Morgunblaðið - 26.01.1995, Síða 21

MORGUNBLAÐIÐ
LISTIR
FIMMTUDAGUR 26. JANÚAR 1995 21
Ungir einleikarar
FJÓRIR ungir einleikarar leika með
Sinfóníuhljómsveit íslands á tón-
leikum í Hskólabíói í kvöld. Leikur
þeirra er liður í einleikaraprófi
þeirra frá Tónlistarskólanum í
Reykjavík. Um er að ræða tvo selló-
leikara, flautu- og fiðluleikara.
Verkin sem þau leika eru eftir
Mozart, Schumann, Sjostakovitsj
og Dvorák. Stjórnandi tónleikanna
er Bernharður Wilkinson. Guðrún
Guðlaugsdóttir ræddi við hina
ungu einleikara eftir æfingu þeirra
með Sinfóníuhljómsveitinni fyrir
skömmu.
Flautuleikarinn Stefán Ragnar
Höskuldsson hefur verið nemandi
Bernharðs Wilkingsonar. Stefán
hefur æft verkið sem hann leikur
tónleikum Sinfóníuhljómsveitar ís-
lands í kvöld síðan í sumar, það er
Konsert fyrir flautu og hljómsveit
í G-dúr KV 313 eftir W. A. Mozart.
Stefán er fæddur á Neskaupstað
og þar hóf hann nám í flautuleik.
„Þegar ég var tíu ára gamall og
bjó á Reyðarfirði kynntist ég Bern-
harði Wilkinsyni. Eftir það fór ég
í tíma til hans suður í Reykjavík
einu sinni í mánuði og var u.þ.b.
fjóra daga í hverri ferð,“ segir Stef-
án.
Stefán lærði fyrst á blokkflautu.
„Mér gekk svo vel með blokkflaut-
una að ég ákvað að læra á þver-
flautu. Tæknin við að leika á þessar
tvær flautur er mjög svipuð." Árið
1991 hóf Stefán nám við Tónlistar-
skólann í Reykjavík og stundaði
jafnframt nám við Menntaskólann
í Hamrahlíð. „Það hefur verið dálít-
ið mikið að gera hjá mér þessi ár,
en í vor lýk ég stúdentsprófi auk
einleikaraprófsins frá Tónlistar-
skólanum, sem þessir tónleikar með
SÍ. eru liður í. Menntaskólanám er
nauðsynlegt fyrir félagslegan
þroska og almenna menntun og
víðsýni,“ segir Stefán. Hann hyggst
leggja fyrir sig flautuleik. „Ég fer
til London næsta vetur í framhalds-
nám í flautuleik. Fyrst fer ég í jafn-
vel í einkatíma, ekkert er þó afráð-
ið í því efni, þetta skýrist í sumar,“
sagði hann einnig.
Una Sveinbjarnardóttir leikur
einleik á fiðlu með Sinfónuhljóm-
sveit íslands í Konsert fyrir fiðiu
og hljómsveit nr. 1 op. 77 eftir D.
Sjostakovitsj. Una hóf nám í fiðlu-
leik sjö ára gömul. „EFtgir forskóla
valdi ég fiðluna sem mitt hljóðfæri,
m.a. fyrir áeggjan móður minnar.
Mér finnst fiðlan æðislegt hljóð-
færi,“ segir Una. Fiðlan hennar er
frönsk, smíðuð í Vogesafjöllum.
„Ég keypti hana af Þórhalli Birgis-
sym fiðluleikara og er mög ánægð
með hana. Fólkið í Sinfóníuhljóm-
sveitinni, sem ég var að æfa með,
Mozart tón-
leikar í Bú-
staðakirkju
í TILEFNI af fæðingardegi Moz-
arts heldur kór Bústaðakirkju
ásamt hljómsveit tónleika í Bú-
staðakirkju á morgun föstudag kl.
20.30. Þann verða 239 ár liðin frá
fæðingu Mozarts, en hann fæddist
í Salzburg í Austurríki árið 1756
og léstárið 1791.
Þrjátíu manna kór Bústaðakirkju
ásamt 16 manna hljómsveit flytur
tvö verk eftir Mozart, það fyrra
mun hann hafa samið 13 ára gam-
all, Dominicus messu i C-dúr. Síð-
asta verkið, sem Mozart samdi 17
ára, er Exultate jubilate. Einsöngv-
ari í þvi er Guðrún Jónsdóttir, en
hún á einmitt afmæli sama dag og
tónskáldið.
