Morgunblaðið - 14.04.1988, Blaðsíða 21
MORGUNBLAÐIÐ, FTMMTUDAGUR 14. APRÍL 1988
21
sem eru lífæðar borgar og næra
hana. Þræðimir að ofan eru höfn,
umferðaræðar og flugvöllur.
„Þama kom Súlan og beygði yfír
bæinn. Botnía fer í kvöld." Borgar-
skáldið Tómas skynjaði rómantík í
æðaslætti samgangnanna í borgar-
hjartanu þegar hann orti þessar
ljóðlínur. Með nýjum mannvirkjum
í Vatnsmýrinni, hljóðlátari flugvél-
um og breyttum flugvelli, hverfur
hann að mestu frá miðborginni og
verður að þolanlegum granna.
Með því að gera a/v-brautina að
aðalflugbraut minnkar slysahætta,
því að aðflugslínur hennar liggja
yfír sjó í vestur og útivistarsvæði í
Fossvogsdal í austur. Þó þyrfti að
gæta þess, að byggja ekki of mörg
ný mannvirki í Vatnsmýri, svo að
það bitni ekki á lífríkinu fræga,
ssem flugvöllurinn hefur vemdað
hingað til með því að hindra það,
að öli mýrin yrði lögð undir steypu
og malbik! Sem dæmi um nýjar,
hljóðlátar flugvélar má nefna, að
undanfarin ár hefur ný, brezk, fjög-
urra hreyfla þota, sem tekur allt
að nítíu farþega, verið tíður gestur
á Reykjavíkurflugvelii án þess að
það hafi vakið eftirtekt, enda
ónæðið af þessari stóm þotu minna
en af sumum minnstu rellunum! Svo
hljóðlát og nægjusöm á flugbrautir
er þessi vél, sem er af gerðinni BAE
146.
ATR 42 og fleiri vélar, sem Flug-
leiðamenn eiga völ á til endumýjun-
ar senn úreltum flugflota sínum,
hafa þessa kosti til að bera.
Það er að verða keppikefli borga
að eiga flugvöll fýrir skammbraut-
arvélar, sem næst miðborginni. En
kannski verðum við nógu rík síðar
til þess að flytja flugvöllinn út í
skerin á Skerjafírði.
Jæja, Davíð. Margt af því, sem
hér hefur verið nefnt, em verkefni
borgar, ríkis, og snertir jafnvel ná-
grannabyggðir.
En staða borgarinnar í þjóðfélag-
inu er slík, að skipulag hennar og
fýrirkomulag þjónustu hennar við
landsmenn alla em landsmál og
hafín yfír þrönga, staðbundna hags-
muni. Þess vegna er þetta bréf til
þín, sem þeirrar persónu, sem gæti
mestu fengið um þokað.
Þetta verður verkefni langt fram
í tímann, þar sem stórhugur þinn,
framsýni og dugnaður fengju að
njóta sín, en kannski jafnframt
góðir eðliskostir þínir sem snjalls
og lagins stjómmálamanns? Til
dæmis, ef þú minnkaðir Tjamar-
húsið þitt aftur. Bara pínu pons?
Höfundur er fréttamaður hjá sjón-
varpinu.
Stjómarkjör í SINE í fyrsta skiptí um árabil
UM ÞESSAR mundir standa yfir
kosningar til stjórnar SÍNE, Sam-
bands íslenskra námsmanna er-
lendis. EUefu frambjóðendur eru
í kjöri en fullskipaða stjórn skipa
7 manns. Aðeins einu sinni áður
í sögu samtakanna hefur komið
tíl stjómarkjörs. Kjörgögn hafa
nú verið send tíl um það bU 2500
félagsmanna sambandsins og
verða kjörseðlar að hafa verið
póstlagðir fyrir 1. maí. Að sögn
Kristjáns Ara Arasonar formanns
SÍNE er þess vænst að úrsUt Uggi
fyrir um miðjan maí.
í framboði em: Belinda Theriault,
Birgir Þór Runólfsson, Friðrik Ey-
steinsson, Guðrún Kr. Guðfínns-
dóttir, Hólmfríður Garðarsdóttir, Jón
Ólafsson, Jónas Egilsson, Óskar
Borg, Páll Þórhallsson, Sigríður
Guðbrandsdóttir og Sigurður Jó-
hannesson.
