Morgunblaðið - 22.04.1997, Blaðsíða 27
MORGUNBLAÐIÐ
LISTIR
ÞRIÐJUDAGUR 22. APRÍL 1997 27
Evrópsku bókmennta-
og þýðingarverðlaunin
Steinunn, Vig-
dís, Friðrik og
Hannes tilnefnd
STEINUNN Sigurðardóttir og
Vigdís Grímsdóttir hafa verið til-
nefndar til Evrópsku bókmennta-
verðlaunanna í ár og Friðrik
Rafnsson og Hannes Sigfússon
til Evrópsku þýðingarverðlaun-
anna. Steinunn er tilnefnd fyrir
skáldsögu sína Hjartastaður og
Vigdís fyrir skáldsöguna Z. Ast-
arsaga.
Friðrik er tilnefndur fyrir þýð-
ingu sína á Jakobi forlagasinna
og meistari hans eftir Denis Dide-
rot og Hannes fyrir þýðingu sína
á Síðustu minnisblöðum Tómasar
F. fyrir almenningssjónir eftir
Kjeld Askildsen.
Þetta er í fyrsta skipti sem Is-
lendingar tilnefna bækur til þess-
ara verðlauna en á síðasta ári fékk
indversk-enski rithöfundurinn Sal-
man Rushdie þau, eins og mörgum
er vafalaust í fersku minni.
í dómnefnd fyrir íslands hönd
sitja Sigurður Pálsson, skáld, en
hann fjallar um frumsamin verk,
og Kristján Þórður Hrafnsson,
w
Steinunn Sigurðardóttir Vigdís Grímsdóttir
Friðrik Hannes
Rafnsson Sigfússon
skáld, en hann fjallar um þýdd
verk. Verðlaunin verða afhent í
haust.
Morgunblaðið/Kristinn
Bassi, gítar,
tromma og Egill
TÓNLIST
Norræna húsiö
DJASSTÓNLEIKAR
Flutt voru verk eftir Björn Thorodd-
sen og Egll Ólafsson. Flytjendur:
Egill Olafsson söngur, Bjöm Thor-
oddsen gítar, Ole Rasmussen kontra-
bassi og Per Ame Tollbom tromm-
ur. Laugardaginn 19. apríl 1997.
NORRÆNI djasskvartettinn, sem
Björn Thoroddsen setti á laggirnar
með tilstyrk frá Norræna menning-
arsjóðnum, hefur spilað víða um land
að undanförnu. Síðustu tónleikarnir
voru í Norræna húsinu sl. laugardag
en auk þess að spila á tónleikum tók
kvartettinn upp efni á geisladisk hér
á landi. Tónlistin er i senn þjóðleg
og djössuð á alþjóðlega vísu og hljóð-
færaskipan er óvenjuleg.
Norræni djasskvartettinn er lík-
lega ein athyglisverðasta djasssveit-
in sem Islendingar eiga aðild að um
þessar mundir. Þar hjálpast margt
að, ekki síst fullkomin, fagleg spila-
mennska og að stórum hluta frums-
amin tónlist með nýstárlegum
hljómi. Snarsteijun er stór þáttur í
henni og fóru þar allir með stórt
hlutverk, ekki síst Egill, sem skatt-
aði og raddaði af hjartans lyst. Eg-
ill hefur náð sterkum tökum á þessu
sérstæða söngformi en auk þess
lagði hann fram dijúgan skerf á
efnisskránni.
Ole Rasmussen er ákaflega lipur
bassaleikari og vöktu einleikskaflar
hans verðskuldaða hrifningu. Kvart-
ettinn virkaði vel samæfður og
spennandi verður að heyra disk
þeirra þegar hann kemur út.
Leikamir hófust á íslensku þjóð-
lagi við ljóð eftir Bjarna Thorarens-
en, Þótt blástjarnan skarti skær.
Grænt, vænt, grænt eftir Björn er
létt og leikandi melódía, ekki ósvipað
efni og á síðasta hljómdiski hans og
Egils, Híf opp. Krami eftir Egil er
falleg ballaða sem þeir fluttu með
tilþrifum. Einnig var flutt eftir Egil
rokkað lag úr söngleiknum Gretti þar
sem Björn vakti upp drauga með slag-
verkskafla á gítarinn. Hljómaði gítar-
inn eins og bongótromma með hljóm-
um. Besta lag Egils var hið fönkætt-
aða Ég skulda aungvum neitt.
Björn trakteraði menn á Haldið í
hrynið sem er dálítið einsleit en gríp-
andi melódía sem Egill söng í fal-
settu, og Indíánasöngnum Pow Wow.
