Morgunblaðið - 31.03.1994, Blaðsíða 22

22
MORGUNBLAÐIÐ FIMMTUDAGUR 31. MARZ 1994
Verð frá:
1.085.000 kr.
VWGOLF
ER ÖRUGGUR
- í FYRSTA SÆTINU
Volkswagen Golf er öruggasti bíllinn í sínum
stærðarflokki! Þetta sannaðist í nýlegu
árekstrarprófi hins virta þýska bílablaðs
„Auto Motor und Sport."
Volkswagen Golf var í fyrsta sæti af þeim tíu
bílum sem prófaðir voru. Við látum öðrum
bílaframleiðendum eftir að auglýsa í hvaða
sæti þeirra bílar lentu.
1. VOLKSWAGEN GOLF
2.
3.
4.
5.
6.
7.
8.
9.
9
Hl
Jnr-'rWiií.rf.,
I árekstarprófi „Auto Motor und Sport" voru tíu bifrei&ategundir iátnar
keyra á 55 km hraSa á steinsteypta fyrirstöSu. Allir árekstrar voru
kvikmyndaðir og nýjustu rannsóknaraðferðum beitt við að mæla
skemmdir á bíi og áverka ökumanns. NiöurstaSan var skýr: Volkswagen
Golf stóðst þ>essa raun betur en allir hinir bílarnir. Averkar ökumanns
voru í algeru lágmarki og öryggisbúrið, þ.e. rými farþega og öku-
manns. nánast ólaskað.
6d
iBMHIglfHl
Volkswagen
Oruggur á alla vegu!
HEKLA
s:ó95500
Haföu samband vi& sölumenn okkar eða umboðsmenn um land allt.
Sannleikur um Þjóð-
arbókhlöðu og aðrar
menningarbyggingar
eftir Ólaf G.
Einarsson
Af sinni venjulegu óskammfeilni
ritar Svavar Gestsson alþingismað-
ur grein í Morgunblaðið síðastliðinn
laugardag, 26. mars, í tilefni af
fyrirhugaðri opnun Þjóðarbókhlöðu
í haust. Af upphafi greinar hans
má ætla að allt sé það honum og
fyrri ríkisstjórn að þakka að svo
geti orðið. Þannig hafi í tíð síðustu
ríkisstjórnar verið ákveðið að taka
alla þá fjármuni sem fást af sérstök-
um eignaskattsauka til Þjóðarbók-
hlöðunnar. Já, miklir menn erum
við, Hrólfur minn. Lítum hins vegar
á staðreyndir.
Það var reyndar Sverrir Her-
mannsson fym'erandi menntamála-
ráðherra, sem átti hugmyndina að
fjármögnun framkvæmda við Þjóð-
arbókhlöðu og var sérstökum eigna-
skattsauka komið á til að unnt
væri að ljúka við bygginguna.
Megnið af skattinum hefur á hinn
bóginn runnið í ríkissjóð á undan-
förnum árum. Alls hafði um það
bil milljarður af honum farið þang-
að, þegar ég tók við sem mennta-
málaráðherra. Við myndun núver-
andi ríkisstjórnar var ákveðið að
ljúka byggingarframkvæmdum við
bókhlöðuna á kjörtímabilinu og
vígja hið nýja safn. Forsenda fyrir
þeirri samþykkt var að hinn sér-
staki eignaskattsauki rynni óskipt-
ur til þessa verkefnis. Svo hefur
að mestu orðið og fyrri ríkisstjórn
hefur þar hvergi komið nærri. Að-
eins lítill hluti hefur farið til að ljúka
öðrum framkvæmdum svo sem við
Bessastaðastofu. (Sjá töflu 1.)
Það er einnig rangt með farið í
grein Svavars að sjálfstæðismenn í
stjórnarandstöðu hafi amast við
þessum sérstaka eignaskatti. Þvert
á móti höfum við viljað að hann
rynni til þess verkefnis sem honum
var upphaflega ætlað. Það gerði
hann ekki í tíð síðustu ríkisstjórnar
og ekki varð vart neins áhuga hjá
þáverandi menntamálaráðherra,
Svavari Gestssyni, til þess að flýta
framkvæmdum við Þjóðarbókhlöðu.
Sjálfstæðismenn hafa vissulega lát-
ið að sér kveða þegar þeir hafa
verið í stjórnarandstöðu vegna
þessa máls og mótmælt því harð-
lega að fjármunum, sem ætlað var
að renna til Þjóðarbókhlöðu, skyldi
eytt í annað. Svavar ætlar þeim
aftur á móti of stóran hlut þegar
hann segir að það hafi ráðið hinum
naumu framlögum til bókhlöðunnar
í hans ráðherratíð.