Aðrir einsöngvarar verða Elín
Huld Árnadóttir, Ingunn Ósk
Sturludóttir, Guðlaugur Viktorsson
og Þórður Ólafur Búason. Konsert-
meistari er Laufey Sigurðardóttir
og stjómandi Guðni Guðmundsson.
Miðasala fer fram í kirkjunni.
var líka mjög ánægt með „sándið"
í henni. Við erum orðnar mjög nán-
ar, ég og fiðlan mín.“
Una hefur undanfarin ár stundað
nám við Menntaskólann í Reykja-
vík, auk þess að vera við nám í
Tónlistarskólanum í Reykjavík. „í
vetur hef ég við untanskóla í sjötta
bekk í M.R. og tek stúdentspróf í
vor. Ég er skorpumanneskja í námi,
einkum bóknámi. Ég hef enga
tröllatrú á að fólk eigi að æfa sig
allataf 6-8 tíma á dag. Ég vinni
ekki þannig sjálf og myndi senni-
lega ekki vera í þessu ef ég þyrfti
þess.“
Hvað segir Una um verið sem
hún leikur með Sinfóníuhljómsveit
íslands í kvöld?
„Þetta verk er bara ég,“ segir
hún og brosir. „Ég kynntist þessum
konsert þegar ég var tólf ára göm-
ul. Pabbi fór til útlanda og kom
aftur með disk með þessum kon-
sert. Æ síðan hefur mig langað til
að spila hann og nú er sá draumur
að rætast.“ Að loknum prófum í
vor stefnir Una á nám í Þýska-
landi. „Ég er þó ekki búin að negla
alveg niður hvar ég verð,“ segir
hún. „Hugsanlega þó í Köln. Eg
ætla að reyna að komast í góðan
tónlistarháskóla. Ég er einmitt
núna á námskeiði í þýsku og veitir
ekki af. Ástæðan til að ég valdi
Þýskaland er að þar er „standard-
inn“ hár og þar er kennd rússnesk
tækni í fiðluleik sem ég er hrifin
af og vil læra. Þetta verður mjög
spennandi," segir Una Sveinbjarn-
ardóttir.
Ungur Garðbæingur, Sigurgeir
Agnarsson er einleikari með Sinf-
óníuhljómsveit íslands í kvöld í verki
R.Schumann, Konsert fyrir selló og
hljómsveit í a-moll op.129. Sigurgeir
hóf sellónám ellefu ára gamall. „Mig
hafði þá um tíma langað til að læra
á selló, en svo kom bakslag í þá
fyrirætlan þegar ég var á tónleikum
og það „duttu niður“ strengir á selló-
inu. Mér leist ekkert á að slíkt gæti
gerst, en við nánari íhugun ákvað
ég eigi að síður að læra á selló,“
segir Sigurgeir. Gunnar Kvaran hef-
ur kennt Sigurgeiri frá upphafi.
„Fyrst var ég í Tónlistarskólanum í
Garðabæ, en flutti mig svo niður í
Tónlistarskólann í Reykjavík." Sig-
urgeir kvaðst ekki vera neitt sér-
staklega taugaóstyrkur fyrir þessa
frumraun sína með Sinfóníuhljóm-
sveitinni. „Ég er þó ekki alveg róleg-
ur,“ sagði hann. „Maður fær óneit-
anlega dálítið „kikk“ út úr því að
spila með svo stórri hljómsveit." Sig-
urgeir er nemandi í Menntaskólan-
um í Hamrahlíð og lýkur væntanlega
stúdentspófi í vor, jafnframt einleik-
araprófínu frá Tónlistarskólanum í
Reykjavík. „En það eru hreinar línur
að ég ætla að leggja fyrir mig selló-
leik í framtíðinni," segir hann. „Ég
er að hugsa um að fara til Bandaríkj-
anna til frekara náms, en ekkert er
þó alveg ákveðið í þeim efnum. Það
er mjög lærdómsríkt að leika með
Sinfóníuhljómsveit íslands núna,
þetta er stórt próf, það eru ekki all-
ir sem fá tækifæri til að spila með
svo stórri hljómsveit," sagði Sigur-
geir að lokum.
