Morgunblaðið - 05.12.1992, Síða 38

38
MORGUNBLAÐIÐ LAUGARDAGUR 5. DESEMBER 1992
t
'•Séð inn eftir kirkjuskipinu í
Glerárkirkju.
Mikið líf í
kirkjunni
FJÖLBREYTT starfsemi fer fram
í húsnæði Glerárkirkju.
Skátastarf í Glerárhverfí fer fram
í kirkjunni, þar starfa nú fjórar sveit-
ir, Gaulverjar, Árbúar, Súlur og Poll-
ar og eru samtals um 130 skátar
starfandi í þessum sveitum. Þeir
hafa til ráðstöfunar fundarsal, fjögur
flokksherbergi, foringjaherbergi og
eldhús.
Leikskólinn Krógaból hefur verið
rekinn á neðri hæð kirkjunnar um
árabil og eru rúmlega 30 börn í leik-
skólanum.
Parkinsonsfélagið á Akureyri var
stofnað í Glerárkirkju árið 1987 og
eru nú um 40 manns í félaginu, en
félagið hefur fundaraðstöðu í kirkj-
unni.
Glerárdeild AA-samtakanna voru
stofnuð við Glerárkirkju árið 1986
og hefur starfsemin farið þar fram
síðan.
Þá má nefna að Áhugahópur um
bijóstagjöf og vöxt og þroska bama
hefur síðan í september staðið fyrir
opnu húsi í Glerárkirkju einu sinni í
viku.
Morgunblaðið/Rúnar Þór
Biskup íslands, herra Ólafur Skúlason mun vígja Glerárkirkju á morgun, sunnudaginn 6. desember, rúmum átta árum eftir að fyrsta
skóflustunga var tekin að kirkjunni.
Glerárkii’kja vígð við há-
tíðlega athöfn á morgxui
Sr. Pálmi Matthfasson, Sr. Pétur Þórarinsson var Sr. Gunnlaugur Garðars-
fyrsti sóknarprestur sóknarprestur í tæp tvö son núverandi sóknar-
Glerárkirkju. ár. prestur.
Starfsfólk
Glerárkirkju
VIÐ Glerárkirkju starfa nokkrir
starfsmenn, þar er um að ræða
sjálfboðaliða, fólk í hlutastarfi eða
í fullu starfi.
Sóknarpresturinn er sr. Gunnlaug-
ur Garðarsson, en hann kom við
Lögmannshlíðarsókn sumarið 1991.
Organisti og kórstjóri er Jóhann
Baldvinsson, en því starfí hefur hann
gegnt frá því haustið 1987. Sverrir
Pálmason er umsjónarmaður Glerár-
kirkju og kirkjuvörður er Orri Torfa-
son.
Tveir meðhjálparar eru við kirkj-
una, Aðalheiður Stefánsdóttir og
Elfa Bryndís Kristjánsdóttir. Þor-
steinn Pétursson er umsjónarmaður
með barnastarfí Glerárkirkju og Hlé-
dís Hálfdánardóttir er aðstoðarmað-
ur við bamastarfið. Leiðtogi í æsku-
lýðsstarfí er Jóhann H. Þorsteinsson
og Sigríður Halldórsdóttir hefur
umsjón með fyrirbænastundum.
GLERÁRKIRKJA verður vígð
við hátíðlega athöfn á morgun,
sunnudaginn 6. desember, átta
og hálfu ári eftir að fyrsta
skóflustunga var tekin að bygg-
mgunni. Biskup Islands herra
Ólafur Skúlason mun víga kirkj-
una, Bolli Gústafsson vígsubisk-
up þjónar fyrir altari auk þess
sem sóknarprestarnir sr. Gunn-
laugur Garðarsson og sr. Birgir
Snæbjömsson prófastur í Eyja-
fjarðarprófastsdæmi aðstoða við
athöfnina. Að vigsluathöfn lok-
inni verður kirkjugestum boðið
til kaffisamsætis.
„Þetta er stór stund, það hefur
verið gaman að fylgjast með bygg-
ingunni frá upphafí og sjá nú fyrir
endann á þessu verki. Það hafa
margir lagt hönd á plóginn og starf-
að við bygginguna, við höfum ekki
nákvæmlega tekið saman hversu
mikið starf sjálfboðaliða er en vitum
að það er mjög mikið, sérstaklega
tóku margir þátt í starfínu þegar
fyrsti áfangi kirkjunnar var vígður
í byijun árs 1987. Það hefur mikil
orka farið í þetta uppbyggingar-
starf á síðustu árum og nú hefur
söfnuðinum verið búin góð starfsað-
staða. Nú má segja að við getum
farið að einbeita okkur að því að
byggja upp safnaðarstarfíð," sagði
Gunnhildur Ásgeirsdóttir formaður
sóknarnefndar. „Það hefur allt
gengið afskaplega vel og í raun er
þetta tímabil, rúmlega átta ár
skammur tími þegar við skoðum
þetta mikla mannvirki. Við höfum
í öllu okkar starfi miðað við að hér
sé verið að reisa varanlega bygg-
ingu sem standa á um ókomin ár
og því hefur verið vandað til verks-
ins á allan hátt, án þess þó að um
íburð sé að ræða.“
Rúmlega 2.000 fm bygging
Svanur Eiríksson arkitekt teikn-
aði Glerárkirkju, en byggingastjóri
frá upphafí hefur verið Eiríkur Stef-
ánsson. Kirkjan er um 2.100 fer-
metrar að stærð á tveimur hæðum,
en kjallari undir kirkjunni er um
1.000 fermetrar og þar fer fram
margvísleg starfsemi. Sæti eru í
kirkjunni fyrir rúmlega 600 manns,
auk þess sem rúmgóðir salir til hlið-
ar nýtast til kennslu og fundahalda.
