Morgunblaðið - 04.04.1995, Page 2

2 ÞRIÐJUDAGUR 4. APRÍL 1995
MORGUNBLAÐIÐ
FRETTIR
Samkomulag um breytt skipulag orkumála í Borgarfjarðarhéraði
Gjaldskrá lækkar um 15%
og skuldir greiddar upp
SAMKOMULAG hefur náðst milli
ríkisins og sveitarfélaga í Borgar-
firði um aðgerðir í orkumálum
Borgarfjarðarhéraðs. Þess er vænst
að lækka megi gjaldskrá hitaveit-
unnar um 10% um næstu áramót
og um önnur 5% tveimur árum síð-
ar. Auk þess er fallið frá fyrirhug-
aðri 5% hækkun á gjaldskránni.
Þrátt fyrir gjaldskrárlækkunina
á að vera unnt að greiða upp áhvíl-
andi skuldir á 17 árum eða skemmri
tíma. Forsendur lækkunar gjald-
skrárinnar eru hagræðing í rekstri
og minni skuldabyrði fyrirtækis,
sem stofnað verður um aðveituna,
en skuldabyrði HAB sem nú skuld-
ar 2,12 milljarða króna.
Samkomulagið gerir ráð fyrir að
Hitaveitu Akraness og Borgarfjarð-
ar (HAB) verði skipt í þrennt frá
og með næstu áramótum. Um leið
verður undirbúningsfélag Orkubús
Borgarfjarðar lagt niður.
Þrískipt dreifikerfi
Dreifikerfið á Akranesi verður
skilið frá HAB og sameinað öðrum
veitustofnunum bæjarins. Dreifi-
kerfið í Borgarbyggð verður sömu-
leiðis skilið frá HAB og rekstur
þess færður til sveitarfélagsins.
HAB mun halda eftir aðveituæðinni
og dreifikerfi í sveitum héraðsins,
sérstakt eignarhaldsfélag verður
myndað um þær eignir.
Rekstur aðveitunnar verður í
höndum dreifiveitna Akraness og
Borgarbyggðar. Jafnframt þessu
mun Borgarbyggð taka upp viðræð-
ur við Rafmagnsveitur ríkisins um
sölu á Rafveitu Borgarness.
Skuldum aflétt
Sveitarfélögin þijú láta nýju að-
veitunni eftir eignarhluti sína í
Andakílsárvirkjun, sem metnir eru
á 456 milljónir króna. Akranes-
kaupstaður og Borgarbyggð taka á
sig 325 milljónir af skuldum veit-
unnar og ríkissjóður, eða fyrirtæki
hans, eignast hlut í aðveitunni með
180 milljóna króna framlagi.
Þannig mun hið nýja aðveitufélag
einungis skulda um helming af nú-
verandi skuldum HAB, eða 1.059
milljónir króna. Rekstrarforsendur
gera ráð fyrir að aðveitan greiði
2% arð af stofnframlagi eignaraðila
frá og með aldamótum.
Landsæfingu björgunarsveitanna frestað
Ekið eftir staðsetn-
ingartækjum í
glórulausu veðri
„ÞAÐ var algjörlega glórulaust
þegar við fórum á snjóbílnum að
ná í vélsleðamennina og við urðum
að aka eftir staðsetningartækjum.
Vegna veðursins urðum við að
fresta landsæfíngu björgunar-
sveitanna um óákveðinn tíma, en
hana ætluðu um 300 björgunar-
sveitarmenn að sækja,“ sagði Ósk-
ar Jónsson, björgunarsveitarmað-
ur á Hellu og æfingastjóri á lands-
æfíngu Landsbjargar.
Biðu átján tíma eftir hjálp
félaga sinna
Landsbjörg ætlaði að standa
fyrir æfingu í Nýjadal og ná-
grenni frá föstudegi fram á
sunnudag. Um 30 manna hópur
fór í Nýjadal á fímmtudag, til að
undirbúa æfinguna. Veður versn-
aði hins vegar mjög og fór svo
að fímm vélsleðamenn urðu að
grafa sig í fönn og bíða aðstoðar
félaga sinna.
