Morgunblaðið - 14.06.1994, Qupperneq 60

MORGUNBLAÐIÐ, KRINGLAN I 103 REYKJAVÍK
SÍMI 691100, SlMBRÉF 691181, PÓSTHÖLF 3040 / AKUREYRI: HAFNARSTRÆTI 85
ÞRIÐJUDAGUR 14. JÚNÍ 1994
VERÐ í LAUSASÖLU 125 KR. MEÐ VSK
MYNDIN sýnir Guðrúnu Ágústsdóttur nýkjörinn forseti borgar-
sljórnar árna Ingibjörgu Sólrúnu Gísladóttur, nýjura borgar-
stjóra, heilla.
Lögbanni á sölu hlutabréfa Stöðvar 2 í Sýn frestað þrisvar í gær
Vék vegna vanhæfis
við fjórðu fyrirtöku
ANNA M. Karlsdóttir, fulltrúi sýslumannsins í Reykjavík, hefur vikið
sæti vegna vanhæfis í lögbannsmáli nýs meirihluta í íslenska útvarpsfélag-
inu vegna þeirrar ákvörðunar meirihluta stjórnar að selja 20% hlut fyrir-
tækisins í sjónvarpsstöðinni Sýn. Mestur hluti hlutabréfanna hefur nú
verið seldur áfram. Kaupandi er Jóhannes Torfason bóndi á Torfalæk II
í A-Húnavatnssýslu.
Nýjum fulltrúa verður falin með-
ferð málsins klukkan 9 í dag og verð-
ur málið þá tekið fyrir hjá sýslu-
mannsembættinu í fjórða skipti á
tæpum sólarhring. Gerðarbeiðendur
hyggjast láta kanna hvort sýslu-
mannsembættið geti verið bótaskylt
vegna tafa á málinu, samkvæmt
upplýsingum Morgunblaðsins.
Upphaflega óskaði Ragnar H.
Hall hrl. eftir lögbanni á sölu hluta-
bréfanna á laugardag og veitti þá
fulltrúi sýslumanns lögmanni gerð-
arþola, Jóhannesi Sigurðssyni hdl.,
frest til dagsins í gær að leggja fram
greinargerð.
Málið var tekið fyrir hjá fulltrúa
sýslumannsins um hádegi í gær en
frestað þá til að leita sátta, sem
gerðarbeiðandi hafnaði við fyrirtöku
klukkan 17. Þá var málinu enn frest-
að til klukkan 21 og gerði Ragnar
H. Hall við þá fyrirtöku kröfu um
að fulltrúi sýslumanns viki sæti í
málinu vegna vanhæfis, sakir skyld-
leika við lögmann gerðarþola, en þau
eru systkinabörn.
Fulltrúinn vék sæti en að sögn
Ragnars H. Hall hafa lögmenn verið
boðaðir til fyrirtöku hjá nýju yfir-
valdi klukkan 9 fyrir hádegi í dag.
■ Spónn úr aski Stöðvar 2/18
t/
Grunnskólanemum sem sækja í framhaldsnám fjölgar
Ný borgar-
stjóm tek-
k urvið
NÝ borgarstjórn tók við völdum í
Reykjavík í gær og Ingibjörg Sólrún
Gísladóttir settist í stól borgar-
stjóra.
Ingibjörg sagði í samtali við
Morgunblaðið að fljótlega sæist
hvaða stefnu nýr meirihluti myndi
taka í borgarmálum, en byijað yrði
á þeim málum sem hæst bar í kosn-
ingabaráttunni.
í ávarpi sínu þakkaði hún það
traust sem borgarbúar og borgar-
stjórn hefði sýnt henni og sagði að
hún gerði sér vel grein fyrir að
þessu trausti fylgdi mikil ábyrgð.
Hún sagði að Reykjavíkurlistinn
hefði orðið til fyrir þrýsting frá
^borgarbúum og það væri henni
mikill styrkur að hafa verið pólitískt
kjörin tií þessa embættis. Hún ósk-
aði eftir góðu samstarfi við borgar-
fulltrúa Sjálfstæðisflokksins og
sagðist myndu gera sitt til að það
tækist.
Þá þakkaði hún Árna Sigfússyni
fráfarandi borgarstjóra fyrir störf
sín í þágu borgarbúa.
■ Fljótlega sést/2
Margir skólar vísa
nýnemum annað
INNRITUN í framhaldsskóla er um það bil að ljúka. Mikil aðsókn er í
flesta skóla, einkum á Stór-Reykjavíkursvæðinu. Flestir skólanna hafa
þurft að vísa fjölmörgum nemendum frá og virðist aðsókn langmest í FB,
MH og MR.
Elín Skarphéðinsdóttir í fram-
haldsskóladeild menntamálaráðu-
neytisins sagði í samtali við Morg-
unblaðið að aðsókn í framhalds-
skóla á landinu væri mjög mikil.
