Morgunblaðið - 22.04.1997, Blaðsíða 14

14 ÞRIÐJUDAGUR 22. APRÍL 1997
MORGUNBLAÐIÐ
LAIMDIÐ
Mikil uppbygging íþróttamannvirkja í Borgarnesi
Landsmotið
verður lyftistöng-
Töluverðar hræríngar hafa verið í stuttrí
sögu bæjarstjómar Borgarbyggðar. Eftir
sameiningu var gerð róttæk uppstokkun í
veitumálum. Meirihlutinn féll vegna deilna
um endurskipulagningu á rekstri bæjarfé-
lagsins. í samtali Helga Biamasonar við
*
Ola J'n Gunnarsson bæjarstjóra kemur fram
að á þessu ári snýst lífíð um landsmót ung-
mennafélaganna og uppbyggingu glæsilegs
íþróttasvæðis.
Morgunblaðið/Theodór Kr. Þórðarson
ÓLI Jón Gunnarsson bæjarstjóri í Borgarnesi við heitu pottana
sem verið er að steypa á sundlaugarsvæðinu.
BORGARBYGGÐ var til fyrir síð-
ustu bæjarstjórnarkosningar með
sameiningu Borgamess, Stafholts-
tungna, Norðurárdals og Hraun-
hrepps. „Ég tel að sameiningin hafí
komið vel út fyrir íbúa Borgar-
byggðar. Það kom aukið fé inn á
þetta svæði, meðal annars í fram-
lögum Jöfnunarsjóðs sveitarfélaga,
sem við gátum lánað Vegagerð rík-
isins til að bæta samgöngur í dreif-
býlinu. Ég tel að með því höfum
við flýtt þróuninni í samgöngumál-
um um mörg ár,“ segir Oli Jón
Gunnarsson bæjarstjóri.
Afþökkuðu 90 milljónir
Óli Jón telur að íbúar í öllum
hlutum sveitarfélagsins séu ánægð-
ir með hlut sinn í nýja sveitarfélag-
inu. Með sameiningunni fækkaði
sveitarfélögunum í Mýrasýslu úr
átta í fimm. Ekki var áhugi fyrir
víðtækari sameiningu á sínum tíma.
Óli Jón telur að það hafí verið mis-
tök og sér fyrir sér að í framtíðinni
verði sveitarfélögin í Mýra- og
Borgarfjarðarsýslu norðan Skarðs-
heiðar auk tveggja syðstu hreppa
Snæfellsness sameinuð í eitt. Nú
eru 3.500 íbúar á þessu svæði, í
tólf sveitarfélögum sem hafa með
sér samstarf á ýmsum sviðum. Þar
af eru 2.100 íbúar í Borgarbyggð.
„Þetta er allt of flókið. Það væri
hægt að leggja niður 20 byggða-
samlög, nefndir og ráð án þess að
bæta við einum einasta fundi í
stjórnkerfi sameinaðs sveitarfé-
lags,“ segir Óli Jón.
Bæjarstjórinn telur að ekki sé
mikil hreyfíng á sameiningarmálum
eins og er nema hvað sveitarfélög
í Borgarfjarðarsýslu norðan
Skarðsheiðar hafi rætt saman. „En
mér er sagt að afstaða almennra
íbúa í nágrannasveitarfélögum okk-
ar sé að breytast, þeir séu ekki eins
hræddir við sameiningu og áður,
en það hefur held ég ekki skilað
sér upp til sveitarstjómanna. Ef
héraðið hefði allt verið sameinað
eins og lagt var til 1994 hefðu kom-
ið aukalega inn á þetta svæði 90
milljónir kr. úr Jöfnunarsjóði sveit-
arfélaga. Mér fínnst að frammá-
menn í sveitarfélögunum sem beittu
sér gegn sameiningu þurfi að svara
því hvað þeir geti gert svona vel
hver í sínu lagi að þeir hafí efni á
því að afþakka þessar 90 milljónir
kr.,“ segir Óli Jón.
Lækkun hitaorku
Veitukerfi Borgarfjarðar var
stokkað upp á árinu 1995. Borgar-
byggð seldi Rafmagnsveitum ríkis-
ins Rafveitu Borgamess og Akra-
nesbæ Andakílsárvirkjun en leysti
til sín sinn hluta af dreifíkerfí Hita-
veitu Akraness og Borgarfjarðar.
Jafnframt þessu tók Borgarbyggð
þátt í að tryggja rekstur HAB sem
aðveitufyrirtækis með því að lækka
skuldir þess verulega. Með þessum
aðgerðum var unnt að lækka heita
vatnið til notenda í Borgarnesi um
21% í upphafi. Þeirri lækkun til
viðbótar tók Hitaveita Borgamess
á sig 2,7% verðhækkun HAB í ág-
úst á síðasta ári án þess að til
hækkunar kæmi á töxtum og hún
tók einnig á sig 1% af hækkun
heita vatnsins í febrúar síðastliðinn
þannig að verð til notenda hækkaði
þá um 2,5% í stað 3,5%. Telur Óli
Jón að með þessum aðgerðum hafi
tekist að hafa heita vatnið í Borgar-
nesi á 25% lægra verði en annars
hefði orðið og reiknar hann með
því að Hitaveita Borgamess hafí
einnig bolmagn til að taka á sig
næstu hækkanir.
