Morgunblaðið - 22.04.1997, Blaðsíða 28

28 ÞRIÐJUDAGUR 22. APRÍL 1997
LISTIR
MORGUNBLAÐIÐ
Borgfirzkar raddir
TONLIST
Scltjarnarncskirkja
KÓRTÓNLEIKAR
Ýmis kórlög o.fl. Sigurlaug Eðvalds-
dóttir, fiðla; Clive Pollard, píanó;
Samkór Mýramanna undir stjóm
Dagrúnar Hjartardótfur. Laugar-
daginn 19. apríl kl. 16.
HINN SEXTÁN ára gamli Sam-
kór Mýramanna hefur að vitund
undirritaðs ekki dillað hlustum höf-
uðborgarbúa áður nema einu sinni
fyrr í vetur á skemmtikvöldi á Hót-
el íslandi. E.t.v. á kórinn þó eftir
að gerast tíðkomulli, þegar leiðin
undir Hvalfjörð kemst í gagnið.
Kórfélagar, sem nú hyggja á söng-
för suður til Þýzkalands, þurftu
samt ekki að kvarta undan tómlæti
nýliðið laugardagssíðdegi, því Sel-
tjarnarneskirkja var þétt skipuð
áhugasömum tónleikagestum.
Efnisskráin var fjölbreytt og ekki
sliguð af þeirri metnaðarbólgnu
óskhyggju sem stundum kemur
áhugamannakórum til að reisa sér
hurðarás um öxl, heldur við hæfi
söngfélaga og aðgengileg fyrir
flesta áheyrendur. Fyrir hlé mátti
heyra Faðmlög og freyðandi vín
(Winkler), Þetta er yndisleg jörð
(Douglas; einsöngvari Steinunn
Pálsdóttir), Vögguvísu að vetri
(Tove Knutsen), Hamingjudaga
Svantes (Benny Andersen; ein-
söngvari Þorkell Guðbrandsson),
Vikivaka (Valgeir Guðjónsson; ein-
söngvarar Ágúst Sumarliðason og
Þorkell Guðbrandsson), Vorvísu
(Oddgeir Kristjánsson), Gamla vísu
um vorið (Gunnsteinn Ólafsson),
Þú ert aldrei einn á ferð (úr söng-
leiknum Carousel e. R. Rodgers)
og Til eru fræ (úr Sígaunaljóðum
Sarasates), þar sem Sigurlaug Eð-
valdsdóttir lék þokkafullan einleik
með kórnum á fiðlu.
Eftir hlé voru tekin fyrir Veizlu-
kórinn úr Lucia di Lammermoor
(Donizetti), Funiculi, funicula
(Denza; eins. Úlfar Guðbrandsson),
Tonight úr West Side Story e. Bern-
stein, Ástarkveðja Elgars í útsetn-
ingu kórstjórans, Þýtur í skógum
úr Finlandiu e. Sibelius, Lagasyrpa
úr Meyjaskemmu Schuberts í úts.
Þuríðar Pálsdóttur, Næturljóð (Pla-
isir d’Amour) e. séra Martini, og
að lokum tveir óperukórar eftir Jón
Ásgeirsson, Fyrirlátið mér úr
Galdra-Lofti og Lokakór úr Þryms-
kviðu, flest flutt við lipran píanó-
undirleik Clives Pollards.
Þónokkur kraftur var í kórnum,
og athygli vakti, að hann virtist
síður þjakaður af þeirri karlaradda-
þurrð sem háir svo mörgum hér-
lendum samkórum. A.m.k. heyrðist
vel í tenórnum, stöku sinnum jafn-
vel fullvel, enda hressilega i gefið
og á köflum á kostnað hljómgæða.
Mátti annars heyra, að stjórnandan-
um hafði lánazt að ná nokkuð góð-
um kórsamhljómi, og var margt
ágætilega mótað.
