Morgunblaðið - 03.08.1989, Blaðsíða 41
MORGUNBLAÐIÐ FJMMTUDAGUR 3. ÁGÚST 1989
41
Jónína J. Jóns-
dóttir - Minning
Jónína Jensína Jónsdóttir var
jarðsungin frá Fossvogskapellu 2.
ágúst sl. og fór sú athöfn fram í
kyrrþey, en hún lést í Borgarspítal-
anum 25. júlí á 86. aldursári. Hún
fæddist í Smiðjuvík í Norður-ísa-
fjarðarsýslu 13. nóvember 1903.
Foreldrar hennar voru Jens Jóns-
son bóndi og smiður og Jónína
Hagalínsdóttir og dó hún skömmu
eftir að Jónína fæddist.
Jónína fór sem kornabarn til
móðurbróður síns Jakobs Hag-
alínssonar í Grunnavík og
Sveinsínu konu hans. Þar ólst hún
upp í stórum barnahópi. Faðir
Jónínu var góður smiður og út-
skurður fór honum vel úr hendi.
Alsystkini Jónínu voru þijú. Bróðir
hennar Guðmundur drukknaði
ungur, en systir hennar Guðrún
er vistmaður á Sjúkrahúsi Bolung-
arvíkur. Einnig átti hún nokkur
hálfsystkini. Jónína átti tvær dæt-
ur og dó sú eldri skömmu eftir
fæðingu. Einnig missti Jónína unn-
usta sinn á sjó um líkt leyti. Olst
yngri dóttirin upp hjá Jónínu.
Um tvítugt flyst Jónína til
Reykjavíkur og bjó upphaflega í
Unuhúsi við Garðastræti og var
alla tíð-síðan búsett í Reykjavík.
Fyrst vann hún í mötuneyti Hjálp-
ræðishersins, en var síðan aðallega
í fiskvinnu enda hafði hún vanist
slíkum störfum í uppvextinum. Var
hún hjá Hraðfrystistöðinni í
Reykjavík 30 síðustu starfsárin.
Eftir því var tekið í Hraðfrystistöð-
inni hve snemma hún var á ferð-
inni á morgnana, en það voru áhrif
hins harða skóla sem hún varð að
ganga í gegnum. Við fiskvinnuna
i upphafi kynntist hún því að
mætti fólk of seint til vinnu var
það umsvifalaust látið fara og
vinnuharkan var samkvæmt því.
Hún varð snemma félagi í Verka-
kvennafélaginu Framsókn. Vinna
var stopul og verkakonulaunin lág,
því var lífsbaráttan hörð fyrir ein-
stæða móður, einkum á kreppuár-
unum. Hún þurfti því að hafa aug-
un opin fyrir tekjumöguleikum ef
vinnu var að fá. Tók hún að sér
þvotta fyrir fólk og sá um nratar-
gerð.
Veruleg veraldleg gæði voru
aldrei hlutskipti Jónínu, en þau
virtust heldur ekki skipta hana
verulegu máli. Hún átti ávallt góða
vini þ. á m. vinkonur hennar í
Hraðfrystistöðinni, en flest af því
fólki er nú fallið frá. Jónína var
bæði orðvör og hógvær og gerði
ekki að vana sínum að hallmæla
sínum samferðamönnum. Hún var
fulltrúi hófsamra lífsskoðana og
trúarvitundin var ávallt rík hjá
henni. Var það trúlega höfuðá-
stæða þeirrar festu og rósemi sem
eirikenndu hana. Jónína var ern
og hélt sér vel síðustu árin þar til
sá sjúkdómur heltók hana sem olli
því að hún er ekki lengur á meðal
okkar.
Ég og konan mín, sem er dóttur-
dóttir Jónínu, og sonur okkar von-
um að nýtt líf taki við af þessu
lífi, sem Jónína amma og lan-
gamma virtist aldrei efast um.
Okkur þykir vera svo stutt síðan
liún sat á meðal okkar framan við
,sjónvarpsskjáinn og þótti syni okk-
ar gaman að hve vel hún kannað-
ist við sig þegar sýndar voru mynd-
ir iiðins tíma úr Reykjavík eða
myndir um gamla atvinnuhætti.
Svo miklar breytingar áttu sér stað
á ævi Jónínu.
Við þökkum henni þá hlýju og
fórnfýsi sem hún sýndi okkur.
Gætu þessi vísuorð úr ljóði Guð-
mundar Friðjónssonar um ekkjuna
við ána átt vel við hana.
„Um það sem gaf hin hægri, hin vinstri
vissi ei hót;
þeim vegmóðu og snauðu í dyrum tók hún
mót.
Með gestrisninnar einlægni saðning gaf hún
svöngum
og svalaði hinum þyrstu af næsta litlum
föngum."
Örn Gíslason
habitat
HEIMILISVERSLUN - LAUGAVEGI13 - SÍMI625870
INNGANGURIHÚSGAGNADEILD SMIÐJUSTÍGSMEGIN
POTT-
ÞETTAR
PERUR
AGOÐU
VERÐI
Allar RING bílaperur
bera merkið (f)
sem þýðir að þær
uppfylla ýtrustu
gæðakröfur E.B.E.
Munið að
ökuljósin
eru
öryggistæki.
RING bílaperurnar
fást á bensínstöðvum
Skeljungs