Akurnesingar fóru aðra leið en
Borgnesingar í orkumálunum. Þeir
lögðu áherslu á að halda yfírráðum
jrfír eigin rafveitu og keyptu auk
þess aðra eignaraðila út úr Anda-
kílsárvirkjun. „Ég tel að ákvarðanir
okkar í orkumálunum hafi verið
réttar enda voru þær í takt við
stefnu sem við höfum lengi viljað
fara. Við vomm búnir að glíma lengi
við vanda HAB og hann var ekki
hægt að leysa öðruvísi. Vissulega
er eftirsjá að þessum eignum en
það hefði verið allt of dým verði
keypt að halda þeim, miðað við
hvaða breytingum hægt var að ná
fram,“ segir Öli Jón.
Skylda okkar að spara og
gæta aðhalds í rekstri
Rekstrarkostnaður Borgar-
byggðar hefur aukist mjög á síð-
ustu árum. Á síðasta ári var rekstr-
arkostnaður án fjármagnskostnað-
ar kominn í 89% af skatttekjum.
Unnið hefur verið að því að minnka
kostnaðinn svo meira verði eftir til
framkvæmda enda unnið að stór-
verkefnum. Tvö mál hafa verið
mest áberandi enda umdeild í bæn-
um, endurskipulagning vinnufyrir-
komulags á leikskólanum Kletta-
borg og skipulagsbreyting á áhalda-
húsi. Bæjarfulltrúi Alþýðubanda-
lags sleit meirihlutasamstarfi við
Framsóknarflokk vegna ágreinings
um leikskólamálið. Við tók nýr
meirihluti Framsóknarflokks og
Sjálfstæðisflokks og hefur hann
fylgt þessum málum eftir.
„Launakostnaður í leikskólanum
jókst miklu meira en nam launaþró-
un í landinu. Uttekt sem gerð var
á skólanum sýndi að þörf var á að
koma þessu aftur í réttan farveg
og náðist ágætis samkomulag um
það við starfsfólkið eftir að mold-
viðrinu lauk og nýr meirihluti tók
við störfum. Borgarbyggð var með
tvö áhaldahús eftir að hún yfírtók
rekstur hitaveitunnar hér. Eftir
skoðun á þessum rekstri var lagt
til að áhaldahúsin yrðu sameinuð,
starfsfólki fækkað og seldur hluti
af bílum og tækjum sem bærinn
rak. Í staðinn yrði keypt meiri vinna
af sjálfstæðum verktökum. Við telj-
um að með því sé hægt að spara 6
milljónir kr. á ári. Þetta var gert
en starfsmenn áhaldahúss bæjarins
sættu sig ekki við breytingarnar
og fóru til annarra starfa,“ segir
Óli Jón. Hann getur þess einnig að
samið hafi verið við Sparisjóð Mýra-
sýslu um að annast innheimtu fast-
eignagjalda og við það hafí fækkað
um hálft stöðugildi á bæjarskrif-
stofunum.
Telur bæjarstjóri að meðal ann-
ars vegna þessara aðgerða muni
rekstrarkostnaðurinn fara niður í
um 82% af skatttekjum á þessu ári.
„Nú hefur verið tekið á þeim
málum sem við höfum augljóslega
getað gert betur. Þetta hefur kostað
átök en það er skylda okkar að
taka hagsmuni sveitarfélagsins í
heild fram yfir hagsmuni viðkom-
andi einstaklinga, reyna að spara
og gæta hvarvetna aðhalds í rekstri.
Menn sem bera ábyrgð á rekstri
sveitarfélaga hafa ekki efni á því
að stunda vinsældarkaup." Sem
framkvæmdastjóri bæjarins hefur
Óli Jón þurft að framkvæma þessar
umdeildu breytingar og segir það
ekki alltaf hafa verið auðvelt.
„Sumir persónugera þetta og tengja
minni persónu, ég hef vissulega
orðið var við það. Þetta stafar af
þekkingarskorti því bæjarstjórinn
framkvæmir ekkert nema fyrir því
liggi meirihlutavilji í bæjarstjórn.
Hins vegar fylgja starfi bæjarstjóra
alltaf ákveðin átök, ekki þýðir að
láta það á sig fá,“ segir hann.
Sundlaug og íþróttavöllur
Framkvæmdir við íþróttamann-
virki eru langstærstu verkefni
Borgarbyggðar þessi árin. Fram-
kvæmdunum þarf að vera lokið í
byrjun júlí þegar landsmót ung-
mennafélaganna verður haldið í
Borgarnesi. I fyrra var Skallagríms-
völlur stækkaður og sett upp góð
fijálsíþróttaaðstaða og nú er verið
að byggja 25 metra útisundlaug
ásamt pottum, vaðlaugum og renni-
brautum. Kostar uppbyggingin um
200 milljónir kr. Öll eru þessi mann-
virki við íþróttamiðstöðina, þau eru
tengd við Skallagrímsgarð og verð-
ur þarna eitt af skemmtilegri
íþróttasvæðum landsins.
