Morgunblaðið - 22.04.1997, Blaðsíða 12

12 ÞRIÐJUDAGUR 22. APRÍL 1997
MORGUNBLAÐIÐ
AKUREYRI
Talið hagkvæmt að sameina fjögur sveitarfélög við utanverðan Eyjafjörð
Kosið um
sameiningu í
byrjunjúní
Morgunblaðið/Margrét Þóra
ÞRÖSTUR Sigurðsson hjá Rekstri og ráðgjöf, Gunnar Jónsson
sveitarsljóri í Hrísey og Kristján Ólafsson forseti bæjarstjórnar
Dalvíkur ræðast við á bryggjunni í Hrísey.
SAMEININGARNEFND sveitarfé-
laga í utanverðum Eyjafirði hefur
mælt með því við sveitarstjórnir
Hríseyjar, Dalvíkur, Svarfaðardals
og Arskógsstrandar að kosið verði
um sameiningu þessara flögurra
sveitarfélaga laugardaginn 7. júní
næstkomandi.
íbúafjöldi sameinaðs sveitarfé-
lags yrði 2.342 íbúar miðað við 1.
desember síðastliðinn, en. að mati
sameiningarnefndar hefur samein-
að sveitarfélag umtalsverða getu
umfram hin smærri sveitarfélög til
að mæta auknum þjónustukröfum
og verkefnum til framtíðar. Lítil
sveitarfélög hafi hins vegar lítið
svigrúm til breytinga í rekstri.
Greinargerð sameiningarnefndar
var kynnt í Hrísey í gær.
Kristján Ólafsson forseti bæjar-
stjórnar Dalvíkur gerði grein fyrir
aðdraganda sameiningarinnar, en
ráðgjafafyrirtækið Rekstur og ráð-
gjöf lagði fram úttekt síðasta sum-
ar á sameiningu sveitarfélaga við
utanverðan Eyjafjörð þar sem fram
kom að sameining sé hagkvæm auk
þess sem bæta megi þá þjónustu
sem sveitarfélögin veiti nú. í upp-
hafí voru Ólafsfirðingar og Siglfirð-
ingar einnig inni í myndinni, en
eftir að ljóst varð að ekkert verður
af gerð jarðganga milli bæjanna á
næstu árum duttu Siglfirðingar út
og nú í febrúar lýstu Ölafsfirðingar
yfir að þeir sæju sér ekki fært að
taka þátt í frekari viðræðum um
sameiningu. Sameiningarnefnd
skipuð tveimur fulltrúum hvers
sveitarfélags hefur síðustu vikur
unnið að tillögum um skipan ýmissa
mála í nýju sameinuðu sveitarfélagi
og verða þær kynntar á borgara-
fundum á næstunni, í Hrísey 4.
maf Svarfaðardal og Dalvík 5. maí
og Árskógshreppi 6. maí.
15 milljóna króna sparnaður
Fram kom hjá Þresti Sigurðssyni
hjá Rekstri og ráðgjöf sem kynnti
greinargerð nefndarinnar að samein-
ing sveitarfélaganna flögurra geti
sparað um 15,5 milljónir króna og
að ábatinn verði fyrst og fremst not-
aður til að auka og bæta þjónustu
við íbúana. Sveitarsjóðir þessara
sveitarfélaga standa nokkuð vel mið-
að við landsmeðaltal, .en rekstur
málaflokka í hlutfalli við íbúa var
65-79% og heildarskuldir í hlutfalli
við skatttekjur voru árið 1995
43-258%. Verkefnastaða sveitarfé-
laganna er almennt góð, en það sem
helst vantar er skólahúsnæði og einn-
ig úrbætur í hita- og fráveitumálum.
Níu fulltrúar í sveitarstjórn
Verði sameiningin samþykkt er
gert ráð fyrir að 9 fulltrúar verði
í nýrri sveitarstjórn og 7-9 nefndir
verði starfandi, hver með 5 full-
trúa. Aðalskrifstofa sveitarfélags-
ins yrði á Dalvík, en á Árskógs-
strönd og Hrísey yrðu starfsmenn
í hálfri til einni stöðu. Gert er ráð
fyrir að stjórnskipulag sveitarfé-
lagsins skiptist í fjögur svið, fyár-
mála- og stjórnsýslusvið, félags-
þjónustusvið, fræðslu- og menning-
arsvið og umhverfismálasvið.
Gert er ráð fyrir óbreyttri skipan
grunnskólamála í nýju sveitarfé-
Iagi. Þá er stefnt að því að byggja
upp 2-3 söfn i sameiginlegu sveitar-
félagi með mismunandi áherslum.
Sami kyndikostnaður
Fyrirhugað er að sameina rekstur
vatns- og hitaveitna í eina stofnun
og byggja upp öflugt veitufyrirtæki
sem að mestu getur séð svæðinu
fyrir hitaveituvatni, en áætlað er
að byggja upp hitaveitu á Árskógs-
strönd. I þeim hluta sveitarfélagsins
þar sem ekki verður unnt að veita
heitu vatni, þ.e. í Svarfaðardal, er
gert ráð fyrir að kyndikostnaður
verði jafnaður þannig að kosti jafn-
mikið að kynda sambærileg hús
óháð staðsetningu.