Fagna áhuga Svavars
„Næstu stórverkefni - áætlun
verði gerð til 10 ára,“ segir Svavar
í grein sinni. Honum til hugarhægð-
ar skal það upplýst að nú þegar
Ólafur G. Einarsson
„Það var reyndar
Sverrir Hermannsson
fyrrverandi mennta-
málaráðherra, sem átti
hugmyndina að fjár-
mögnun framkvæmda
við Þjóðarbókhlöðu og
var sérstökum eigna-
skattsauka komið á til
að unnt væri að ljúka
við bygginguna.“
liggja fyrir drög að áætlun um hve
miklum fjármunum þarf að veija
til þess að ljúka við eða endurbæta
ýmsar menningarbyggingar sem
heyra undir menntamálaráðuneytið.
Raunar liggja fyrir fyrstu áætlanir
um fjárþörf til endurbóta og ný-
bygginga fyrir alla framhaldsskóla
í landinu, svo og háskóla- og vís-
indastofnanir. Forvera mínum virð-
ist ekki hafa dottið í hug að þörf
væri fyrir slíka áætlanagerð á ráð-
herraferli sínum en hún er mikil
nauðsyn. Það er skoðun mín að
áætlanir um skóla- og menningar-
byggingar eigi að leggja fyrir Al-
þingi og fá þær samþykktar, ekki
síður en vega- og hafnaáætlanir,
sem gerðar eru til fjögurra ára í
senn og endurskoðaðar eru á
tveggja ára fresti. Að þessu hef ég
unnið. Eg fagna áhuga þingmanns-
ins nú á þessu mikilvæga málefni.
Verulegt fé veitt til
Þjóðminjasafns
Meðal spurninga sem þingmað-
urinn setur fram er þessi: „Hvenær
á Þjóðminjasafnið að koma inn í
röðina?" Það er ef til vill ekki von
að þingmaðurinn viti að Þjóðminja-
safnið er þegar komið inn í röðina.
Það gerðist á síðasta ári þegar veru-
legir flármunir voru veittir, í fyrsta
sinn í langan tíma, til hins löngu
tímabæra viðhalds á húsinu við
Suðurgötu. Það er einnig gert á
þessu ári og verður gert áfram þar
til húsið verður komið í lag og ný
bygging risin. (Sjá töflu 2.)
Rétt er það hjá þingmanninum
að í ráðuneytinu eru til, frá hans
tíma, áætlanir um viðbyggingar við
húsin. Aftur á móti eru ekki til
teikningar „sem væri unnt að vinna
eftir tafarlaust“. Þessar áætlanir
hafa verið lagðar til hliðar og nýjar
verið unnar og verða þær lagðar
fyrir ríkisstjórn í næsta mánuði.
Núverandi ríkisstjórn mun láta fjár-
magn fylgja sínum áætlunum fram-
vegis sem hingað til. Þar skilur á
milli hennar og hinnar síðustu, svo
sem í mörgu fleiru.
„Þjóðbókavörður silji í há-
skólaráði“ segir Svavar. Háskóla-
ráð hefur ályktað að það geti ekki
fallist á seturétt þjóðbókavarðar í
háskólaráði nema með tilteknum
skilyrðum. Þau skilyrði eru að að-
eins sé heimilt að skipa þjóðbóka-
vörð úr hópi þeirra umsækjenda
sem meirihluti stjórnar bókasafns-
ins hefur mælt með. í frumvarpinu
segir hins vegar að forseti íslands
skipi þjóðbókavörð til sex ára í senn
samkvæmt tillögu menntamálaráð-
herra sem aflar rökstuddrar um-
sagnar stjórnar bókasafnsins. Það
horfir því ekki vel með undirtektir
við þessa tillögu Svavars.
Ástæðulausar áhyggjur af
sérsöfnum
í grein sinni spyr þingmaðurinn
aftur tveggja spurninga sem ég
svaraði honum við fyrstu umræðu
um frumvarpið um Þjóðarbókhlöðu.
Hann hefur áhyggjur af tveimur
sérsöfnum. Annað er handritasafn
Halldórs Laxness. Það er nú varð-
veitt í Landsbókasafni en það var
gefið safninu á sínum tíma. Af
sjálfu leiðir að það flyst í Þjóðarbók-
hlöðu við opnun hennar. Hitt safn-
ið, sem þingmaðurinn spyr um, er
Kvennasögusafnið. Spurningu hans
um það svaraði ég einnig í umræð-
unni á þingi og á þann veg að frá
því væri þegar gengið að Kvenna-
sögusafnið færi í Þjóðarbókhlöðuna.
Menningararfur varðveittur
Það er einlæg von mín og ósk
að alþingismaður, Svavar Gestsson,
átti sig á því eftir lestur þessarar
stuttu greinar, að í ráðherratíð
minni hefur rík áhersla verið lögð
á það í menntamálaráðuneytinu að
varðveita menningararf íslendinga.
Höfundur er
menntnmálaráðherra.