Morgunblaðið - 20.09.1996, Síða 21

MORGUNBLAÐIÐ
FÖSTUDAGUR 20. SEPTEMBER 1996 21
ERLEIMT
Talið, að flestir kafbátsmannanna hafi verið felldir
Sátt með Sandinistum og Kontra-liðum
N-Kóreustjórn neitar
að taka við mótmælum
Seoul, Kangnung. Reuter.
ÖRYGGISSVEITIR í Suður-Kóreu
héldu áfram leit að norður-kóreskum
kafbátsmönnum í grennd við landa-
mærin í gær og skýrt var frá því
að sjö hefðu verið felldir. Talið er
að alls hafi verið um 20 manns í
bátnum og var einn handsamaður
en 11 fundust látnir, hafa þeir lík-
lega fyrirfarið sér.
Mennirnir eru vopnaðir og hafa
ógnað íbúum á svæðinu með byss-
um. Voru þrír N-Kóreumannanna
skotnir með vélbyssum er þeir fengu
sér vatn að drekka í læk, að sögn
stjórnvalda.
Óljóst er hvert markmiðið hópsins
hefur verið en hinn handtekni segir
að vélarbilun hafi orðið og bátinn
rekið að landi þar sem hann strand-
aði. Stjórnvöld í Seoul álíta að
njósnarar og flugumenn hafi verið
á ferð og fordæma ráðamenn
grannríkisins, segja að kafbátsmál-
ið sé merki um að norðanmenn séu
enn staðráðnir í að reyna að sam-
eina ríkin tvö með valdi.
Kim Young-sam forseti segir að
um alvarlegustu ögrun af hálfu
norðanmanna frá því á sjöunda ára-
tugnum sé að ræða. „Þetta er ekki
einfaldlega njósnamál. Ég lít á þetta
sem hernaðarögrun," sagði hann í
gær. Fulltrúar kommúnistastjórn-
arinnar í Pyongyang neituðu að
taka við mótmælum sem sendimenn
herliðs Sameinuðu þjóðanna í Suð-
ur-Kóreu, þ. e. Bandaríkjamanna,
reyndu að afhenda þeim.
Kafbáturinn er rúm 300 tonn og
var það leigubílsstjóri sem fyrst tók
eftir strandinu. Fulltrúar flotans
segjast viðurkenna að gagnrýni
vegna málsins sé eðlileg en flotinn
geti ekki fylgst nægilega vel með
öllum skipaferðum. Yfirmenn land-
hersins segja að þeir einbeiti sér að
því að tryggja landamæravarnir og
enn erfiðara sé að fylgjast með allri
strandlengjunni eftir að gaddavír-
svarnir voru víða fjarlægðar vegna
þess að þær ollu íbúunum óþægind-
um.
Öryggisviðbúnaður hefur verið
hertur mjög í Seoul. í maí flúði norð-
ur-kóreskur orrustuflugmaður á
gamalli þotu sinni og var kominn í
grennd við Seoul áður en loftvarnir
tóku eftir honum. Voru nokkrir
embættismenn reknir í kjölfarið.
Aðeins tekur fáeinar mínútur að
fljúga til höfuðborgarinnar frá
landamærunum og langdrægar fall-
byssu norðanmanna draga þangað.
Gamlir fjendur í
kosningabandalagí
Managua. Reuter.
FULLTRUAR Kontra-skæruliða í
Nicaragua og Sandinista, sem
háðu blóðugt stríð á síðasta ára-
tug, gerðu á miðvikudag með sér
samkomulag um samvinnu í kosn-
ingum sem fram fara í landinu í
október. Sandinistinn Daniel Or-
tega, fyrrverandi forseti, kallaði
samkomulagið þjóðarsátt og faðm-
aði nokkra fulltrúa skæruliða-
hreyfingarinnar, sem reyndi í átta
ár að velta stjórn hans úr sessi,
að sér. Ekki voru þó allir liðsmenn
Kontra-hreyfingarinnar sáttir við
samkomulagið.
Borgarastyrjöld Sandinista og
Kontra-skæruliða, sem nutu stuðn-
ings Bandaríkjastjómar, lauk
óvænt árið 1990 er Violetta Cha-
morro sigraði Ortega í forsetakosn-
ingum. í framhaldinu lofaði stjómin
Kontraskæmliðum landsvæði og
fleiru ef þeir hættu baráttu sinni
en ekki var staðið við þau loforð.
Samkomulag Sandinista og
Kontra-hreyfingarinnar felur í sér
að þeir síðamefndu styðja Sandin-
ista í forsetakosningunum sem
fram fara í landinu þann 20. októ-
ber, og vinni þeir sigur, heita
Sandinistar Kontrahreyfingunni
þremur ráðherrastólum.