Vélsleðamennirnir voru að und-
irbúa verkefni við Gjáfjöll og
Hágöngur, á leið í Nýjadal, þegar
aftakaveður skall á. Að sögn Ósk-
ars Jónssonar voru mennimir
mjög vel búnir og grófu sig í fönn.
„Við vissum alltaf hvar þeir voru,
því þeir gátu gefið upp nákvæma
staðsetningu. Þeir brugðust hár-
rétt við, en var farið að leiðast
vistin þegar snjóbíll kom til þeirra
eftir 18 tíma í snjóhúsinu.“
Óskar sagði að æfingin hefði
verið afboðuð kl. 18 á föstudags-
kvöld, þegar hún hefði átt að
hefjast. „300 björgunarsveitar-
menn frá 30 sveitum ætluðu að
taka þátt í æfíngunni og það var
unnin mikil undirbúningsvinna.
Nú er óvíst hvenær við höfum
landsæfingu," sagði Óskar.
Morgunblaðið/Ámi Sæberg
Góðar uppskeru-
horfur í ylrækt
Yerð á gúrk-
um lækkar
ÍSLENSKAR gúrkur eru nú orðnar
allsráðandi á markaðnum og af þeim
sökum lækkar skráð heildsöluverð á
þeim í dag úr 420 krónum kílóið í
270 krónur, eða um 35%.
Eitthvað hefur verið um íslenskar
gúrkur á markaðnum í vetur sem
ræktaðar eru við raflýsingu, en hefð-
bundin ræktun er nú sem óðast að
koma á markaðinn, að sögn Kolbeins
Ágústssonar, sölustjóra hjá Sölufé-
lagi garðyrkjumanna.
Kolbeinn sagði í samtali við Morg-
unblaðið að skilyrði til ylræktar
hefðu verið með besta móti í vetur
þar sem saman hefði farið bjartviðri
og hagsfæð veðrátta. Af þessum
sökum er gúrkuuppskeran fyrr á
ferðinni nú en oftast nær áður og
sömu sögu er að segja um tómata
og paprikur, sem væntanlega koma
á markaðinn í einhveiju magni eftir
2-3 vikur.
Lóan er
komin
LÓAN er komin. Hún sást
meðal annars í Grafarvogi og
víðar á Reykjavíkursvæðinu í
iok síðustu viku.
„Þetta er með fyrra fallinu,
yfirleitt eru fyrstu lóurnar að
sjást upp úr mánaðamótum
mars og apríl,“ sagði Ólafur
Einarsson fuglafræðingur.
Það er vetrarríki sem mætir
fyrstu lóunum að þessu sinni.
Þó er ekki alveg haglaust hjá
þeim, því þær sækja í fjörur
ef snjór og frost ríkja enn við
heimkomuna.
Spáð góðu
kosninga-
veðri
BÖRNIN kipruðu augun í sól-
inni þar sem þau sátu í vagni
sínum í miðbænum í gær. Þau
venjast góða veðrinu næstu
daga því spáð er ágætis veðri
fram á helgi. Því ætti veður
ekki að hamla færð á laugar-
dag þegar kosið verður til Al-
þingis. Suðlæg átt verður ríkj-
andi á landinu öllu. Á kjördag
gerir Veðurstofan ráð fyrir
strekkingsvindi, 3-5 stiga hita
og rigningu á suðvestanverðu
landinu. Norðaustanlands
verður skýjað en þurrt og
hægur vindur með hita rétt
yfir frostmarki.
Drukknaði
í Ólafsvík
MAÐURINN sem drukknaði í höfn-
inni í Ólafsvík aðfaranótt sunnudags
hét Halldór Páll Stefánsson.
Halldór var til heimilis á Hásteins-
vegi 13, Vestmannaeyjum. Hann var
fæddur 11. nóvember 1948 og var
ókvæntur og barnlaus.
Stefnir í verkfall á ísaf irði
Slitnaði upp úr viðræðum
UPP ÚR samningaviðræðum milli
verkalýðsfélagsins Baldurs á Ísaíírði
og vinnuveitenda slitnaði í fyrrinótt
eftir um 17 tíma fund. Að sögn
Péturs Sigurðssonar, formanns
Baldurs,' náðist ekki samkomulag
um kauptryggingasamninga. Baldur
hefur boðað verkfall á miðnætti á
morgun og nær það til 350-400
manna.