Hún telur að hugsast geti að hlut-
fall þeirra sem fara í framhaldsnám
eftir grunnskólapróf hækki í
85-86%. Hún tekurþó fram að sums
■staðar standi innritun enn yfir og
hins vegar sé nemendum gert að
staðfesta innritun sína 20. júní nk.
Elín segist búast við því að óhjá-
kvæmilegt verði að vísa frá nemum
í mörgum framhaldsskólum á höf-
uðborgarsvæðinu.
Mikil ásókn í FB, MH og MR
í Pjölbrautaskólanum í Breiðholti
sóttu 720 manns um að komast að
en aðeins 380 hafa fengið jákvætt
svar nú þegar. í MH er búið að
fylla allar stofur en skólayfirvöld
taka 220 nýnema inn að þessu sinni.
Steingrímur Þórðarson áfangastjóri
sagði að 220-240 manns hafi verið
vísað frá.
Elías Ólafsson konrektor MR
sagði að stefnt hafi verið að því að
fækka bekkjum um einn frá árinu
áður og taka inn 250 nýnema. Nú
liti aftur á móti út fyrir að skólinn
samþykki 250-270 umsóknir. Elías
viðurkennir að fari svo, stefni í
meiri þrengsli en nokkru sinni fyrr.
Pétur Rasmussen skólameistari
í MS segir að 221 nemandi hafi
verið tekinn inn en 94 hafi verið
vísað frá. I Vlyar 49 einstaklingum
stefnt annað. í Fjölbrautaskólanum
í Ármúla verður um 260 nýnemum
veitt innganga í skólann en þar var
um 90 umsækjendum vísað frá.
Fékk tvo tæp-
lega 20 punda
„ÞETTA VAR alveg meiriháttar
uppákoma. Við lentum í göngu
niður Kistuhyl í Laxá í Aðaldal
um helgina. Þetta voru spón- og
devonfiskar og fóru í loftköstum
um allt. Þegar við náðum loks
einum reyndistþað vera 19,5
punda hængur, tekinn á hefð-
bundinn svartan Tóbí/‘ sagði Ari
Þórðarson. Hann og Árni Steins-
son sjást á myndinni með morg-
unveiðina, en laxarnir reyndust
19,5,14, 19 og 11 pund.
5 þúsund þjóðhátíðarkleinur
UNDIRBÚNINGUR 50 ára afmælis Lýðveldisins íslands er í fullum
gangi. Kvenfélag Kjósarhrepps tók að sér að baka fimm þúsund klein-
ur sem verða á boðstólum á Þingvöllum og hófst baksturinn í gærmorg-
un. í gærkvöldi var búið að baka 2.500 kleinur. Á myndinni eru taldar
frá vinstri Anna Höskuldsdóttir, Hildur Axelsdóttir, Hulda Þorsteins-
dóttir, Dóra Ruf, Unnur Jónsdóttir og Sigurbjörg Ólafsdóttir.
Morgunblaðið/Ragnar Axelsson
Unnið
fyrir 500
millj. á
ísafirði
MIKLAR framkvæmdir standa
yfir á þessu ári og því næsta á
Isafirði og í nágrenni og nemur
áætlaður kostnaður við þessar
framkvæmdir rúmum hálfum
milljarði króna. Dýrustu ein-
stöku framkvæmdaliðir eru
bygging sorpbrennslustöðvar á
vegum bæjarins sem kosta á
um 200 milljónir króna og er
langt komin og klæðning á
Fjórðungssjúkrahús ísafjarðar
sem ríkisvaldið fjármagnar og
kostar tæpar 100 milljónir á
þriggja ára tímabili.
Meðal annarra fjárfrekra
framkvæmda má nefna bygg-
ingu kirkju og safnaðarheimilis
sem kosta á um 60 milljónir
króna, endurbyggingu 16 íbúða
fjölbýlishúss við Hlíðarveg sem
áætlað er að kosti um 50 millj-
ónir króna, vegskála við Óshlíð
fyrir um 50 milljónir, verk-
menntahús við Framhaldsskóla
Vestfjarða sem nýlega var boð-
ið út og áætlað er að kosti um
40 milljónir, átta félagslegar
íbúðir og brú yfir Skutulsfjörð
sem áætlað er að kosti um 20
millj. Einnig er uppbygging
skíðasvæðisins og sumarbú-
staðabyggðar í Tungudal í at-
hugun.
Betri staða á f safirði
Stefán Brynjólfsson, bygg-
ingafulltrúi Isafjarðar, kveðst
ekki kunna neinar sérstakar
skýringar á þessum miklu
framkvæmdum nú, en þó sé
ljóst að atvinnuástandið hafí
verið betra í bæjarfélaginu en
víðast hvar annars staðar á
Vestfjörðum, auk þess sem
taka verði tillit til þess að rúm-
lega helmingur kostnaðar við
framkvæmdir hvíli á ríkisvald-
inu. Bæjarfélagið axli annan
kostnað að mestu, þar á meðal
við sorpbrennslustöðina, en þó
greiði einstaklingar og fyrir-
tæki einnig hluta áætlaðs heild-
arkostnaðar við framkvæmd-
irnar allar.