í hugum margra eru íþrótta-
mannvirkin nátengd landsmótinu.
Óli Jón segir að vissulega ráðist
tímasetningin af landsmótinu en
þessi mannvirkjauppbygging sé til
langs tíma og muni íbúar sveitarfé-
lagsins og ferðafólk njóta þeirra
lengi eftir landsmót. „Gerð er krafa
til þess að ákveðin íþróttamannvirki
séu í byggðarlagi af þessari stærð,
til dæmis útisundlaug. Bæjarstjórn
Borgarbyggðar hefur haft þann
háttinn á að taka fyrir afmörkuð
verkefni og ljúka þeim á skömmum
tíma. Þannig nýtast mannvirkin
betur. Nú var komið að sundlaug
enda ekki önnur verkefni sem
knúðu meira á,“ segir bæjarstjór-
inn.
Borgarbyggð er ágætlega í stakk
búin til að ráðast í þetta stórverk-
efni, að sögn Óla Jóns. Nettóskuld-
ir bæjarins voru 45 þúsund kr. á
hvern íbúa um síðustu áramót og
þykir það lítið. Þessi tala mun
hækka nokkuð í ár vegna þess að
langtímaskuldir Borgarbyggðar
aukast vegna framkvæmdanna, þó
ekki nema um 30 milljónir. Reiknað
er með að hlé verði gert á fram-
kvæmdum eftir þetta ár á meðan
verið er að greiða skuldirnar.
Óli Jón segir að allt bendi til
þess að landsmótið í sumar heppn-
ist vel, dragi fólk í bæinn og verði
lyftistöng fyrir Borgarnes. Vonast
hann til að íþróttamannvirkin muni
áfram draga að íþróttahópa og
ferðafólk og að ferðafólk staldri
lengur við en áður. Það sé síðan
þjónustufyrirtækja í bænum að nýta
sér þá möguleika sem þetta skapar.
Möguleikar á Grundartanga
Þó ekki sé mikið atvinnuleysi í
Borgarnesi hefur atvinnulífið ekki
náð sér að fullu eftir lokun mjólkur-
samlagsins. Óli Jón segir að Borg-
nesingar bindi vonir við Hvalfjarð-
argöng og uppbyggingu stóriðju á
Grundartanga. Bendir á að mat-
væla- og framleiðsluiðnaður sé
uppistaðan í atvinnulífinu og bættar
samgöngubætur við Reykjavíkur-
svæðið hljóti að hafa jákvæð áhrif.
Þá bindur hann vonir við að Borg-
firðingar fái vinnu við stækkun
járnblendiverksmiðjunnar og bygg-
ingu álvers á Grundartanga og við
reksturinn í framhaldi af því. „Við
höfum verið útilokaðir frá vinnu á
Grundartanga vegna úreltrar skipt-
ingar landsins í atvinnusvæði. Nú
er búið að breyta lögum, svæðið
er orðið eitt atvinnusvæði. Við því
er að búast að hluti starfsfólksins
búi í höfuðborginni en ég tel þó að
svæðið norðan Hvalfjarðar, Akra-
nes og Borgarfjörður, hafi ágæta
möguleika til að laða fólkið að sér.
Það gæti til dæmis verið spennandi
kostur fyrir nýja starfsmenn að búa
í Borgarnesi og stunda vinnu á
Grundartanga. Hér er góð þjónusta
á flestum sviðum og gott umhverfi
fyrir fjölskyldufólk,“ segir Óli Jón
Gunnarsson.
Kór Menntaskólans
við Hamrahlíð sækir
Flateyri heim
Flateyri - Flateyrarkirkja var
fjölsótt þegar Kór Menntaskól-
ans við Hamrahlíð hélt síðbúna
sólrisutónleika sem voru felld-
ir niður í mars vegna veðurs.
Til Flateyrar kom kórinn eftir
að hafa sungið á Þingeyri.
Þrátt fyrir þrengsli tókst
kórmeðlimum 76 að tölu að
koma sér fyrir við altari Flat-
eyrarkirkju og halda prýðis-
tónleika fyrir íbúa Flateyrar.
Flutt voru lög eftir íslensk sem
erlend tónskáld og stóð dag-
skráin í 1 Vi klst. Góður rómur
var gerður að dagskránni.
Þess má geta að Sparisjóður
Önundarfjarðar ásamt sókn-
arnefnd Flateyrarkirkju og
Leikfélagi Flateyrar stóðu að
dagskránni og voru Eiríki
Finni Greipssyni sparisjóðs-
stjóra færðar þakkir fyrir frá
kórnum.
B \ * V**'**r*v: " V V ■ . |
1 “ ■ 1 V. JPH ■ *-xí
Morgunblaðið/Egill Egilsson
i
>
1
í
I
>
f
l
l
P
I
I
(
I
L
fc