Verði sameiningin samþykkt í
öllum sveitarfélögum tekur ný
sveitarstjórn við í kjölfar almennra
sveitarstjórnarkosninga vorið 1998.
Meirihluti íbúa allra sveitarfélag-
anna verður að samþykkja samein-
ingu til að af henni geti orðið, en
Kristján Ólafsson segir að verði
sameiningin felld í einhveiju sveit-
arfélaganna megi gera ráð fyrir að
kosið verði að nýju í þeim sveitarfé-
lögum sem samþykktu og þau í
kjölfarið sameinuð.
Haldið verður í gömlu staðarheit-
in þrátt fyrir að nýja sveitarfélagið
fá nýtt heiti, en það kemur í hlut
íbúanna að gera tillögur að nýju
nafni samhliða sveitarstjórnarkosn-
ingum.
• •
Olvaður a
stolinni
bifreið
ÖLVAÐUR ökumaður á stolinni
bifreið var handtekinn á Akur-
eyri snemma á sunnudags-
morgun. Bifreiðin hafði verið
tekin óftjálsri hendi í Varmahlíð
í Skagafirði sl. föstudag.
Þá hafði ökumaður lent í
árekstri á henni og hann reynd-
ist ekki hafa réttindi til aksturs
bifreiða. Ökumaðurinn fékk að
gista fangageymslu lögregl-
unnar og var síðan yfirheyrður
um málið hjá rannsóknardeild
lögreglunnar.
Leikfanga-
kynning
LISTAMAÐURINN George
Hollanders heimsækir foreldra
ungra barna á mömmumorgni
í Safnaðarheimili Akureyrar-
kirkju miðvikudaginn 23. apríl
frá kl. 10 til 12.
George er af breskum og
hollenskum uppruna og hefur
búið á íslandi frá árinu 1989.
Hann smíðar leikföng úr tré
fyrir börn.
Opið hús á
morgun
OPIÐ hús verður í húsnæði
Menntasmiðjunnar að Hafnar-
stræti 95, 4. hæð, síðasta vetr-
ardag, miðvikudaginn 23. apríl
kl. 15.00-18.00.
Kynning verður á skólastarf-
inu ásamt sýningu á list- og
handverki nemenda.
innihurðirnar eru komnar
Fallegar...
vandaðar...
auðveldar í uppsetningu
BYGGINGAVORUR
Gerðu þérferð - það borgarsig!
limba
beyki
askur
Símar sölumanna, Lónsbakka: 463 0320 - 463 031 7
Morgunblaðið/Kristján
Sinfóníuhljómsveitin á
kirkjulistaviku
SINFÓNÍUHLJÓMSVEIT íslands
sótti Akureyringa heim um helg-
ina og lék á tónleikum í Akur-
eyrarkirkju ó sunnudag.
Tónleikarnir voru liður í dag-
skrá Kirkjulistaviku sem stend-
ur fram á næstkomandi sunnu-
dag.
Sinfóníuhljómsveitin flutti þijú
frönsk verk ásamt kór Akur-
eyrarkirkju. Einsöngvari var Sig-
Bifhjólaslys á
laugardag
ÖKUMAÐUR bifhjóls er talinn
hafa slasast mikið í umferðar-
óhappi á Akureyri sl. laugar-
dag. Óhappið varð á mótum
Hólabrautar og Gránufélags-
götu og er talið er að ökumað-
urinn hafi misst vald á hjóli
sínu og lent á gangstéttarbrún
og ljósastaur.
Bifhjólið mun síðan hafa
kastast nokkra vegalengd og
hafnað innni í nærliggjandi
húsagarði. Ökumaðurinn var
fluttur á slysadeild FSA með
sjúkrabifreið.
rún Hjálmtýsdóttir og einleikari
á orgel Björn Steinar Sólbergs-
son, organisti og kórstjóri kirkj-
unnar. Stjórnandi var Finninn
Petri Sakari, aðalhljómsveit-
arstjóri Sinfóníuhljómsveitar ís-
lands.
Húsfyllir var í Akureyrarkirkju
og var listafólkinu, sem stóð sig
frábærlega, vel fagnað í lok tón-
leikanna.
Ráðstefna
um byggða-
þróun
ÞRÓUN byggðar á íslandi - þjóðar-
sátt um framtíðarsýn, er yfirskrift
ráðstefnu sem haldin verður á Ak-
ureyri í dag, þriðjudag og á morgun
miðvikudag.
Fjölmörg erindi verða flutt báða
ráðstefnudagana en auk þess mun
Davíð Oddsson forsætisráðhen-a flytja
ávarj) við setninguna. Ráðstefnustjór-
ar eru Einar Nálsson, formaður Ey-
þings, og Guðmundur Malmquist, for-
stjóri Byggðastofnunar.