Síðasta verkið á tónleikum Sinfó-
níuhljómsveitar íslands og Tónlist-
arskólans í Reykjavík í kvöld er
Konsert fyrir selló og hljómsveit í
h-moll op. 104 eftir A. Dvorák.
Einleikari í verkinu er Sigurður
Bjarki Gunnarsson, ungur Reyk-
víkingur. Hann kveðst í samtali við
blaðamann hafa æft þetta verk í
rúmt ár, kennari hans er Gunnar
Kvaran. „Þetta er erfitt verk. Dvor-
ák er almennt viðurkenndur sem
„stór biti“, segir Sigurður. Hann
hefur verið við sellónám í tólf ár
og var í Sinfóníuhljómsveit æskunn-
ar um tíma. „Ég hef aldrei leikið
sem sólisti með svo stórri hljóm-
sveit sem Sinfóníuhljómsveit ís-
lands,“ segir hann. Sigurður kveðst
þó búa að þeirri reynslu sem hann
hefur öðlast með því að koma fram
innan skólans sem einleikari. Hann
lauk stúdentsprófi í vor sem leið
og ætlar að leggja fyrir sig selló-
leik. „Ég er að hugsa um að fara
til Bandaríkjanna til framhalds-
náms, ég sótti um á nokkrum stöð-
um og sé til hvar ég kemst inn,“
segir hann.
GUÐNI Guðmundsson, Guðrún Jónsdóttir, Ingunn Ósk Sturludóttir og Þórður Ólafur Búason.
Söngtón-
leikar á
Hvolsvelli
SÖN GNEMENDUR Tón-
listarskóla Rangæinga halda
tónleika í sal skólans á Hvols-
velli í dag, fímmtudag, og
hefjast þeir kl. 21.
Flutt verður dagskrá með
lögum eftir ýmsa höfunda,
innlenda og erlenda, en einnig
munu nemendurnir syngja
saman nokkur lög. Söngdeild-
in hefur nú starfað á þriðja
ár og eru nemendur átta tals-
ins, þar af eru þrír á 5. stigi,
tveir á 4. stigi, einn á 3. stigi
og tveir á 2. stigi.
Kennari deildarinnar er
óperusöngvarinn og hesta-
maðurinn Jón Sigurbjörnsson,
en auk söngnámsins stunda
nemendur nám í tónfræði,
tónheyrn, tónlistarsögu,
pianóleik og samsöng.
Þetta er í fyrsta sinn sem
nemendur þessarar deildar
halda tónleika einir og sér og
er aðgangur ókeypis og öllum
heimiil.
Söngsmiðjan
Weill, Webb-
er, Bernstein,
Gershwin
o g Kern
TÓNLEIKAR verða haldnir í
sal Söngsmiðjunnar í Skip-
holti 25 í dag, fimmtudag,
og hefjast þeir kl. 21. Á tón-
leikunum verður flutt söng-
leikjatónlist frá ýmsum tím-
um.
Gestir Söngsmiðjunnar að
þessu sinni eru Hólmfríður
Benediktsdóttir söngkona,
Karl Olgeirsson píanóleikari,
Jón Rafnsson bassaleikari og
Karl Petersen trommuleikari,
en þau eru öll kennarar við
tónlistarskólann á Akureyri.
Aðgangseyrir er 500 krón-
ur.
Sýningum
Daða að ljúka
MYNDLISTARSÝNINGUM
Daða Guðbjörnssonar í Nor-
ræna húsinu og í Gallerí Fold
lýkur á sunnudag.
í Norræna húsinu sýnir
hann olíumálverk, teikningar,
skúlptúra og tréristur, en í
Gallerí Fold sýnir hann aqua-
rellur og olíumálverk.
Opið er í Norræna húsinu
daglega frá kl. 14-19, en í
Gallerí Fold er opið daglega
frá kl. 10-18, nema sunnu-
daga frá kl. 14-18.
Sýningu Soff-
íu að ljúka
SÝNINGU Soffíu Sæmunds-
dóttur í Sparisjóði Hafnar-
fjarðar-Garðabæ, Garðatorgi
1, lýkur nú um helgina. Af
tví tilefni verður sýningin
opin á milli 14 og 17 laugar-
daginn 28. janúar.
Á sýningunni sem nefnist
„Leysingar og loftkastalar"
eru þrykk unnin á árunum
1994 og 1993. Þetta er þriðja
einkasýning Soffíu, en hún
lauk námi frá MHÍ 1991.