Upp úr tiltölulega heildstæðri
söngskrá heyrðist manni fyrir hlé
helzt standa lög eins og Faðmlög
og freyðandi vín, Vikivaki og Þú
ert aldrei einn á ferð, og eftir hlé
Veizlukórinn, Tonight, Þýtur í
skógum (mjög fallega formað af
stjórnandanum), Meyjaskemmu-
lögin og hinn kraftmikli Lokakór
úr Þrymskviðu. Undirtektir tón-
leikagesta voru hlýjar og rausnar-
Iegar.
Ríkarður Ö. Pálsson
LÍFEYRISSJÓÐIIR VERZLUNARMANNA
HEFUR ÞÚ FENGIÐ IÐGJALDAYFIRLITIÐ?
Lífeyrissjóður verzlunarmanna hefur sent sjóðfélögum yfirlit yfir móttekin iðgjöld á tíma-
bilinu 1. september 1996 til 28. febrúar 1997. Ekki er óeðlilegt að greiðslur fyrir mánuðina
desember 1996 til febrúar 1997 vanti á yfirlitið.
Hafir þú ekki fengið yfirlit, en dregið hafi verið af launum þínum í Lífeyrissjóð verzlunar-
manna, eða ef launaseðlum ber ekki saman við yfirlitið, þá vinsamlegast hafið samband við
innheimtudeild sjóðsins hið allra fyrsta og eigi síðar en 1. júní. nk.
Verði vanskil á greiðslum iðgjalda í lífeyrissjóð geta dýrmæt réttindi glatast:
ELLILÍFEYRIR - ÖRORKULÍFEYRIR - MAKALÍFEYRIR - BARNALÍFEYRIR
j _________________________________ _______________________________
j I GÆTTU RÉTTAR ÞÍNS! I
í lögum um ábyrgðarsjóð launa segir meðal annars:
Til þess að iðgjöld launþega njóti ábyrgðar ábyrgðarsjóðs launa vegna gjaldþrota skulu
I launþegar innan 60 daga frá dagsetningu yfirlits ganga úr skugga um skil vinnuveitenda
Itil viðkomandi lífeyrissjóðs. Séu vanskil á iðgjöldum skal launþegi innan sömu tíma-
marka leggja lífeyrissjóði til afrit launaseðla fyrir það tímabil sem er í vanskilum. Komi
athugasemd ekki fram frá launþega er viðkomandi lífeyrissjóður einungis ábyrgur fyrir
réttindum á grundvelli iðgjalda þessara að því marki sem þau fást greidd, enda hafi
iífeyrissjóðnum ekki verið kunnugt um iðgjaldakröfuna.
-------------------------------------------------------------------- :
SKRIFSTOFA SJÓÐSINS ER OPIN FRÁ KL. 9.00 - 17.00.
HÚSI VERSLUNARINNAR, 4. HÆÐ, 103 REYKJAVÍK,
SÍMI 581 4033, FAX 568 5092.
HEIMASÍÐA: HTTP://WWW.SKIMA.IS/LIFVER.

DAÐI Guðbjörnsson við eitt verka sinna.
Lind litanna
MYNPLIST
Listhúsið Fold
VATNSLITIR
Daði Guðbjörnsson. Opið virka daga
frá 10-18. Laugardaga frá 10-17.
Sunnudaga frá 14-17. Til 27. aprfl.
Aðgangur ókeypis.
MÁLARINN Daði Guðbjörnsson
lætur ekki deigan síga um sérstakt
myndmál sitt, sem hann lagði útaf
í árdaga. Er hér óvenju staðfastur
af íslenzkum myndlistarmanni að
vera, þótt mjög færist í vöxt nú um
stundir að þaulkanna eitt afmarkað
myndefni. Ber í flestum tilvikum
vott um hugrekki, því einangraðir
eyjarskeggjar vilja framar öðru upp-
stokkun og eitthvað spánnýtt frá
hendi listamanna sinna í hvert sinn
sem þeir troða upp á opinberum
vettvangi. Og ekki er ýkja Iangt síð-
an viðhorfin voru sömuíeiðis í fullu
gildi þjá núlistamönnum tímanna,
sem snéru jafnharðan baki við fyrri
verkum sínum sbr. stefnuskrá mód-
ernismans „í listum liggur engin leið
til baka“.
