Morgunblaðið - 23.11.1995, Blaðsíða 10

10 FIMMTUDAGUR 23. NÓVEMBER 1995
MORGUNBLAÐIÐ
-
FRETTIR
FORMAÐUR Bílgreinasambandsins, Hallgrhnur Gunnarsson
(t.v.), ávarpar Guðmund Gíslason og afhendir
honum heiðursskjalið.
Guðmundur Gíslason
kjörinn heiðursfélagi
Bílgreinasambandsins
LÝST var kjöri heiðursfélaga
á afmælishátíð Bílgreinasam-
bandsins í Reykjavík sl. laugar-
dag. Var það Guðmundur
Gíslason, stofnandi Bifreiða og
landbúnaðarvéla en hann hef-
ur allt frá árinu 1945 starfað
að bílainnflutningi. Þá var
Björn Omar Jónsson sæmdur
gullmerki sambandsins fyrir
störf sín í þágu þess.
Um 180 fyrirtæki eru í Bíl-
greinasambandinu en'það var
stofnað árið 1970 með samruna
tveggja félaga, Sambands bíla-
verkstæða á Islandi og Félags
bifreiðainnflytjenda. Innan vé-
bánda sambandsins í dag eru
bifreiðainnflytjendur, almenn
verkstæði, málningar- og rétt-
ingaverkstæði, varahlutasalar,
smurstöðvar, ryðvarnastöðvar
og aðrir þjónustuaðilar í bíl-
greininni. Hallgrímur Gunn-
arsson formaður Bílgreina-
sambandsins sagði að af 45
stofnfélögum þess væru í dag
aðeins 17 starfandi enn sem
sýndi að störf í bílgreininni
væru ekki beinlínis auðveld.
Fengu fulltrúar þessara 17 fyr-
irtækja afhenta áletraða viður-
kenningarskildi á þessum
tímamótum.
Skipulag ríkisins
Kynnig á lagn-
ingu vegar y fir
Fljótsheiði
KYNNING stendur yfir hjá Skipu-
lagi ríkisins og á skrifstofu Reyk-
dælahrepps og hjá oddvita Ljósa-
vatnshrepps á lagningu hringvegar
frá Fosshóli við Skjálfandafljót yfir
Fljótsheiði að vegamótunum við
Aðaldalsveg.
Fyrirhugað vegarstæði liggur frá
Fosshóli við Skjálfandafljót yfir
Fljótsheiði að vegamótum við Aðal-
dalsveg við Jaðar. Nýi vegurinn
verður 9,77 km og er liður í bættu
vegarsambandi á Norðurlandi. í
samantekt kemur einnig fram að
vegurinn fær forgang, þar sem nú-
verandi vegur um Fljótsheiði er ein-
ungis sumarvegur, brattur og hættu-
legur vegna blindhæða. Vegurinn
ber auk þess ekki þá umferð sem
um hann fer á sumrin en hann er
hluti af leiðinni á milli Akureyrar
og Mývatnssveitar og ér fjölfarinn
af ferðamönnum.
Stefnt er að því að framkvæmdir
hefjist vorið 1996 og að þeim ljúki
sumarið 1997. Vegurinn liggur um
lönd Fosshóls og Rauðará í Ljósa-
vatnshreppi og lönd Ingjaldsstaða,
Heiðarbrautar, Einarsstaða, Jaðars
og Kvígindisdals í Reykdælahreppi.
Vegarstæðið hefur verið sarríþykkt
af hreppsnefndunum.
Kynningin stendur frá 22. nóv-
ember til 28. desember næstkom-
andi. Athugasemdir skulu vera skrif-
íegar og berast eigi síðar en 28.
desember til Skipulags ríkisins.
Mikil eftirspurn eftir íslenskum frímerkjum úr safni Swansons
Seldust fyrir 22,5 milljónir
HEILDARSALA á íslensku frí-
merkjasafni Rogers A. Swanson,
sem haldið var á laugardag í
Bandaríkjunum, nam um 22,5
milljónum króna að sögn George
G. Birdsall, eiganda Northland
Auctions uppboðsfyrirtækisins
sem bauð safnið upp fyrir ekkju
Swansons.
Birdsall segir að um tvö til þijú
ár hafi tekið að selja allt safn
Swansons og nemi söluverðmæti
þess um 38-45 milljónum króna,
þannig að ljóst sé að íslenski hluti
þess hafi verið verðmætastur.