Heildarkostnaður við kirkju-
bygginguna nemur um 250 milljón-
um króna, en ekki er inni í þeirri
tölu reiknað með hinni miklu sjálf-
boðavinnu sem innt hefur verið af
hendi allt frá því byijað var á bygg-
ingunni. Halldór Jónsson gjaldkeri
sagði að byggingin hefði verið fjár-
mögnuð með þeim hluta sóknar-
gjalda sem ekki fóru í rekstur, en
á meðan á byggingunni stóð var
reynt að halda útgjöldum vegna
rekstrar í lágmarki. Þá hefur fé
verið safnað og einnig hefur gjafafé
borist auk þess sem menn hafa
gefíð vinnu, afslætti vegna efnis-
kaupa og fleira ámóta. Loks hefur
bygging Glerárkirkju verið fjár-
mögnuð með lántökum og nefndi
Halldór að Lífeyrissjóðurinn Sam-
eining hefði reynst vel í þvi efni
auk fleiri aðila.
Margir hafa aðstoðað
við kirkjubygginguna
Glerárkirkja tilheyrir Lögmanns-
hlíðarsókn og var Lögmannshlíðar-
kirkja eina kirkja sóknarinnar til
fjölda ára. Eftir að byggð jókst
utan Glerár þótti mörgum tímabært
að reisa kirkju í hverfínu og var
fyrsta bygginganefndin skipuð í lok
árs 1969, en aðalverkefni hennar
voru að fínna kirkjunni stað og leið-
ir til að íjármagna byggingu henn-
ar. í fyrstu höfðu menn augastað
á svæði á svokölluðum Neðri-Ás,
ofan Glerárskóla, en frá því horfíð
síðar, enda hafði byggðin þanist
mikið út til norðurs og þetta svæði
því langt í frá að vera miðsvæðis í
hverfínu.
í ársbyijun árið 1983 var sótt
um lóð undir kirkjuna á lóð Sjálfs-
bjargar við Bugðusíðu og hún veitt
í maí það ár. Ari síðar eða 31. maí
árið 1984 tók þáverandi biskup ís-
lands, herra Pétur Sigurgeirsson
fyrstu skóflustunguna að Glerár-
kirkju. Fyrst var messað í kirkjunni
í ágúst árið 1985, en fokheld varð
kirkjan á árinu 1987 og var þá
hafist handa við frágang innan
húss og utan með dyggri aðstoð
sjálfboðaliða úr sókninni.
Kirkjuklukkumar voru keyptar
frá Hollandi árið 1989, þær eru
þijár og vega um 1.400 kíló. Þeim
var fyrst hringt 2. september árið
1990. Orgel var keypt árið 1988,
rafeindahljóðfæri með tölvukubbum
sem innihalda hjóðupptökur á píp-
um frá tveimur orgelum í Evrópu.
Fögnuður í huga og hjarta
- segir sr. Gunnlaugur Garðarsson
„ÞAÐ ER mikill fögnuður í huga og hjarta yfir þessari stóru stund,
nú er allt til reiðu fyrir starf og þjónustu við söfnuðinn. J>að skap-
ast margir möguleikar, en réttlæti fyrir kirlgubyggingtim fáum við
hvergi nema þjá Guði sjálfum," sagði sr. Gunnlaugur Garðarsson
sóknarprestur.
um, en hið sama væri uppí á ten-
ingnum í mörgum öðrum sóknum.
„Það myndi breyta miklu og auk-
ast möguleikar ef fjölgað yrði bæði
leikum og lærðum í hópnum," sagði
Gunnlaugur. „Þetta er mikil gleði-
hátíð, ekki bara fyrir íbúa í Glerár-
hverfí, ég trúi því að allir Akur-
eyringar muni samfagna með okkur
og eins þeir sem bera kirkjur lands-
ins fyrir bijósti."
í sókninni búa nálega 6.000
manns og sagði sr. Gunnlaugur að
starfs pjests í svo stórri sókn væri
mikið. í raun væri sóknin komin
upp fyrir þau viðmiðunarmörk sem
ríkisvaldið setti varðandi prestþjón-
ustu í þéttbýli, en samkvæmt þeim
mörkum ættu tveir prestar að vera
starfandi þar. Kvaðst Gunnlaugur
vona að ekki yrði langt í að hægt
yrði að fara eftir þessum viðmiðun-
Þrír prestar starfað
við Glerárkirku
Akureyrarprestakalli var skipt í
tvennt árið 1981, norðan Glerár var
Glerárprestakall og í upphafí
heyrðu Lögmannshlíðarsókn og
Miðgarðasókn í Grímsey undir
prestakallið. Síðla það sama ár var
fyrsti presturinn kjörinn í Glerár-
prestakall, sr. Pálmi Matthíasson,
en það var ekki síst fyrir hans til-
stuðlan að farið var að huga að því
að reisa kirkju í prestakallinu. Sr.
Pálmi gegndi starfí sóknarprests
þar til í apríl árið 1989 er hann var
kallaður til starfa í Bústaðasókn.
Við prestkosningar í júní var sr.
Pétur Þórarinsson, sem var prestur
á Möðruvöllum í Hörgárdal kjörinn,
en tæpum tveimur árum síðar varð
hann að hætta störfum sökum veik-
inda. I apríl á síðasta ári var sr.
Gunnlaugur Garðarsson kjörinn og
er hann starfandi sóknarprestur nú.
)