Morgunblaðið - 23.11.1995, Blaðsíða 68
SYSTEMAX
Kapaikerfi
fyrir öil kerfi
hússins.
<Q>
NÝHERJI
SKIPHOLTl 37 - SIMI 588 8070
Alllaf skrefi á undan
MORGUNBLAÐIÐ, KRINGLAN 1, 103 REYKJAVÍK, SlMl 569 1100, SÍMBRÉF 569 1181,
PÓSTHÓLF 3040, NETFANG MBL@CENTRUM.IS / AKUREYRI: HAFNARSTRÆTI 85
FIMMTUDAGUR 23. NÓVEMBER 1995
VERÐ í LAUSASÖLU 125 KR. MEÐ VSK
Morgunblaðið/RAX
Tekjur af
ferðafólld
minnka
SAMKVÆMT útreikningum Seðla-
banka íslands drógust tekjur af
ferðaþjónustu saman um 1% á há-
annatímanum, í júlí-september, mið-
að við sama tíma í fyrra. Þróunin
hefur snúist við frá fyrra helmingi
ársins þegar gjaldeyristekjur í grein-
inni jukust um 25% en tekjuaukning-
in fyrstu níu mánuðina nemur 14%.
■ Samdráttur/Bl
----♦ ♦ ♦
Samskip
almennings-
hlutafélag
HLUTHAFAR Samskipa hf. hafa
hug á að leysa til sín hlutafjáreign
Hofs sf. í félaginu að fjárhæð 40
milljónir króna, en bjóða bréfin til
sölu á almennum markaði næsta vor
eftir aðalfund félagsins. Stefnt er
að því að breyta félaginu í almenn-
ingshlutafélag og skrá hlutabréf á
Verðbréfaþingi Islands.
■ Samskipum/B2
Heima
áný
TVÆR ær frá Sæbóli á Ingjalds-
sandi heimtust nýlega, önnur eft-
ir tveggja ára útigang á Fjalla-
skaga sunnan við Barða og hin
skilaði sér ekki í fyrravetur. Á
Sæbóii III búa Guðmundur, Guðni
og Steinunn Ágústsbörn. Guð-
mundur og Guðni segja að sú
hyrnda sé í tveimur reifum eftir
árin tvö og hún sé geysilega
stygg. Sú kollótta skilaði sér með
lambi en hrúturinn hefur drepist.
Ærnar voru að taka fyrstu tugg-
una þegar blaðamenn Iitu við í
fjárhúsunum hjá Guðmundi og
Guðna á Sæbóli. Systkinin eiga
nú þijár kindur úti í Hrafna-
skálarnúpi. Þar eru þær á syllu
sem sprakk úr þannig að þær
komast ekki heim á Ingjaldssand.
Guðmundur segist hafa reynt að
ná þeim í fyrradag en árangurs.
Þær geti farið út eftir núpnum,
í Mosdal í Onundarfirði, en sæki
stöðugt heim eftir Ieiðinni sem
þær komast ekki. Segist hann
ætla að reyna fljótlega aftur.
Ríkisvaldið og ASÍ leggja misjafnt mat á yfirlýsingu ríkissljórnarinnar
ASI telur skorta á efndir
af hálfu ríkisvaldsins
ÁGREININGUR er milli ríkisstjómarinnar og for-
ystumanna ASÍ hvort ríkisstjórnin hafi staðið við
þá yfirlýsingu sem hún gaf í tengslum við undirrit-
un kjarasamninga í febrúar í fyrravetur, en yfirlýs-
ingin var önnur af tveimur forsendum samning-
anna. Davíð Oddsson forsætisráðherra telur að
■staðið hafi verið við yfirlýsinguna í öllum megin-
atriðum, en Benedikt Davíðsson, forseti ASÍ, telur
talsvert vanta upp á að svo sé. í yfirliti sem ASÍ
hefur sent ríkisstjórninni eru talin upp níu atriði,
sem talin eru stangast á við yfirlýsingu ríkisstjórn-
arinnar.
„Við teljum að í öllum meginatriðum hafi yfirlýs-
ingin gengið eftir eins og um var talað. Það kann
að vera að menn túlki sum atriði ekki með sama
hætti. Við vekjum athygli á því að samnings-
tíminn er ekki liðinn og þetta átti allt að ganga
fram á samningstímanum. Mótgjaldið frá Alþýðu-
sambandinu og Vinnuveitendasambandinu gagn-
vart ríkisvaldinu var að samningar giltu í tæp tvö
ár. Við teljum að í öllum meginatriðum höfum við
staðið við okkar og þá teljum við að mótgjaldið
eigi að koma til, þ.e.a.s. að samningar standi út
samningstímann eins og um var rætt og undir-
skrifað," sagði Davíð.
Davíð tók fram að þótt ríkisstjórnin hefði stað-
ið við sinn hluta samningsins þá væri hún tilbúin
til að ræða frekar við ASÍ. Fyrst þyrfti að láta
reyna á hvort viðræður ASÍ og VSÍ í launanefnd-
inni leiddu til samkomulags. „ASÍ á núna í viðræð-
um við VSI þrátt fyrir að samningar eigi að gilda
í eitt ár í viðbót. Við viljum ekki útiloka, fyrir
okkar leyti, að taka þátt í slíkum viðræðum. Við
erum ekki að lofa einu eða neinu, en við erum
heldur ekki að hafna einu eða neinu,“ sagði Davíð.