Tvö skildingabréf
á 3,3 milljónir
Tvö íslensk skildingabréf frá 1874
og 1875, sem voru verðmætustu
uppboðsgripirnir sökum mikils fá-
gætis og góðs ásigkomulags, seld-
ust á 26 þúsund dollara hvort, eða
alls rúmar 3,3 milljónir króna.
Birdsall segir að önnur skild-
ingabréf sem voru á boðstólum
hafi selst fyrir gott verð, flest mun
hærra en matsverð, og telji hann
bréfin á uppboðinu hafa verið
áberandi eftirsóttust. Þar á meðal
seldist bréf frá 1896 með bláu 20
aura frímerki, sem sent var til
Suður-Afríku, á þreföldu mats-
verði. Fjórblokkir hafi hins vegar
selst á lægra verði en menn áttu
von á, t.d. seldist einstaklega sjald-
gæf fjórblokk með grænum fjög-
urra skildinga frímerkjum á helm-
ingi matsverðs, eða um 5.000 doll-
ara.
„í heildina tekið er ég hæst-
ánægður, enda seldust um 99%
þeirra muna sem á uppboðinu voru
og það er samdóma álit okkar að
niðurstaðan sýni mikinn áhuga á
íslenskum frímerkjum með söfn-
unargildi," segir hann.
500 manns buðu
í safnið
„Safn Swansons af íslenskum
frímerkjum er að mínu mati eitt
þriggja eða fjögurra bestu í heim-
inum. Það er ekki það stærsta en
ákaflega gott, þannig að segja
má að söfn af þessu tagi koma
ekki fram á sjónarsviðið nema einu
sinni á 20 ára fresti eða svo. Þetta
var því einstakur viðburður eins
og sést á áhuganum.“
Alls buðu um 500 manns frá
öllum heiminum í frímerkjasafn
Swansons, þar á meðal nokkrir
íslendingar, að sögn Birdsall, en
þeir hrepptu þó ekki verðmætustu
munina.
Hann kveðst telja að þorri
safnsins hafi þó aðeins deilst á
hendur 10-20 kaupenda. Hann
geti þó ekki ljóstrað neinu upp um
kaupanda eða kaupendur skild-
ingabréfanna, þar sem hann sé
bundinn trúnaði gagnvárt við-
skiptavinum fyrirtækisins.
Swanson átti einnig safn fá-
gætra íslandskorta, en Birdsall
kveðst ekki eiga von á að ekkja
hans muni selja þau, að minnsta
kosti ekki í bráð.
Langvarandi óánægja
með Reykjavíkurflugvöll
ÍSLENSKIR atvinnuflugmenn virð-
ast hafa verið óánægðir með ástand
Reykjavíkurflugvallar um árabil og
sagði flugmaður einn, sem Morgun-
blaðið ræddi við, að völlurinn færi
stöðugt versnandi.
Þorgeir Pálsson flugmálastjóri
sagði á þriðjudag að flugmenn
væru farnir að forðast Reykja-
víkurflugvöll og sagði ráðagerðir í
fjárlagafrumvarpi næsta árs um
að skera framkvæmdafé flug-
málaáætlunar niður um 48%. Flug-
ráð hefur ályktað að I óefni stefni
nái tillagan um niðurskurð fram að
ganga.
„Varla hægt að kalla
þetta flugvöll“
Jón Waage, eftirlitsflugstjóri hjá
Flugleiðum, þekkir vel til Reykja-
víkurflugvallar og hélt því fram í
gær að hann væri „einn versti flug-
völlur landsins".
Jón sagði að ástandið hafí versn-
að jafnt og þétt. „Það er ekki hægt
að halda honum við,“ sagði hann.
„Það þyrfti að byggja hann
upp . . . Það er varla hægt að
kalla þetta flugvöll."
Viðmælendur Morgurjblaðsins
fundu flugvellinum það helst til
foráttu að hann væri ósléttur, hol-
óttur og pollóttur.
Gunnar Þorvaldsson, flugmaður
og framkvæmdastjóri íslandsflugs,
kvaðst taka undir gagnrýni á
ástand vallarins og sagði nauðsyn-
legt að leggja fé í viðhald hans.