En allt úreldist og ekkert verður
eins fljótt gamalt og vígorð og til-
búnar staðlaðar núlistir.
Menn virðast gleyma því, að ekk-
ert er nýtt undir sólinni, jafnvel ekki
ofurtæknin, því hún er sótt í dýra-
og jurtaríkið, líkt og að galdur flugs-
ins var árþúsunda gömul lumma
Sýning Æju
framlengd
SÝNING Æju (Þóreyjar Magn-
úsdóttur) í forkirkju Bústaða-
kirkju verður framlengd um
viku eða til 28. apríl.
Nýtt - símahaldari
Þetta er ný uppfinning, ein af
fjórtán merkilegum
uppfinningum sem ég hef
gert. Ég hef fundið upp
bílasímahaldara sem heldur
GSM símanum uppvið eyraö
svo bílstjórinn geti haft báöar
hendur frjálsar við aksturinn
meðan hann talar í símann.
Mikiö öryggis- atriði. Verð
17.000.
Björgvin Ómar Ólafsson,
sími 588 6716.
náttúrunnar áður en maðurinn hóf
sig á loft.
Hins vegar er grasið alltaf jafn
nýtt og ferskt á vorin og áþekkur
er galdur listarinnar, að það sem
fram er borið hafi yfir sér safa og
vaxtarmagn, veki lífræn viðbrögð
líkt og allt sem vex úr fijórri gróður-
mold. Að minni hyggju er Daði að
leitast við að höndla þennan fersk-
leika í myndum sínum og til að nálg-
ast hann hefur listamaðurinn ein-
beitt sér að vatnslitunum undanfarin
misseri og er framkvæmdin í Fold
afrakstur þeirra átaka.
Á sýningunni eru 30 myndir að
meðtöldum tveim í glugga og bera
þær allar handbragði Daða greini-
legt vitni. Það er svo samruni skýr-
leika í formi birtu og mýktar sem
telja verður sterkustu hlið lista-
mannsins er svo er komið. Dæmi
um skýrleika er myndin „Ljóðgræn-
an“ (5) sem byggist á skipulagðri
miðju kringum stórt hjarta en mjúkri
umgerð loftræns skreytis, boga og
hringtákna. Afar óþvinguð og fín
vinnubrögð eru í myndunum „Gulari
ský“ (10) og „Gullið í penslinum"
(11) og kórónast svo í „Landslagslof-
gjörð“ (24), sem ber að auki í sér
ástþrungna kímni. Víki ég svo aftur
að loftræna mjúka og hringmyndaða
skreytinu, sem myndar iðulega um-
gjörð um ákveðinn kjarna, er um
afar þróuð vinnubrögð að ræða og
oftar en ekki gætu þau ein og sér
staðið undir mjög iifandi og sértæk-
um myndheildum.
Bragi Ásgeirsson
Eistneskt
leikhúslíf
ULEV Aaloe, leikhúsmaður frá
Eistlandi, mun halda fyrirlestur á
sænsku í Norræna húsinu, þriðju-
daginn 22. apríl kl. 17.00.
I fyrirlestrinum fjallar hann um
eistneskt leikhús og sýnir mynd-
bandsupptökur. Aaloe hefur lagt
gjörva hönd á margt í eistnesku
menningarlífi. Hann er leiklistar-
stjóri leikhúss í Párnu, þar sem
oft eru sýnd norræn leikrit, og
forstöðumaður leiklistarsjóðsins í
Tallinn, hefur einnig starfað sem
deildarstjóri í menningarmálaráðu-
neyti Eistlands og fór þar með leik-
húsmál, auk þess sem hann hefur
unnið fyrir útvarp, fengist við
bókaútgáfu og veitt eistnesku bók-
menntakynningarstofunni for-
stöðu.
Éger
meistarinn
Þá hefur hann þýtt leikrit úr
sænsku, m.a. eftir Strindberg, Per
Olov Enquist og Hrafnhildi Guð-
mundsdóttur Hagalín, en leikrit
hennar Eg er meistarinn var sýnt
í Eistlandi í þýðingu hans.
Aðgangur að fyrirlestrinum er
ókeypis og allir eru velkomnir.