hlýtur að vera hans mál og hans
viðskiptavina, og hann þarf að sjálf-
sögðu að lifa eins og annað fólk.
Heldur er ég að gagnrýna það
að þér hafið haldið því fram að til-
gangur yðar væri að vekja athygli
á verði og þjónustu. Þó leggið þér
að jöfnu:
Ánnars vegar: Þá þjónustu sem
Ljósmyndastofa Kópavogs veitir en
hún er auk þess sem að framan
getur fólgin í því að á hveiju ári
veiti ég sömu þjónustu á 10 þétt-
býlisstöðum á landinu þar sem eng-
in ljósmyndastofa er fyrir. Þetta
vitið þér. Þér vitið einnig að þrátt
fyrir mikinn aukakostnað við þessa
þjónustu, svo sem ferðalög með dýr
tæki, tiyggingar, auglýsingar,
húsaleigu á staðnum og uppihald,
þá er hún seld á sama verði í dreif-
býlinu sem hér á Reylqavíkursvæð-
inu. Þess ber þó sérstaklega að
geta að í sumum þessara bæjarfé-
laga hefír verið litið á þetta sem
mikilsverða þjónustu við íbúana, að
þeim hefír fundist sjálfsagt að láta
í té húsnæði undir hana endur-
gjaldslaust. Þér vitið einnig að Ljós-
myndastofa Kópavogs er rekin í
húsnæði sem ekki er notað til neins
annars, og er opin og veitir þessa
þjónustu allan ársins hring.
Og hins vegar: Ljósmyndastofu
sem rekin er í einkahúsi, húsaleigu-
laust, þar sem ljósmyndarinn er í
fullu starfi annars staðar og vinnur
almennt aðeins við myndatökur á
fermingartímabilinu og fyrir jól,
sem sagt, fleytir ijómann ofan af.
Á umræddri myndastofu fylgja
nær helmingi færri prufur, og tvær
stækkaðar prufur, sem eru helmingi
minni en á ljósmyndastofu Kópa-
vogs.
A umræddri myndastofu tekur
myndatakan aðeins tuttugu mínút-
ur og ef yður skyldi nú detta í hug
að láta mynda systkini eða fjöl-
skyldu með, þá verður að greiða
aukagjald.
Að á umræddri myndastofu verð-
ur heildarvelta á klukkustund í
myndatökum, miðað við það verð
sem þér auglýsið, kr. 15.600 fyrir
utan aukagjöldin á móti 13.000 á
Ljósmyndastofu Kópavogs.
Samt komist þér að þeirri niður-
stöðu að umrædd ljósmyndastofa í
Hafnarfirði veiti ódýrustu þjón-
ustuna á landinu.
Það er svo sjálfsagt að geta þess
að umrædd ljósmyndastofa er eina
þjónustufyrirtækið á landinu sem
býður lægra verð á helgum dögum
en aðra daga. Hvers vegna? Jú, þá
er ljósmyndarinn í fríi í föstu vinn-
unni sinni úti í bæ.
Þér fáið út úr þessari könnun
yðar eins og þér auglýsið hana, að
hér sé um sömu þjónustu að ræða
og að verðið sé lægst á viðkomandi
ljósmyndastofu í Hafnarfirði, en
hæst á Ljósmyndastofu Kópavogs.
Og nú spyr ég yður: Er þetta að
yðar mati sanngjam samanburð-
ur á verði og þjónustu?
Allir myndasmiðir á landinu
bjóða mismunandi þjónustu og
magn í sínum myndatökum, og
þar af leiðandi mismunandi verð
fyrir sína þjónustu, og að sjálf-
sögðu eru gæðin misjöfn, en eft-
ir þeim ræðst aðsóknin, en þér
setjið allt í einn pott.
Eigum við að líta á trúnaðar-
traust næst?
Viðskiptaráðherra birti nýlega
auglýsingu um þetta efni. Hann
byggði sína auglýsingu á upplýs-
ingum yðar, með öðrum orðum
treysti því eins og hann orðaði
það sjálfur.
„Ég treysti því að verðlags-
stofnun hafi gert þarna fram-
bærilega samanburðarathugun."
Ég efa ekki að viðskiptaráðherra
vill hafa það sem réttast og sann-
ast er hveiju sinni, og því spyr ég
yður: Haldið þér ekki að trúnað-
artraust það er viðskiptaráð-
herra og aðrir þegnar þjóðfé-
lagsins hafa borið til yðar, hafi
beðið hnekki við þessi vinnu-
brögð yðar?
Að lokum óska ég yður, sem og
öðrum viðskiptavinum mínum, gleði
og friðar.
F.h. Ljósmyndastofu Kópavogs.
Höfundur er (jósmyndari og eig-
andi Ijósmyndastofu Kópavogs.
Tölvudagar 1 Fé-
lagsmálaskólanum
MENNINGAR- og fræðslusam-
band alþýðu býður félagsmönn-
um aðildarfélaga Alþýðusam-
bandsins að sækja svokallaða
tölvudaga í Olfusborgum 25.
apríl til 4. maí nk. Tölvudagar
eru nýr þáttur í starfi Félags-
málaskólans í Ölfusborgum, en á
undanförnum árum hefur MFA
haldið ýmis sérnámskeið í Ölfus-
borgum auk hins almenna náms
í Félagsmálaskóla alþýðu.
Námskeiðið Tölvudagarnir skipt-
ist í þijá meginþætti, sem hver um
sig stendur í þijá daga. Á fyrsta
hluta námskeiðsins 25.-27. apríl
verður fjallað um einkatölvu, MS
Dos stýrikerfið og heflstu jaðartæki
þess. Ritvinnsla (Orðsnilld) og fjár-
hagsbókhald verða einnig tekin fyr-
ir í þessum hluta námskeiðsins.
í öðrum þætti námskeiðsins
28.—30. aprfl verður á ný rætt um
einkatölvuna, en í framhaldi af því
er umfjöllun um gagnagrunna (D
base III+) og töflureikni (Visicalc).
Síðasti námsþátturinn er svo
helgaður móðurtölvu lífeyrissjóð-
anna á Suðurlandsbraut 30 í
Reykjavik. Námsefni er m.a. upp-
bygging og notkun félagaskrár,
atvinnuleysisbætur, reglur, réttindi
og tölvuvinnsla, prentun og tölvu-
póstur.
Ljóst að að notkun á tölvum fer
vaxandi á skrifstofum verkalýðs-
félaganna og því tímabært að bjóða
upp á námskeið í þessu efni. Kennsl-
an miðast sérstaklega við þarfir
stéttarfélaganna og er ætlað þeim
starfsmönnum, sem nota eða hyggj-
ast nota tölvur á vinnustð sínum
og fyrir þá sem þurfa að taka
ákvarðanir um tölvukaup.
Þátttakendur eiga kost á einum
eða fleiri námsþáttum eftir því sem
hentar þeim best. Þeir dvelja í Ölf-
usborgum meðan á námskeiðinu
stendur, en þar verður komið upp
tölvuveri með fullkomnum búnaðir.
Nánari upplýsingar um tölvu-
daga eru veittar á skrifstofu MFA
í Reykjavík. (Fréttatilkynning)