Pétur sagði að samningar hefðu
tekist um alla þætti samninganna
nema kauptryggingu. Gert væri ráð
fyrir sömu hækkunum og önnur
stéttarfélög hefðu samið um. Pétur
sagði að krafa Baldurs væri að launa-
fólk fengi rétt til kauptryggingar
eftir að hafa starfað hjá sama vinnu-
veitanda í tvo mánuði, en vinnuveit-
endur hefðu boðið 9 mánuði, sem er
það sama og Verkamannasambandið
samdi um í febrúar.

STUTT
Auk Baldurs felldu verkalýðsfé-
lögin á Patreksfírði, Hólmavík og
Súðavík samningana sem Alþýðu-
samband Vestfjarða gerði við vinnu-
veitendur á Vestfjörðum. Verkalýðs-
félagið á Patreksfirði hefur einnig
boðað verkfall og kemur það til
framkvæmda nk. mánudag hafi
samningar ekki tekist. Verkfall hef-
ur ekki verið boðað á Hólmavík og
Súðavík.
Skemmdu
bílaí
„skemmti-
ferð“
ÞRÍR piltar voru handteknir í
fyrrinótt eftir að hafa skemmt
bíla víða um borgina. Þeir
höfðu t.d. gert sér að leik að
velta bílum. Enga skýringu
gátu þeir gefíð á hegðan sinni,
aðra en þá að þeir hefðu verið
í skemmtiferð.
Lögreglunni var tilkynnt um
kl. 2 um nóttina að þrír piltar
væru að hoppa á þaki bifreiðar
á bílasölu í Skeifunni. Þegar
lögreglan kom á staðinn voru
piltamir farnir, en vitni lýsti
þeim og bíl þeirra, svo lögregl-
an hafði uppi á þeim á Skúla-
götu skömmu síðar.
Þegar verið var að yfirheyra
þá á lögreglustöðinni bárust
fregnir af því að bíl hefði verið
velt á Fomhaga fyrr um nótt-
ina. Piltarnir játuðu þann
verknað og eru grunaðir um
að vera valdir að skemmdum á
fleiri bílum, en um kl. 8 í gær-
morgun var tilkynnt að bíll
hefði skemmst mikið, þegar
honum var velt við Ármúla.
Ferðir
Akraborgar
lágu niðri
FERÐIR Akraborgar milli
Akraness og Reykjavíkur lágu
niðri frá kl. 16 á föstudag til
kl. 10 á sunnudagsmorgun
vegna mikils brims.
Ólduhæð við Sandgerði
mældist allt að 12 metrar í stífri
suðvestanátt og lentu skip
meðal annars í vandræðum á
siglingu fyrir Garðsskaga.
Var Akraborgin bundin við
bryggju í Reykjavík á meðan
veðrið gekk yfir eða þar til á
sunnudag. Þá var fyrsta ferð
farin kl. 10 um morguninn og
vom famar níu ferðir þann dag.
Tvö ÚA-skip
fengu á sig
brot
TVÖ skipa Útgerðarfélags Ak-
ureyringa, Árbakur EA og
Hrímbakur EA, fengu á sig
brot í aftakaveðri suður af
Vestmannaeyjum um helgina.
Gunnar Ragnars, fram-
kvæmdastjóri Utgerðarfélags
Akureyringa, sagði að sjór
hefði komist í siglingatæki Ar-
baks, en óverulegar skemmdir
orðið um borð í Hrímbak. Ár-
bakur kom til Akureyrar í gær-
morgun og verður gert við
skemmdir næstu daga.
Flugfreyjudeilan
Málin rædd
hjá sátta-
semjara
RÍKISSÁTTASEMJARI kall-
aði deiluaðila í kjaradeilu flug-
freyja á sinn fund kl. 14 í
gærdag.
Fundurinn stóð enn á tólfta
tímanum í gærkvöldi og þær
litlu fréttir sem af honum var
að hafa voru þær að almennar
umræður væm í gangi, ekkert
tilboð væri á borðinu.