Formannafundur lands- og svæðasambanda
innan ASÍ kom saman í gær til að ræða stöðuna
í launanefndinni. Á fundinum var lögð fram grein-
argerð frá Þjóðhagsstofnun með samanburði á
kjarasamningum við opinbera starfsmenn og kja-
rasamningum sem gerðir voru á almennum mark-
aði. Að mati stofnunarinnar leiddu kjarasamning-
arnir til þess að laun opinberra starfsmanna hækk-
uðu um 13,2%. Séu samningar við kennara undan-
skildir er hækkunin 10,7%. Félagsmenn ASÍ á
almennum markaði hafi hins vegar fengið 7%
hækkun.
Benedikt Davíðsson sagði þessar tölur sýna að
fjármálaráðherra hefði ekki fylgt þeirri launa-
stefnu sem mótuð var með febrúarsamningunum.
„Þetta felur í sér eindreginn stuðning við kröfu
okkar um að reynt verði að brúa það bil sem er
milli þessara samninga og að reynt verði að færa
þennan mismun inn í launin hjá okkar fólki með
einhveijum hætti."
Staðan í kjaramálunum verður rædd hjá svæða-
samböndum ASÍ næstu daga og síðan verður aft-
ur haldinn formannafundur nk. sunnudag. Bene-
dikt sagði að þá yrði mótuð stefna sem lögð yrði
fyrir sambandsstjórnarfund ASÍ á mánudag.
■ 10,7% til ríkisstarfsmanna/4
Tillaga um tilraunaveiðar erlendra skipa í fiskveiðilögsögunni
Vannýttir stofnar kannaðir
SKORAÐ var á stjómvöld að beita
sér í auknum mæli fyrir því að kann-
aðir verði möguleikar íslenskra fiski-
skipa til veiða á vannýttum tegund-
um innan landhelginnar og í úthafínu
á Fiskiþingi í gær. Auk þess liggur
sú tillaga fyrir að kannaðir verði
möguleikar á að fá erlend skip inn
í íslenska fiskveiðilögsögu til að
rannsaka veiðimöguleika á eftirtöld-
um tegundum: kolmunna, spærlingi,
túnfíski, smokkfíski og laxsíld.
í ályktun þingsins sem samþykkt
var í gær er sérstaklega bent á
þörfina á auknu fé til rannsókna á
þessu sviði og að þess sé gætt að
strangar reglur um endurnýjun á
skipum hamli ekki viðleitni í þessa
átt. Hljómgrunnur virðist vera á
þinginu fyrir þeirri tillögu að fá er-
lend skip til tilraunaveiða, en af-
greiðslu hennar var frestað þar til
í dag, til að þingfulltrúum gæfist
tími til að velta málinu betur fyrir
sér og koma fram með breytingatil-
lögur.
Sérhæfðar veiðar
Það kom fram hjá þingfulltrúum
að þeim þótti tillagan „byltingar-
sinnuð“ og „róttæk" og að einhvern
tíma hefði þurft kjark til að leggja
fram tillögu á borð við þessa. Tillag-
an er rökstudd með því að íslensk
skip hafi reynt af veikum mætti að
veiða þær tegundir sem taldar séu
upp, en það hafi ekki tekist sem
skyldi.
Þar sem veiðunum fylgi umtals-
verður kostnaður og ekki hafi verið
hljómgrunnur hjá stjórnvöldum að
styðja þær telji Fiskiþing rétt að
bjóða hingað erlendum útgerðum
sem hafi sérhæft sig í veiðum á
umræddum fiskistofnum. Þær út-
gerðir myndu bera kostnaðinn af
veiðunum og vera skylt að hafa
vísindamenn frá Hafrannsókna-
stofnuninni um borð, ásamt því að
safna þeim gögnum sem stjórnvöld
færu fram á.
í vari við
Núpsskóla
STEFNI ÍS hafði ekki tekist að
draga Orra IS til hafnar á Isafirði
í gærkvöldi. Stefnir tók Orra í tog
eftir að hann hafði orðið fyrir
vélarbilun á miðunum út af Vest-
fjörðum um hádegi á þriðjudag.
Skipin urðu að leita vars við Núps-
skóla í Dýrafirði um sexleytið í
gærmorgun.
Hörður Guðbjartsson skipstjóri
sagði að logn væri inni á firðinum
en 7 til 8 vindstig fyrir utan í
gær. Hann sagði að ekki þýddi
annað en að sýna þolinmæði. Ólík-
legt væri að hægt yrði að halda
áfram norður fyrr en um nóttina
eða undir morgun í dag. Skipverj-
Morgunblaðið/RAX
ar á Orra (t.h.) höfðu ýmislegt
fyrir stafni á meðan þeir biðu og
tóku m.a. á móti skipveijum á
Stefni sem komu í heimsókn.