Belinda, Birgir, Guðrún, Jónas og
Óskar hafa í sameiningu sent bréf
til félaga, að sögn Jónasar Egilsson-
ar í því skyni að koma sínum sjónar-
miðum á framfæri þar sem stjóm
SÍNE hefði brugðist í kynningu á
frambjóðendum. Formaður SÍNE
hefði ákveðið að fresta útgáfu blaðs
með kynningu á frambjóðendum og
stefnumálum þeirra þegar honum
varð ljóst að þeir 6 frambjóðendur
sem hann hafði fengið til að gefa
kost á sér yrðu ekki sjálfkjömir.
Þess vegna hefðu þau unnið upp
bréf með helstu stefnumálum og
sent til kjósenda. „Það sem við vilj-
um er að gera SÍNE að virkum hags-
munasamtökum námsmanna. Ekki
málpípu stjómmálasamtaka eða
vettvang stjómármanna til að viðra
pólittskar skoðanir sínar eins og oft
hefur borið á. Við viljum koma betra
skipulagi á starfíð," sagði Jónas
Egilsson. Hann sagði að starfsferðir
stjómar SÍNE hefðu ekki skilað við-
unandi árangri í hagsmunamálum
námsmanna, seinagangur hefði ver-
ið á ýmsum störfum, til dæmis störf-
um framfærslunefndar og að náms-
menn hefðu goldið seinagangsins.
Kristján Ari Arason formaður
SÍNE sagði að stjóm félagsins hefði
ekki gert tillögu um ákveðna fram-
bjóðendur heldur væri áratugalöng
hefð fyrir því framboð komi frá ein-
staklingum sem hefðu þekkingu og
reynslu af starfi innan SÍNE. Hann
sagðist hafa heyrt að framboð fímm-
menninganna væri í raun listafram-
boð, skipulagt af Sjálfstæðisflokkn-
um eða SUS. „Ég vil ekki leggja
dóm á þetta fólk en það veldur mér
áhyggjum ef pólitískur flokkur á
borð við Sjálfstæðisflokkinn er að
skipuleggja framboð í SÍNE, eins
og virðist vera raunin," sagði Kristj-
án Ari. Hann sagði að það væri tyll-
iástæða að illa hefði veri staðið að
kynningu frambjóðenda, bréf hefði
verið sent út með kjörgögnum þar
sem allir frambjóðendur hefðu verið
kynntir og verið væri að senda út
blað til félagsmanna með ítarlegri
kynningu frambjóðenda og sætu all-
ir frambjóðendur við sama borð í
þessum efnum.
Áttunda
þing Lands-
sambands
iðnverka-
fólks
ÁTTIJNDA þing Landssambands
iðnverkafólks verður haldið á
Selfossi á föstudaginn og laugar-
dag. Þingið sækja 50-60 fulltrúar
alls staðar að af landinu, en i
landssambandinu eru um 4.500
manns.
Þingið verður sett klukkan 10 á
föstudagsmorguninn á hótel Sel-
fossi. Helstu mál til umræðu verða
kjaramál, atvinnumál, öryggis- og
aðbúnaðarmál og verkmenntunar-
mál. Erlendir gestir munu sækja
þingið og Sigurður Óskarsson, for-
seti Alþýðusambands Suðurlands,
Friðrik Sophusson, iðnaðarráð-
herra, og Ásmundur Stefánsson,
forseti Alþýðusambands íslands,
flytja ávörp.
«.
u fuuu iku!
Við fljúgum alls 17 sinnum í
viku vestur um haf í sumar, til
fimm heillandi áfangastaða:
Baltimore/Washington (3),
Boston (2), Chicago (3),
Orlando (2) og New York (7).
Hvern dreymir ekki um að sjá
Ameríku a.m.k. einu sinni?
Komdu því í verk í sumar.
Frekari upplýsingar veita söluskrifstofur
Flugleiða, umboðsmenn um allt land
og ferðaskrifstofurnar.
LUGLEIÐIR
-fyrirþig-
Söluskrifstofur Flugleiða: Lækjargötu 2,
Hótel Esju og í Kringlunni. Upplýsingasími 25 100.