Björn er fyrir löngu búinn að finna
sinn gítarhljóm og á auðvelt með
að spinna litríkan vef. Það var létt-
ur, ljóðrænn andi yfir efnisskránni,
klingjandi laglínur og góðir einleik-
skaflar. Allt í besta lagi.
Guðjón Guðmundsson
ÞETTA olíumálverk, sem er rúm-
ir 3 metrar á hæð og 2,5 metrar
á breidd, kom nýlega fyrir al-
menningssjónir í Manchester, en
það kallast „List leiksins". Það
sýnir Eric Cantona, fyrirliða
knattspyrnuliðsins Manchester
United, sem Krist, Alex Fergu-
son, framkvæmdasljóra liðsins
sem Júlíus Sesar og leikmennina
Phil Neville, David Beckham,
Nicky Butt og Gary Neville, sem
sofandi hermenn. Málverkið er
byggt á verki frá 15. öld. Þess
má geta að Cantona festi kaup á
myndinni.
Karlakór
Keflavíkur
heldur vor-
tónleika
KARLAKÓR Keflavíkur heldur vor-
tónleika fyrir áskriftarfélaga. Tón-
leikarnir verða haldnir í Grindavík-
urkirkju 27. apríl, Ytri-Njarðvíkur-
kirkju 30. apríl, 7. maí og 14. maí.
Allir tónleikarnir hefjast kl. 20.30.
Einnig verða tónleikar í Fella- og
Hólakirkju í Reykjavík 11. maí og
hefjast þeir kl. 17.
Kórinn mun heimsækja Vestmann-
eyinga 2.-4. maí og halda tónleika
í Hvítasunnukirlqunni 3. maí kl. 17.
Stjórnandi kórsins er Vilberg
Viggósson. Undirleikarar eru Ágota
Joó á píanó, Gestur Friðjónsson á
harmonikku og Þórólfur Þórsson á
bassa. Einsöng syngur Steinn Erl-
ingsson baritón.
------»-♦-■♦----
Húnvetnskir
kórar í Selja-
kirkju
SAMEIGINLEGIR tónleikar þriggja
kóra verða haldnir í Seljakirkju mið-
vikudaginn 23. apríl kl. 21. Þar
koma saman kórarnir Lóuþræll og
Sandlóur frá Miðfirði í Vestur-
Húnavatnssýslu og Húnakórinn í
Reykjavík. _ Söngstjóri kóranna að
norðan er Olöf Pétursdóttir og und-
irleikari er Elínborg Sigurgeirsdótt-
ir. Söngstjóri Húnakórsins er Ses-
selja Guðmundsdóttir og undirleikar
er Arnhildur Valgarðsdóttir.
Efnisskráin er blönduð og sam-
anstendur af íslenskum og erlendum
lögum í léttum dúr.
ÞÆR ERU KOMNAR TIL AB VERA!!!
INSTITUTE-FOR-SKIN-THERAPY
SNYRTIVÖRUR STJARNANNA f H0LLYW00D!
Ótrútega áhrifaríkar, náttúrulegar, ofnæmisprófaðar og ilmefnalausar snyrtivörur - án og með
ávaxtasýru. (AHA 5 -10%). Framleiddar í Kaliforníu, USA, þar sem fólk hefur hvorki tíma né áhuga
á að bíða eftir SÝNILEGUM árangri. Vill aðeins það allra besta - STRAX!
IMæturkrem (AHA10%), augnkrem (AHA 5%), dagkrem, hreinsikrem, hand- og líkamskrem (heldur
niðri psoriasis), andlitsmaskar o.fl.ofl. Líka einstaklega virk krem- og maskameðferð ætluð
bóluhúð.
Snyrtivörurnar frá INSTITUTE-FOR-SKIN-THERAPY eru einungis fáanlegar á völdum snyrtistofum
í Kaliforníu og nú líka á íslandi hjá Snyrtistofunni IVIAJU, Bankastræti 14, Reykjavík, Snyrtistofu
DÍU, Bergþórugötu 5, Reykjavík og Snyrtistofu Löllu, Heilsustofnun N.L.F.Í., Hveragerði.
Fást bæði í venjulegum umbúðum og stærri vinnuumbúðum fyrir snyrtistofur.
IVIJÖG HAGSTÆTT VERÐ.
ÞAÐ SÉST RAUNVERULEGUR MUNUR
Á HÚÐINNI Á ÖRFÁUM DÖGUM.
HÚN VERÐUR HEILBRIGÐ, SLÉTT OG
SKÍNANDI
e.h.f.
Síðumúla 17 • 108 R. • Simi: 588-3630 • Fax: 588-3731
Opið frá kl. 13.00-17.00 daglega