Ekki er ljóst hvaða áhrif sam-
vinna Kontramanna og Sandinista
hefur en fram að þessu hefur fram-
bjóðandi mið- og hægriflokka,
Arnoldo Aleman, haft örugga for-
ystu á Ortega. Samkvæmt nýjustu
könnunum hefur þessi munur þó
verið að minnka. Alls eru tuttugu
frambjóðendur í forsetakosningun-
um og því verður líklega að ganga
til annarrar umferðar á milli efstu
frambjóðenda.
Reuter
Féll fram af sviði
BOB Dole, forsetaframbjóðandi
repúblikana, datt fram af sviði
á kosningafundi í Chico í Kali-
forníu á miðvikudagskvöld þeg-
ar hann teygði sig yfir handrið
til að taka í hendur kjósenda.
Að sögn iæknis skrámaðist
hann aðeins lítillega og varð
blæðing í auga. Dole gretti sig
þegar hann datt, eins og sést á
myndinni, en var fljótur að rísa
á fætur með aðstoð öryggis-
varða.
Dole, sem var sæmdur tveim-
ur purpurahjörtum eftir heims-
styijöldinna síðari, fór aftur upp
á sviðið og hóf að flytja ræðu
sína. „Eg held að ég verðskuldi
þriðja purpurahjartað eftir að
hafa farið yfir handriðið, en það
má alltaf halda því fram að ég
hafi fallið fyrir Chico,“ sagði
frambjóðandinn.
Þegar blaðamaður spurði
hvort það kæmi sér illa fyrir
hann í kosningabaráttunni að
hafa dottið svaraði Dole: „Eg
stóð upp, ekki satt?“
Belgíska þingið ræðir þátt lögreglu í hneykslismálum
Harðar refsingar ef
upp kemst um mistök
Brussel. Reuter.
FORSÆTISRÁÐHERRA Belgíu,
Jean-Luc Dehane, lýsti því yfir að
kæmi í ljós að lögreglu hefðu orðið
á alvarleg mistök við rannsókn á
máli barnanauðgara og barnaklám-
hring honum tengdum, yrði viðkom-
andi refsað. Þetta kom fram í sér-
stakri umræðu sem efnt var til í
belgíska þinginu um málið, svo og
önnur spillingar- og morðmál sem
upp hafa komið að undanförnu. Var
þing kallað saman til að ræða mál-
ið en þinghald á ekki að hefjast
fyrr en að hálfum mánuði liðnum.
Belgíski dómsmálaráðherrann
skipaði nefnd til að kanna ásakanir
um að mistök hefðu átt sér stað hjá
lögreglunni og skilar hún skýrslu
sinni á næstunni. í belgískum fjöl-
miðlum í gær var fullyrt að í henni
væri lögreglan gagnrýnd harðlega
fyrir starfsaðferðir og skort á sam-
vinnu. Þá er búist við því að þingið
samþykki að komið verði á fót nefnd
sem fari ofan í saumana á rannsókn-
ina á morðinu á stjómmálamannin-
um Andre Cools.
Kröfðust þingmennirnir breyt-
inga á dómskerfínu og hvernig
æðstu yfirmenn þess væru skipaðir.
Þá réðust þeir harkalega gegn spill-
ingu og siðleysi í samfélaginu og
auknu ofbeldisefni í íjölmiðlum.
Belgíska lögreglan hélt í gær
blaðamannafund þar sem hún vís-
aði á bug ásökunum sem fram hafa
komið um vanhæfni hennar við
rannsókn á málum barnaklám-
hringnum og morðinu á Cools, jafn-
vel um aðild lögreglumanna að
þeim.
Lögreglu vantreyst
Tiltrú belgísks almennings á lög-
gjafann hefur minnkað mjög að
undanförnu vegna áðurgreindra
mála og fullyrðinga um að lögregl-
an ekki lagt sig alla fram um rann-
sókn þeirra, auk þess sem glæpa-
menn hafi notið verndar manna
innan lögreglunnar. Við rannsókn
á morðinu á Cools árið 1991 er lög-
regla sögð hafa látið vera að kanna
vísbendingar sem henni bárust,
vegna pólitisks þiýstings, og fullyrt
hefur verið að lögreglumenn hafí
tengst máli Dutroux.
= HÉÐINN =
VERSLUN
SEUAVEGI2 SÍMI 562 4260
Tölvukiörum
Eins og á öllum góðum heimitum stendur nú yfir hausttiltekt
í Tölvukjörum. í tiltektinni fundum við ýmskonar vörur s.s. prentara og
reiknivélar sem við seljum nú með stórfelldum afstætti í dag, föstudag
Litaprentarar frá 5.000 kr. 09 á mor9,,n' la“9ar<la9-
Athugió aó það er opið á
Geislaprentarar frá 9.900 kr.
morgun frá 10-14.
TðLVUKJÖR
Faxafeni 5
108 Reykjavík
Sími 533 2323
Fax 533 2329
tolvukjor@itn.is