„Völlurinn er ósléttur og safnast
þá oft á hann vatn og ís,“ sagði
Gunnar. „Þegar flugvellir eru
hannaðir er oft settur vatnshalli,
en því er ekki til að dreifa á vellin-
um. Aðflugstæki og annað slíkt er
í ásættanlegu lagi á Reykjavíkur-
flugvelli. Því er fyrst og fremst
ábótavant sem snýr að flug-
brautunum sjálfum.“
Gunnar sagði að deilt hefði verið
um dreifingu verkefna í flugvalla-
málum. Flugmálastjórn hefði lagt
mikinn þunga á Egilsstaðaflugvöll,
en á móti kæmi að aðrar fram-
kvæmdir hefðu setið á hakanum
og menn sæju ekki fram á breyt-
ingu á því vegna niðurskurðar.
Islandsflug er með 19 sæta vélar
af gerðunum Dornier og Metro og
sagði Gunnar að ástand vallarins
kæmi minna niður á flugfélaginu
)
í
I
I
I
I
I
vegna þess að vélar þess þyrftu
styttri flugbrautir, en til dæmis
vélar Flugleiða. Hann bætti því við
að brautirnar á Reykjavíkurflug-
velli væru reyndar oft hátíð miðað
við ástand lítilla flugvalla, sem Is- I
landsflug flygi til á landsbyggðinni.
Jón Waage þakkaði þeim, sem L
sjá um að þrífa völlinn, gott starf. p
Þeir héldu honum góðum fyrir inn-
anlandsflugið. En erlendir flug-
menn, sem væru óvanir vellinum,
væru hræddir við hann.
„Ég get ekki ímyndað mér hver
gæti gert það,“ sagði Jón þegar
hann var spurður hvort hann vissi
til þess að einhver hefði mælt
ástandi vallarins bót. „Völlurinn er |
kannski ekki kominn á það stig að |
hann sé hættulegur. Þá yrði honutn ^
lokað. En hann er kominn út í ystu ™
myrkur hvað þetta varðar.“ ,
Skipulagsstjóri
ríkisins
Nýr vegur
lagður frá
Jökulsá
á FjöIIum
SKIPULAGSSTJÓRI ríkisins
hefur fallist á fyrirhugaða
lagningu hringvegar, Jökulsá
á Fjöllum — Biskupsháls. Um
er að ræða 13,3 km veg frá
Jökulsá á Fjöllum suður yfir
Biskupsháls. Markmiðið er að
auka umferðaröryggi og
tryggja greiðari samgöngur á
milli Norður- og Austurlands.
í niðurstöðu frumathugun-
ar á mati á umhverfisáhrifum
segir, að tillagan feli í sér
færslu frá núverandi vegar-
stæði um 3 km suðvestur fyr-
ir 4,3 km. Nýi vegurinn mun
leysa af hólmi núverandi veg
sem ber ekki þunga umferð
og er snjóþungur og hættuleg-
ur vegna blindhæða og ein-
breiðra brúa.
Grímsstaðir úr alfaraleið
í niðurstöðum kemur fram
að núverandi hringvegur ligg-
ur um hlaðið á Grímsstöðum
og mætir þar Hólsfjallavegi
til Öxarfjarðar og er það
sumarvegur. Á Grímsstöðum
er bensínsala, verslun, bænda-
gisting og tjaldstæði. Með fyr-
irhuguðum hringvegi verða
Grímsstaðir ekki lengur í al-
faraleið. Vegurinn færist frá
hlaðinu á Grímsstöðum að
Jökulsá og verður heimkeyrsl-
an að bænum 4,4 km. Hóls-
fjallavegur mun áfram liggja
frmahjá Grímsstöðum.
Samkvæmt frummat-
skýrslu er talið að fram-
kvæmdin muni hafa þau áhrif
að draga úr bensínsölu, versl-
un og aðsókn að tjaldstæðum
á Grímsstöðum, en að færsla
vegarins muni ekki hafa áhrif
á aðsókn að bændagistingu,
þar sem flestir panti hana fýr-
irfram. Fram kemur að sveit-
arstjórn Öxarfjarðarhrepps
óskar eftir því að Vegagerðin
kosti og aðstoði við uppbygg-
ingu nýrrar þjónustuaðstöðu
ábúanda á Grímsstöðum. Þá
segir að ákvarðanir um að-
gerðir verði teknar í samráði
við ábúanda jarðarinnar.
Neyðarskýli
Tekið er fram að heim-
keyrslan að Grímsstöðum
verði rudd á opnunardögum
Vegagerðarinnar og að neyð-
arskýli verði komið fyrir við
veginn milli Mývatnssveitar
og Víðidals til að auka öryggi
vegfarenda á vetrum.